वर्षाले तराईको जनजीवन प्रभावितः सर्लाही र सप्तरीमा डेढ सय परिवार विस्थापित

सर्लाही, २८ असार । वर्षाका कारण आएको बाढीले सर्लाहीको मलंगवा नगरपालिकाका २७ घर डुबानमा परेको छ । पाँच घर भत्केर क्षतिग्रस्त हुँदा उनीहरु छिमेकीको शरणमा छन् । मलगंवा ५ स्थित लखनदेही खोलाको बाढी भाडसर गाउँमा पस्दा २७ घर डुबानमा परेका हुन् । घर डुबानमा परेपछि १ सय ४७ जना विस्थापित भएका छन् ।

सर्लाहीका प्रहरी प्रवक्ता मदन कुँवरका अनुसार वर्षाले ईश्वरपुर नगरपालिका ९ बस्ने सिताराम महतोको खपडाले छाएको एक तले घरमा पानी पस्दा घर भत्केको छ । घर भत्केपछि उनको ७ जनाको परिवार छिमेकीको शरण लिएर बसेको छ । इश्वरपुर नगरपालिकाकै वडा नम्बर १५ मा विजय दासको कच्ची घर वर्षाको कारण भत्किँएको छ ।

चक्रघट्टा गाउँपालिका ४ सुन्दरपुर बस्ने अब्दुल बाकेको घर कारण भत्केको छ । मलगंवा नगरपालिका ६ का नन्दकिशोर रायको घर पनि भत्किएको प्रहरीले जनाएको छ । प्रवक्ता कुँवरका अनुसार बिष्णु गाउँपालिका १ का रामधियानी राउतको घर पनि बर्षाले भत्काएको छ ।

यसैबीच सप्तरी सदरमुकाम राजविराजमा पनि क्षति पुगेको छ । वडा नम्बर २ र ५ का सबै जसो घरमा पानी पसेको छ । जिल्लाको हनुमाननगर कंकालनी नगरपालिका १४ गोबरगाढाको पुरै बस्तीमा पानी पसेको छ । पानीले डुबान भएपछि ८० घरका २ सय जनाबढी व्यक्ति घेरिएका छन् ।

वडा नम्बर १३ रम्पुरा मल्हनियाँ, तिलाठी कोइलाडी गाउँपालिकाको वडा नम्बर १ सहितका ठाउँमा पानी पसेपछि त्यस क्षेत्रका बासिन्दा समस्यामा परेका छन् ।

२८ असार २०७७, आईतवार १४:०८ मा प्रकाशित

प्रतिकृया दिनुहोस

विशेष

सबै

प्रधानमन्त्रीद्वारा सचिवालयमा दाहालको जवाफी प्रस्ताव प्रस्तुत (पूर्णपाठसहित)

काठमाडौं । प्रधानमन्त्री एवं अध्यक्ष केपी शर्मा ओलीले आफूमाथि लगाएका आरोपबारे लिखित जवाफ दिनुभएको छ । प्रधानमन्त्री ओलीले..

प्रधानमन्त्री ओलीको लिखित जवाफमा के छ ?

काठमाडौं । सत्तारुढ नेपाल कम्युनिष्ट पार्टी (नेकपा) सचिवालय बैठक सुरु भएको छ । सचिवालय बैठकका लागि..

नेकपा सचिवालय बैठक आज, दाहालले उठाएका प्रश्नको ओलीले जवाफ दिने

काठमाडौं । सत्तारुढ नेपाल कम्युनिष्ट पार्टी (नेकपा)को सचिवालय बैठक आज बस्दैछ । दिउँसो एक बजे बस्ने बैठकमा..

म्याराडोनाको अन्त्येष्टी, विदाईमा भीड अत्याधिक हुँदा प्रहरीद्वारा अश्रु ग्यास र रबरको गोली प्रहार

ब्युनस आयर्स । विश्व फुटबलका महान खेलाडी डिएगो म्याराडोनाको अन्त्येष्टी गरिएको छ । एक निजी समारोहकाबीच..

स्वास्थ, विज्ञान, कूटनीति र अन्तर्राष्ट्रिय सम्बन्धबारे लण्डन दूतावासमा वेभिनार

लण्डन । लण्डनमा रहेको नेपाली राजदूतावासले बिहीवार ग्लास्गो क्यालेडोनियन विश्वविद्यालयसँगको सहकार्यमा..