बोस्टनमा लायन्स तीज सम्पन्न उत्तरालाई नौ हजार डलर प्रदान

कृष्णराज खनाल, वोस्टन । नेपाली हिन्दु महिलाहरुको महान पर्व हरितालिका तीज सात समुन्द्र पारीको यो मुलुकमा हिजो राती अबेरसम्म मनाइयो । हिमालयन लायन्स क्लव, वोस्टनको अग्रेसरतामा आयोजित सो कार्यक्रममा नेपाली पहिरन रातो सारी, चुरा पोते, ब्लाउज र छड्के तिलहरीमा सजिएका झण्डै दुई सय ५० महिलाहरु राती अवेरसम्म विभिन्न किसिमका आधुनिक तीजे गीतमा छमछम गर्दै नाचगान गरेर घर फर्किएका थिए । अमेरिका जस्तो ठाउँमा पनि नाचगान गर्न पाउन् हाम्रा लागि खुसीको कुरा हो, शारदा पन्तले भन्नुभयो ।

तीज कार्यक्रममा यस भेगमा क्रियाशील लायन्स क्लवका स्थानीय पदाधिकारीसमेत नाचमा झुमेका थिए । लायन पेगी चिल भन्छिन् “मलाई नेपालीहरुको यो संस्कृति खुबै मन पर्छ, म विगत तीन वर्षदेखि निरन्तर सहभागी भइरहेकी छु ।”भाइस डिष्ट्रिक गभर्नर लायन पल क्यालनालले क्लवले छोटा समयमा पुस्तकालय भवन तथा उत्तारा घिमिरे कोश जस्ता विभिन्न राम्रा काम गर्र्दै गएकोमा प्रशंसा गनुभयो ।

त्यस अवसरमा वोस्टनमा लामो समयदेखि बस्दै आउनुभएकी क्यान्सर पीडित उत्तरादेवी घिमिरेको उपचारार्थ क्लवले संकलन गरेको नौ हजार तीन सय तेर डलरको चेक क्लवका अध्यक्ष लायन शिव प्रकाशले हस्तान्तरण गर्नुभयो । क्लवले उहाँको नाममा “उत्तरा घिमिरे रिलिफ फण्ड” खडा गरेको थियो ।उक्त अवसरमा उपस्थित सर्वाधिक वृद्ध उमेरकी रेणु राणाले राफल चिठ्ठाका विजयीहरुलाई पुरस्कार प्रदान गनुभएको थियो । त्यसैगरी क्लवका प्रथम उपाध्यक्ष लायन विष्णु कार्कीले गतसालका देउसी-भैलो आयोजकहरु विना राजभण्डारी, धनलक्ष्मी श्रेष्ठ, कल्पना श्रेष्ठ, मुना पाण्डे, लक्ष्मी थापा, सरिता भण्डारी र शान्ती घिताललाई खादा ओढाइ सम्मान गर्नुका साथै प्रमाणपत्र प्रदान गर्नु भयो ।

तृतीय उपाध्यक्ष लायन राम थापा र सदस्य लायन हजुरी सिंहले डिस्ट्रिक पदाधिकारीहरुलाई स्वागत गर्दै नेपाली भादगाउँले टोपी ंउपाहर प्रदान गर्नु भयो भने सचिव सन्तोष सुवेदीले म्यासेच्युसेट्सबाट यस वर्षको मिस नेपाल-अमेरिकामा सहभागी भएकी स्वीकृती खनाललाई क्लवकका तर्फबाट तीनसय पचास डलरक चेक हस्तान्तण गर्नु भयो । एलिसा थापाले संचालन गरेको कार्यक्रममा क्लव ट्यामर लायन आजाद प्रधानले धन्यवाद ज्ञापन गर्नु भएको थियो ।

१ आश्विन २०६९, सोमबार २१:१२ मा प्रकाशित

प्रतिकृया दिनुहोस

विशेष

सबै

राजतन्त्र र हिन्दु राष्ट्रको माग गर्दै रौतहटमा प्रदर्शन

रौतहट । राजतन्त्र र हिन्दु राष्ट्र कायम गर्न माग गर्दै नेपाल राष्ट्रवादी समूहले रौतहटमा प्रर्दशन गरेको छ । प्रदर्शनको क्रममा..

‘छिट्टै विकासशील राष्ट्रमा उक्लिँदैछौँ’

काठमाडौँ । प्रधानमन्त्री केपी शर्मा ओलीले सङ्घीय, प्रदेश र स्थानीय तहका सरकार सबैको संयोजन, सहभागिता र..

पूर्वयुवराज पारस शाहको स्वास्थ्यमा समस्या

काठमाडौं । पूर्वयुवराज पारस शाहको स्वास्थ्यमा समस्या देखिएको छ । उनी बसेकै होटलमा चिकित्सकहरूले उपचार थालिएको..

विदेशी पर्यटकलाई भिसा प्रावधानमा खुकुलो बनाइदै

काठमाडौ । सरकारले पर्यटक भिसामा नेपाल आउने विदेशी नागरिकका लागि भिसा सम्बन्धि प्रावधानलाई केही खुकुलो बनाउने..

बाइडेनद्वारा आफ्नो प्रशासनमा रहने ६ व्यक्तिको नाम सार्वजनिक

न्यूयोर्क । अमेरिकाको राष्ट्रपतिमा निर्वाचित जो बाइडेनले सत्ता सम्हाल्ने तयारीका निम्ति आफ्नो सरकारका..