“गाउँको सम्झनामा” – मालिकराम राई ‘वियोगी’

म जन्मेंको गाउँ सोल्मा
म हुर्केको ठाउँ दिक्तेल
उसको सिरानी रुपाकोट
अलि पर
किराती उद्गमस्थल तुवाचुङ
अलि तल
अति सुन्दर ट्याम्के डाँडा
यता उता
रावा, सावा, साप्सु
अझ पर
दुधकाशी, सुनकोशी, सप्तकोशी
अझ माथि
हिंमश्रृखला अनि सगरमाथा

यस्तै यस्तै
अरु सुन्दरता र गहनाहरुले
सजिसजाउ, भरिभराउ
म जन्मेको गाउँ सोल्मा
म हुर्केको ठाउँ दिक्तेल
म यहीं जन्मेँ
म यहीँ खेलेँ
म यहीं हुर्कें

लेकबेंसी, वनजंगल, डाँडापाखा
नागी, चउर,, भन्ज्याङ, चौतारीहरु
राजखर्क र तालखर्क
भतेरे चउर र झगडे पाखा
जोगीडाँडा र लालडाँडा
सीमखेत र भूमेखेत
चुवाबोटे र टिम्बुरबोटे
माथिल्लो बारी र तल्लोबारी
सबै सबै
मेरो स्मृति र सम्झनामा आउने
म जन्मेको गाउँ सोल्मा
म हुर्केको ठाउँ दिक्तेल
टेकुवा, ढाकर र नाम्लो
हलो, जुवा र कोदालोसँग
पसिनाका जीवन साट्दै
मुर्चुङ्गो, बिनायो र ढोलझ्याम्टा
सिलु र चौरीको पुच्छरले
हाँसोको साकेलासिली नाच्दै
नछुङ, तोकाया
सिलीमपा र सिलीममासँग
जीवनवृतिको अभिनय गर्दै

यस्तै यस्तै
अनेक संस्कृति र संस्कारमा
अनन्त अनन्त बाँचिरहेको
म जन्मेको गाउँ सोल्मा
म हुर्केको ठाउँ दिक्तेल
अहिले त ऊ
साह्रै शून्य अनि उदास
कान्तिहीन अनि निराश

जिन्दगीको उराठलाग्दो पल घिचाउदै
मनभित्रका कुण्ठा र वेदनाहरुलाई
विवशता र बाध्यताहरुलाई
कहिले गाउँले भएर
हामी एक्लै बेसहारा
कसरी बाँच्नु
चाँडै यसको विकल्प खोज्नु
कहिले चेली भएर

हरेक पल हामीले
तिम्रो प्रतिबिम्ब
फूलको थुँगामा कति खोज्नु
चेलीहरुको लागि पनि घरदेश र्फकनु
कहिले ऊ
ट्याम्के, रुपाकोट, तुवाचुङ
वनजंगल, डाँडापाखा
भन्ज्याङ, चौतारी

सिमेभूमे अनि देउरालील भएर
कहिलेकाहीं हामीलाई पनि सम्झनु
परदेशी मात्र भएर नबस्नु
यस्तै यस्तै मनपोल्ने
मनको वेदना पोख्छ
मनको पीर व्यथा पोख्छ
विलौना गर्छ अनुरोध गर्छ

म जन्मेको गाउँ सोल्मा
म हुर्केको ठाउँ दिक्तेल

२ चैत्र २०६८, बिहीबार ११:३९ मा प्रकाशित

प्रतिकृया दिनुहोस

विशेष

सबै

कोरोना संक्रमितको उपचार नगर्ने सरकारको निर्णय गैरजिम्मेवार र अनुत्तरदायी : नेपाल

काठमाडौ । सत्तारुढ नेकपाका वरिष्ठ नेता माधवकुमार नेपालले कोरोना संक्रमितको उपचार नगर्ने सरकारकोे निर्णय जनताप्रति गैरजिम्मेवार..

कोरोना संक्रमणबाट नेपालमा थप ६ जनाको मृत्यु

काठमाडौं । कोरोन भाइरस संक्रमणबाट नेपालमा थप ६ जनाको मृत्यु भएको छ । सुनसरीमा तीन, भक्तपुर, दाङ र रुपन्देहीमा..

बाइडेनले कोरोना भाइरस सामु आत्मसमर्पण गरे : ट्रम्प

न्यूयोर्क । अमेरिकी राष्ट्रपति डोनाल्ड ट्रम्पले डेमोक्रेटिक प्रतिस्पर्धी जो बाइडेनले विज्ञान र विज्ञको कुरा..

सांसदलाई दिएको दशैं पेस्की फिर्ता लिने सरकारको निर्णय

काठमाडौं । गत वर्षको निर्णय देखाएर सांसदलाई वितरण गरिएको दशैं पेस्की सरकारले फिर्ता लिने निर्णय गरेको छ ।..

प्रस्तावित राजदूत खतिवडा र रेग्मीविरुद्ध ४ उजुरी

काठमाडौं । अमेरिका र बेलायतका लागि प्रस्तावित राजदूतहरू डा. युवराज खतिवडा र लोकदर्शन रेग्मीविरुद्ध संसदीय..