मल्हमपट्टीले ठीक हुने घाउलाई चिरफार किन गर्ने ? – नारायणमान बिजुक्छे रोहित (अध्यक्ष, नेमकिपा)

० आलङ्कारिक ओहोदामा रहेका भनिएका राष्ट्रपति यतिबेला केन्द्रबिन्दुमा देखिनुभएको छ, किन होला ?

– राष्ट्रपति देशकै अभिभावकको भूमिकामा हुनुहुन्छ, उहांले संविधानको पालना र संरक्षण गर्नुहुन्छ । राष्ट्राध्यक्षजस्तो व्यक्ति राष्ट्रको केन्द्रबिन्दुमा देखिनु के अस्वाभाविक भयो र ?
० राष्ट्रपतिले राजनीति गर्न मिल्छ ? सरकारले स्वीकृतिका लागि पठाएको अध्यादेश फिर्ता गरेर राजनीति गर्नुभयो रे नि उहांले, हो ?
– एकदम गलत कुरो † उहांले राजनीति गर्नुभएकै मान्ने हो भने पनि देश र जनताको हितमा गर्नुभयो । अध्यादेशबाट सरकार चलाउन खोज्नु भनेको प्रधानमन्त्रीको निरङ्कुशता हो । यो निरङ्कुशतालाई समयमै रोक्न सकिएन भने देशमा थप अप्ठ्याराहरू आउने निश्चित छ । यही देखेर–बुझेर राष्ट्रपतिले अध्यादेश फिर्ता पठाउनुभएको हो र देशका लागि यो अत्यन्त सकारात्मक कार्य हो ।
० एमाओवादी, मधेसवादी दलहरूले त यो कदम बेठिक भनेर विरोध गरे त †
– देश र जनताले समर्थन पनि त गरेका छन् नि † सरकारमा बसेर खाइपाई आएकाहरूले आफ्ना मोजमस्ती गुम्ला भन्ने डरले विरोध गर्ने नै भए, तर व्यापक जनताले समर्थन गरेका छन् ।
० राष्ट्रपतिको कदममा समर्थन जनाउने व्यापक जनता छन् ?
– छन् । बुझ्ने जनता व्यापक रूपमा समर्थनमा छन् ।
० संविधानको पालक र संरक्षकको ओहोदामा रहेका राष्ट्रपतिले राजनीति गर्नु हुंदैन, प्रधानमन्त्रीले जे सिफारिस गर्छन् त्यही मात्र गर्नुपर्छ भन्छन् नि त ?
– यसरी एकाङ्की ढङ्गले बुझ्नु गलत हो । प्रधानमन्त्रीले निरङ्कुशता लाद्न सक्ने भएकोले राष्ट्रपतिलाई केही अधिकार दिएको छ संविधानले । विदेशले आक्रमण ग¥यो भने, देशको अर्थतन्त्र चौपट भयो भने, देशमा शान्ति सुरक्षा भएन र उपद्रव भयो भने त्यसलाई नियन्त्रण गर्न एउटा निकाय त चाहियो । यही सोचबाट राष्ट्रपतिको व्यवस्था गरेको छ संविधानले ।
० मधेसी मोर्चाका एक नेताले त यस्तै हो भने अब राष्ट्रपतिलाई हटाइन्छ भनी उद्घोष नै गरे नि, के भन्नुहुन्छ यसमा तपाईं ?
– प्रधानमन्त्री हट्नुपर्छ अहिले । मधेसी मोर्चाका दलहरू क्रान्तिकारी भूमिसुधार गर्न नचाहने सामन्ती सोच बोकेकाहरू हुन्, तर यस्ताहरूसंग क्रान्तिकारी भूमिसुधारकै निम्ति सशस्त्र सङ्घर्ष गर्नुपरेको दाबी गर्ने एमाओवादीहरूले लगनगांठो कस्न पुगेको हास्यास्पद र विडम्बनाको अवस्था देखिरहेका छौं हामी । एमाओवादीले सिद्धान्त छोडेको छ, तराईका केही जमिनदार र सामन्तहरूको पार्टीलाई कांधमा बोकेर हिंडेको छ । यस्तो बहुलठ्ठी देखाउने एमाओवादीका कारण आज देश खाडलमा गएको छ । यस्तो सरकारलाई अरू केही समय राखिरह्यो भने त देशको हालत के हुन्छ हेर्दै जानुहोला ।
० २०–२५ वर्ष त भट्टराई सरकार या भनौं माओवादीकै नेतृत्वमा सरकार रहन्छ भन्ने उद्घोष गरे नि प्रचण्डले त, तपाईंचाहिं यस्तो कुरा गर्नुहुन्छ ?
– त्यस्तो उद्घोष गर्नेहरू २५ वर्ष ज्युंछ कि ज्युंदैन पनि हेर्नुप¥यो । प्रचण्डले त के–के भन्नुहुन्छ के–के † उहा. जथाभावी आवेशमा बोल्नुहुन्छ अनि माफी माग्नुहुन्छ । त्यसैले प्रचण्डजीको भनाइको पछि लाग्ने होइन कि तथ्यको पछाडि लाग्ने हो ।
० भनेपछि राष्ट्रपतिले प्रधानमन्त्रीलाई हटाउन सक्नुहुन्छ अब ?
– हटाइसक्नुपर्ने थियो, किन ढिलो भएको हो । यस्ता प्रधानमन्त्रीलाई हटाउनुपर्छ र जनताले पनि त्यस कदमको स्वागत गर्नुपर्छ, गर्छ ।
० प्रधानमन्त्री भट्टराईको नाममा अब सहमति बन्न सक्दैन, उहां नहटी सुखै
छैन, हो ?
– स्थिति त्यही नै हो ।
० तपाईं नेपालमा राष्ट्रपतिशासनको परिकल्पना गरिरहनुभएको प्रतीत हुन्छ, अहिलकोे परिवेशमा त्यो कसरी सम्भव छ ?
– स्वाभाविक किसिमबाट प्रधानमन्त्रीले राजीनामा दिएर देशलाई निकास दिए भने राष्ट्रपतिले शासन चलाउनुपर्ने आवश्यकता नै रहंदैन । मल्हमपट्टीले नै घाउ ठीक हुन्छ भने चिरफार किन गरिरहनुप¥यो र ?
० यदि प्रधानमन्त्रीले राजीनामा दिनुभएन भनेचाहिं राष्ट्रपतिशासन लागू हुन्छ ?
– जनताको त्यस्तो माग छ । त्यतिबेला प्रधानमन्त्री रहंदैन, राष्ट्रपतिको भनाइअनुसार नै प्रधानमन्त्रीले राजीनामा दिनुपर्ने हुन्छ । यस्तो तनावपूर्ण अवस्थामा पुग्नु या पु¥याउनुभन्दा पहिले नै राीजनामा दिनुहुनेछ भन्ने मेरो व्यक्तिगत आग्रह र अनुमान छ ।
० बाबुराम भट्टराईले त्यति सजिलै राजीनामा दिनुहोला भन्ने विश्वास छ तपाईंलाई ?
– त्यस्तो अवस्था आए दुई मिनेटमै दिन्छु त भनिरहनुभएको छ । राष्ट्रपतिभवनमा छलफल हुंदा हामै्रअगाडि भनेको हो । पदमा बसिरहने मलाई कुनै इच्छा या रहर छैन भनी उहांले बोलेको बोली पूरा गर्नुहुनेछ भन्ने आशा म गर्छु, किनकि यसमै देशको हित छ । प्रधानमन्त्रीले आफ्नो वचन पालन गर्नुप¥यो र राजनीतिक पार्टीहरूको बैठक राखेर उपायहरू खोजिनुप¥यो । त्यो अवस्थामा उपाय सरलताका साथ नै देखापर्छ भन्ने मलाई लाग्छ ।
० मुलुकको राजनीति त धु्रवीकृत हुंदै छ नि, आ–आफ्ना गठबन्धन कसिंदै छ ?
– सरकारमा जानेहरूबीच गुटबन्दी त पहिले पनि थियो, अहिले पनि छ । पहिले घोषणा गरिएको थिएन अहिले गरियो, त्यति मात्र फरक हो । जनताले त साना पार्टीलाई प्रतिपक्षमा बसेर काम गर्नु भन्ने आदेश दिएका हुन्, तर अचम्म † साना पार्टीहरू सबै सरकारमा छन् । अनैतिकताका कारण यस्तो विचित्र देख्नुपरेको हो । हाम्रोजस्तो देशमा देश र जनताको दीर्घकालीन हितका निम्ति राजनीतिक पार्टीहरू खुल्नुपर्ने हो, तर यहां त मन्त्री बन्नको निम्ति, घुस बटुल्नको निम्ति, आफ्नो मान्छेलाई भर्ना गर्नको निम्ति, भ्रष्टाचार गर्नको निम्ति नै पार्टीहरू दौडिरहेका देखिन्छन् । लोभीपापीहरूको गठबन्धन हुनु अनौठो पनि भएन नि †
० तर तपार्इंहरूले त खै केही गर्न
सक्नुभएन त ?
– के गर्नुप¥यो ? हामीले पनि यस्तै बेतुकको सरकारमा गएर भ्रष्ट बनी ठूलठूला महलहरू खडा गर्नुप¥यो ? जायजेथा जोड्नुप¥यो ? जनतालाई महंगी, असुरक्षा र भ्रष्टाचारको आहालमा तड्पाएर आफू मस्ती गरिरहनुप¥यो ? होइन भने हामी त औंला उठाइरहेका नै छौं, आफ्नो भूमिका निर्वाह गरिरहेकै छौं । काङ्ग्रेस–एमालेको आन्तरिक झमेलाका कारण पनि सरकारविरुद्ध सशक्त आन्दोलन सुरु हुन नसकेको हुनुपर्छ ।
० तपाईंहरू पनि मोर्चाबन्दी गर्दै
हुनुहुन्छ कि ?
– हामी कुनै एलायन्समा छैनौं, न माओवादी एलायन्स न त काङ्ग्रेस–एमालेको एलायन्समै छौं । काङ्ग्रेस–एमालेहरू एकै ठाउं देखिएका सरकारमा जाने बाटो बनाउनका लागि हो, हामी त सरकारमा जान लालायित छैनौं । जनताले हामीलाई अहिले प्रतिपक्षीको रूपमा बसेर काम गर्न आदेश दिएको हो, त्यसैअनुसार हामी आफ्नो दायित्व निर्वाह गर्दै छौं ।

५ भाद्र २०६९, मंगलवार २२:११ मा प्रकाशित

प्रतिकृया दिनुहोस

विशेष

सबै

दशैँको टीका लगाउन हिँड्नेको चहलपहल कम

दुर्गापक्षको मुख्य दिन आज मान्यजनको हातबाट नवदुर्गाको प्रसादका रुपमा शुभ साइतको प्रतीक रातो टीका एवं समृद्धिको प्रतीक जमरा लगाउन..

राप्रपा अध्यक्ष थापा अस्पतालबाट डिस्चार्ज

काठमाडौं । राष्ट्रिय प्रजातन्त्र पार्टीका अध्यक्ष कमल थापा अस्पतालबाट डिस्चार्ज भएका छन् । कोरोना संक्रमण..

गैरआवासीय नेपाली नागरिकता ऐन छिट्टै पारित हुने

लन्डन । संघीय संसद्, कानून, न्याय तथा मानव अधिकार समितिका सभापति कृष्णभक्त पोख्रेलले नेपालको संविधान २०७२ मा..

यो साता विदेशमा थप एक नेपालको निधन

लन्डन । विश्वव्यापी महामारी कोरोना भाइरस (कोभिड–१९) संक्रमणबाट यो साता विदेशमा थप एकजना नेपालीको ज्यान गएको छ ।..

कर्णाली सरकारले कोभिड सङ्क्रमितको निःशुल्क उपचार गर्ने

काठमाडौं । कर्णाली प्रदेश सरकारले कोभिड –१९ का लक्षणसहितका बिरामीको निःशुल्क परीक्षण तथा उपचार गर्ने भएको छ ।..