उमा थापाको २०७ औ भानुजयन्ती विशेष कविता : पुनर्जन्म हुन्छ भने!

प्रिय भानु!
तिमीलाई २०७औँ जन्मदिनको असीम शुभ कामना!
तिमी नेपालीभाषीहरूका धड्कन अनि
भाषिक एकताका सूत्रधार हौ ।

यदि हुन्छ भने पुनर्जन्म,
तिमी फेरि भानुझैँ बनेर आकाशमा उदाउनु
पुनः ज्ञानरुपी प्रकाश बनेर छाउनु।
अब त तिम्रो त्यो प्रिय सन्तान ‘बधुशिक्षा’ पनि
यो शताब्दीसम्म आइपुग्दा
कताकता वयोवृद्ध भएझैँ लाग्छ,
अलि अपूर्ण अनि पक्षपाती भएझैँ लाग्छ।

भन्छन्,
रवि नपुगेको ठाउँमा कवि पुग्छन्
तर त्यो कवि हृदयले बधुमा मात्र किन कमी देख्यो?
त्यही कमी वरहरूमा किन देखेन?
किन त्यता कविको दृष्टि पुगेन ?
यदि,
यदि हुन्छ भने पुनर्जन्म
लिएर जन्म फेरि यसै धर्तीमा आउनु
आधा आकाश आधा धर्तीको कुरा गर्नु ।
अब ‘वधुशिक्षा’ मात्र होइन ‘वरशिक्षा’ पनि लेख्नु
नारीलाई पाउमा होइन दिलमा बसाउनु।
सौता स्वीकार र सतीका कुरा
निकै पुरातन र नारी अहितमा भएन र?

हरेक विद्यापतिहरूलाई
बधुका साथसाथै वरहरूलाई पनि
मर्यादा र अनुशासनको पाठ सिकाउन लगाउनु
मर्यादा र अनुशासन दुबैका गहना हुन् बताउनु।
विना पुरुष नारी एक्लै बेश्या भइन
हाँस्दैमा कोही बेश्या पक्कै हुँदैन
हाँसो त प्राकृतिक जीवनदायिनी शक्ति होइन र?
विना हाँसो जीवनले के पूर्णता र सार्थकता पाउला र?नारीका हरेक हाँसोमा बेश्यापन देख्नुअघि
पुरुषको दृष्टिकोण र सोचमा परिवर्तन ल्याउनु,
संस्कार र मर्यादाको पाठ उसलाई पनि पढाउनु ,
प्रेम र वासना फरक हुन बुझाउनु ।
त्यसैले,
बधुशिक्षाका केही हरफहरू बदलेर वरशिक्षा लेख्नु,
दुबैलाई समानताको पाठ पढाउनु,
दिव्य उन्मुक्त हाँसो हाँस्न सिकाउनु ।
होइन भने,
के ती साना अवोध बालिकाहरूका
निश्छल निष्कपट र निर्दोष हाँसोमा पनि
बेश्यापन भेटियो र?
त्यसैले लेख्नु,
अर्धनारिश्वरका रहस्यका कथा लेख्नु,
शिव पनि शक्तिद्वारा पूर्ण बन्दछन् ।
पति परमेश्वर भए नारी देवी हुन् बताउनु,
नारीलाई मात्र मर्यादाको पाठ नपढाउनु,
पुरुषलाई पनि मर्यादाको कथा सुनाउनु ।
रावणको पतनको कारणसँगै
वाल्मीकिको नारी सम्मानको गाथा सुनाउनु ।
रामको वीरता र मर्यादाको कथा मात्र होइन
सीताको अग्निपरीक्षा अनि
आत्मसम्मानको गाथा पनि सुनाउनु।।

यदि सम्भव छ भने पुनर्जन्म
लिएर जन्म फेरि यसै धर्तीमा आउनु,
बधुशिक्षा मात्र होइन वरशिक्षा पनि लेख्नु ।
वरबधु दुबैलाई मर्यादा र अनुशासनको पाठ सिकाउनु,
जीवनरथ हाँक्न दुबैले सँगै अघि बढ्नुपर्छ सिकाउनु।।


(यस समाचार सेवाका उपसभापति एवं सर्जक उमा थापाले आफ्नो व्यावसायिक जिन्दगीको लामो कालखण्ड शैक्षिक क्षेत्रमा समर्पण गर्दै नेपाली भाषाको सुक्ष्म अध्यताका रुपमा आफुलाई स्थापित गर्नु भयो र यतिबेला नेपाली भाषामै विद्यावारिधिको तयारी गर्दै हुनुहुन्छ)

३० असार २०७७, मंगलवार ०१:३२ मा प्रकाशित

प्रतिकृया दिनुहोस

विशेष

सबै

दसैंमा ‘लकडाउन’ हुनसक्ने !

काठमाडौं । स्वास्थ्य तथा जनसंख्या मन्त्रालयले संक्रिय संक्रमितको संख्या २५ हजार नाघेमा फेरि लकडाउन गर्न सिफारिस गरेको छ..

साढे ९८ लाख वित्तीय अपराध गरेको अभियोगमा राईविरुद्ध मुद्दा दर्ता

काठमाडौँ । दुबईबाट साढे ९८ लाख रुपैयाँ नेपालमा रूपान्तरण गरी वित्तीय अपराध (सम्पत्ति शुद्धीकरण) गरेको अभियोगमा..

कोरोना सामान्य रोग होइन : क्याप्टेन विजय लामा

काठमाडौं । नेपाल एयरलाइन्सका वरिष्ठ क्याप्टेन विजय लामाले कोरोना संक्रमणलाई सामान्य रुपमा नलिन आग्रह सबैलाई..

राष्ट्रसङ्घलाई सुदृढ र सशक्त बहुपक्षीयताको केन्द्र बनाउनुपर्नेमा प्रधानमन्त्रीको जोड

काठमाडौं । प्रधानमन्त्री केपी शर्मा ओलीले विश्वले झेल्नुपरेका जटिल चुनौतीहरुको सामना गर्न संयुक्त..

कोरोना संक्रमणबाट नेपालमा थप १६ जनाको मृत्यु, ११५४ संक्रमित थपिए

काठमाडौँ । पछिल्लो २४ घण्टामा नेपालमा थप १ हजार १५४ जनामा कोरोना सङ्क्रमण पुष्टि भएको छ । योसँगै नेपालमा कोरोना..