वेलायतमा दश नेपाली सम्मानित

चिरन शर्मा, वेलायत । ब्रिटेनस्थित नेपाली समुदायलाई योगदान पुर्याएर गत वर्ष चर्चामा रहेका दशजना व्यक्तित्वहरुलाई नेपाल ब्रिटेनडटकमले एउटा समारोहबीच सम्मान गरेको छ ।

सोमबार बेलुका इलिङ ब्रोडवेस्थित हङ्ग्री यति रेष्टुरेण्टमा आयोजित एक कार्यक्रममा नेपाल ब्रिटेनडटकमका निर्देशक चीरन्जीवी ढकाल तथा वेलायतका लागि नेपाली राजदूत डा. सुरेशचन्द्र चालिसेले सम्मानित व्यक्तित्वहरुलाई खादा ओढाइ सम्मान गर्नुभएको थियो ।
त्यस्तै बीबीसी नेपाली सेवाका प्रमुख एवं हेल्प नेपाल नेटवर्कका संस्थापक अध्यक्ष रवीन्द्र मिश्रले उहाँहरुलाई पुष्पगुच्छा प्रदान गर्नुभएको थियो । नेपाल ब्रिटेन डटकमले हालै गरेको एक सर्वेक्षणका आधारमा विभिन्न संचार माध्यम तथा सोसियल मिडियामा सबैभन्दा बढी चर्चामा आएका दश जनाको नाम सार्वजनिक गरेको थियो । जसमा मिस नेपाल २०१२ सुश्री श्रृष्टि श्रेष्ठ, समाजसेवी डम्बर घले एमबिइ, बेलायतकालागि नेपाली राजदूत डा. सुरेशचन्द्र चालिसे, गोर्खा अभियानकर्ता ज्ञानराज राई, सोलिसिटर राजु थापा, समाजसेवी सूर्य गुरुङ, गायक विवेक श्रेष्ठ, तमुधि यूकेका अध्यक्ष मुछेत्र गुरुङ, मिस नेपाल यूकेकी संस्थापक शान्ति गुरुङ तथा व्यवसायी नरेन्द्र कंडेल छन् ।

वरिष्ठ कलाकार मदन थापाद्वारा मंगल धुन प्रस्तुत गरेपछि शुरु भएको कार्यक्रममा बोल्दै नेपाल ब्रिटेन डटकमका निर्देशक चीरन्जीवी ढकालले ब्रिटेनमा नेपाली समुदायको संख्या र बढ्दो गतिविधिलाई समेट्ने उद्देश्यले पाँच वर्षअघि नेपाल ब्रिटेन डटकम शुरु गरिएको बताउनुभयो । उहाँले सम्मानित व्यक्तित्वहरुलाई बधाइ दिंदै आगामी दिनमा पनि उहाँहरुबाट बेलायतस्थित नेपाली समुदाय र नेपाल लाभान्वित भइरहने विश्वास व्यक्त गर्नुभयो ।

गैरआवासीय नेपाली संघ यूकेका अध्यक्ष तथा नेपाल ब्रिटेन डटकमका महाप्रबन्धक कुल आचार्यले गैरआवासीय नेपाली संघ र विदेशमा रहेका नेपाली संघसंस्थाहरुद्वारा थालिएका अभियानहरुलाई अत्याधुनिक प्रविधि प्रयोग गरी पाठकहरु सम्म पुर्याउन नेपाल ब्रिटेन डटकम अग्रणी स्थानमा रहेको बताउनुभयो । उहाँले आगामी दिनमा पनि यस अनलाईन संचारमाध्यमलाई लोकप्रिय र विश्वसनीय बनाउन सबैको सुझाव तथा सहयोगकालागि आग्रह गर्नुभयो ।

सम्मानित व्यक्तित्व तथा बेलायतकालागि नेपाली राजदूत डा. सुरेशचन्द्र चालिसेले समाजको विभिन्न क्षेत्रमा योगदान पुराएका व्यक्तित्वहरुको सम्मान गर्ने नेपाल ब्रिटेन डटकमको प्रयास प्रशंसनीय र सह्रानीय छ भन्नुभयो । उहाँले आफू नेपाल सरकारले खटाएको एक अधिकारी भएकाले बेलायतमा नेपालको हित प्रबर्द्धन गर्नु तथा यहाँ रहेका नेपाली समुदायको सेवा गर्नु आफ्नो कर्तव्य भएको बताउनुभयो । उहाँले तन, मन र धनले प्रवासमा नेपाली समुदायको सेवा गर्दै आउनुभएका सबै व्यक्तित्वहरु निश्चय नै प्रशंसाका हकदार हुनुहुन्छ भन्नुभयो ।

२७ भाद्र २०६९, बुधबार २२:०९ मा प्रकाशित

प्रतिकृया दिनुहोस

विशेष

सबै

स्वास्थ, विज्ञान, कूटनीति र अन्तर्राष्ट्रिय सम्बन्धबारे लण्डन दूतावासमा वेभिनार

लण्डन । लण्डनमा रहेको नेपाली राजदूतावासले बिहीवार ग्लास्गो क्यालेडोनियन विश्वविद्यालयसँगको सहकार्यमा ‘सार्वजनिक स्वास्थ्य तथा..

राजतन्त्र र हिन्दु राष्ट्रको माग गर्दै रौतहटमा प्रदर्शन

रौतहट । राजतन्त्र र हिन्दु राष्ट्र कायम गर्न माग गर्दै नेपाल राष्ट्रवादी समूहले रौतहटमा प्रर्दशन गरेको छ ।..

‘छिट्टै विकासशील राष्ट्रमा उक्लिँदैछौँ’

काठमाडौँ । प्रधानमन्त्री केपी शर्मा ओलीले सङ्घीय, प्रदेश र स्थानीय तहका सरकार सबैको संयोजन, सहभागिता र..

पूर्वयुवराज पारस शाहको स्वास्थ्यमा समस्या

काठमाडौं । पूर्वयुवराज पारस शाहको स्वास्थ्यमा समस्या देखिएको छ । उनी बसेकै होटलमा चिकित्सकहरूले उपचार थालिएको..

विदेशी पर्यटकलाई भिसा प्रावधानमा खुकुलो बनाइदै

काठमाडौ । सरकारले पर्यटक भिसामा नेपाल आउने विदेशी नागरिकका लागि भिसा सम्बन्धि प्रावधानलाई केही खुकुलो बनाउने..