कोरोना संक्रमणबाट झण्डै २० लाख मानिसको मृत्यु हुन सक्छ : डब्लुएचओ

जुरिच । विश्व स्वास्थ्य संगठन ‘डब्लूएचओ’ले कोरोना भाइरसको संक्रमणका कारण झण्डै बीस लाख मानिसको मृत्यु हुनसक्ने चेतावनी दिएको छ । कोरोना भाइरस विरुद्धको प्रभावकारी खोपको प्रयोग हुनुअघि नै ठुलो संख्यामा मानिको मृत्यु हुनसक्ने डब्लुएचओले चेतावनी दिएको हो ।

जेनेभामा आयोजित नियमित पत्रकार सम्मेलनमा डब्लूएचओका आपतकाल विभाग प्रमुख माइक राइनले विश्वब्यापी सहकार्य नहुने हो भने कोरोना संक्रमणवाट मृत्यु हुनेको संख्या सोचेभन्दा धेरै हुने बताएका छन् ।

विश्व सामुदाय नै सचेत नभएमा कोरोना संक्रमणले सोचेभन्दा धेरै क्षति गर्ने राइनले बताए । कोरोना संक्रमणबाट अहिलेसम्म झण्डै दश लाख मानिसको मृत्यु भएको छ ।

चिसो महिना सुरु भएसँगै संक्रमणको दोस्रो लहर फैलने चिन्ता डब्लुएचओले ब्यक्त गरेको छ । मौसमी रुघाखोकी जस्तै चिसो मौसममा कोरोनाको संक्रमण दर अझ बढ्ने अनुमान गरिएको छ ।

अहिलेसम्म कोरोना भाइरसवाट सबैभन्दा बढी प्रभावित अमेरिकामा ७२ लाख ३६ हजारमा कोरोना पुष्टि भएको छ भने २ लाख ८ हजारको मृत्यु भएको छ । छिमेकी मुलक भारतमा ५९ लाखमा कोरोना पुष्टि भएको छ भने ९३ हजारको मृत्यु भएको छ ।

ब्राजिलमा ४६ लाख ९२ हजारमा कोरोना पुष्टि भएको छ भने १ लाख ४० हजारको मृत्यु भएको छ । अहिले विश्वभर ३ करोड २७ लाखमा कोरोना पुष्टि भएको छ । जसमध्ये २ करोड ४१ लाख निको भएका छन् । ९ लाख ९२ हजारको मृत्यु भैसकेको छ ।

१० आश्विन २०७७, शनिबार १०:४९ मा प्रकाशित

प्रतिकृया दिनुहोस

विशेष

सबै

चितवनमा सङ्कलित प्लाज्मा अन्य जिल्लामा

क्षेत्रीय रक्तसञ्चार केन्द्र भरतपुरले सङ्कलित कोभिड–१९ सङ्क्रमण भई निको भएकाका प्लाज्मा अन्य जिल्लामा पठाउन थालिएको छ । अन्यत्र..

प्रहरीको गोलीबाट अश्वेत व्यक्तिको मृत्यु भएपछि अमेरिकाको फिलाडेल्फियामा तनाव

न्यूयोर्क । अमेरिकाको पेन्सिलभेनिया राज्यस्थित फिलाडेल्फिया शहरमा प्रहरीको गोली लागेर अश्वेत व्यक्तिको..

नेपालमा कोरोना संक्रमण जाडोमा थप जटिल बन्ने

काठमाडौं । नेपाल कोरोना भाइरसका कारण खराब अवस्थामा रहेका मुलुकको ३४ औं मुलुक भएको छ । वल्डोमिटरका अनुसार..

चन्द्रमामा मानव जीवनको सम्भावनातर्फ नयाँ खुट्किलो : नासा

न्यूयोर्क । अमेरिकी अन्तरिक्ष एजेन्सी नासाले चन्द्रमाको सतहमा पानी रहेको पुष्टि गरेको छ । पानीको केमिकल..

दशैँको टीका लगाउन हिँड्नेको चहलपहल कम

दुर्गापक्षको मुख्य दिन आज मान्यजनको हातबाट नवदुर्गाको प्रसादका रुपमा शुभ साइतको प्रतीक रातो टीका एवं..