म्याग्दी पहिरोः बेपत्ताहरुको खोजीमा मौसम बाधक, सेनाको हेलिकप्टर जानै सकेन

म्याग्दी, २६ असार । म्याग्दीमा पहिरोमा परी बेपत्ता भएकाको खोजी कार्यमा समस्या भएको छ । धौलागिरि गाउँपालिका–६ मराङमा २१, मालिका गाउँपालिका–७ मा ९ जना बेपत्ता छन् । मालिका–६ मा खोलाले बगाएर एक जना बेपत्ता छन् ।

तर वेपत्ताको खोजि कार्यमा समस्या आएको छ । पहिरोले बाटो र पुल बगाएका कारण उद्धार टोलीलाई पुग्नै कठिन भएको हो । मौसमले समेत साथ नदिँदा ३ पटकसम्म हेलिकप्टर घटनास्थल पुग्न नसकेर फर्किएको छ ।

म्याग्दीका प्रमुख जिल्ला अधिकारी ज्ञानप्रसाद अधिकारीका अनुसार रघुगंगा खोलाले पुल बगाउँदा पैदलमार्गबाट उद्दार टोली जान सकेको छैन । सेनाको हेलिकप्टर २ पटक गएपनि मौसमका कारण पुग्नै सकेन । प्रभु एयरको हेलिकप्टर सानो हुने भएकाले पोखराबाट मगाएपनि पानी र हुस्सुका कारण लुम्लेबाटै फर्किएको छ ।

शुक्रबार विहान गएको पहिरोका कारण धौलागिरि गाउँपालिका–७ ताकममा ५१ वर्षीय जालिमा केसी र उनकै छोरा प्रकाश केसीको मृत्यु भएको छ । रघुगंगा गाउँपालिका–६ मा गोठ जान हिँडेका ३४ वर्षका ललितमान छन्त्याल खोलामा खस्दा ३ सय मिटर टाढा उनको शव भेटिएको छ ।

धौलागिरि गाउँपालिकाको मराङमा २०, ताकममा ५ र बिममा १० घर पहिरोमा पुरिएका छन् । पहिरोले क्षति पुर्‍याएका घरबाट ८० जनाको उद्धार भइसकेको छ । २ सय जनाको उद्धार गर्न बाँकी छ ।

२६ असार २०७७, शुक्रबार १९:४१ मा प्रकाशित

प्रतिकृया दिनुहोस

विशेष

सबै

प्रधानमन्त्रीद्वारा सचिवालयमा दाहालको जवाफी प्रस्ताव प्रस्तुत (पूर्णपाठसहित)

काठमाडौं । प्रधानमन्त्री एवं अध्यक्ष केपी शर्मा ओलीले आफूमाथि लगाएका आरोपबारे लिखित जवाफ दिनुभएको छ । प्रधानमन्त्री ओलीले..

प्रधानमन्त्री ओलीको लिखित जवाफमा के छ ?

काठमाडौं । सत्तारुढ नेपाल कम्युनिष्ट पार्टी (नेकपा) सचिवालय बैठक सुरु भएको छ । सचिवालय बैठकका लागि..

नेकपा सचिवालय बैठक आज, दाहालले उठाएका प्रश्नको ओलीले जवाफ दिने

काठमाडौं । सत्तारुढ नेपाल कम्युनिष्ट पार्टी (नेकपा)को सचिवालय बैठक आज बस्दैछ । दिउँसो एक बजे बस्ने बैठकमा..

म्याराडोनाको अन्त्येष्टी, विदाईमा भीड अत्याधिक हुँदा प्रहरीद्वारा अश्रु ग्यास र रबरको गोली प्रहार

ब्युनस आयर्स । विश्व फुटबलका महान खेलाडी डिएगो म्याराडोनाको अन्त्येष्टी गरिएको छ । एक निजी समारोहकाबीच..

स्वास्थ, विज्ञान, कूटनीति र अन्तर्राष्ट्रिय सम्बन्धबारे लण्डन दूतावासमा वेभिनार

लण्डन । लण्डनमा रहेको नेपाली राजदूतावासले बिहीवार ग्लास्गो क्यालेडोनियन विश्वविद्यालयसँगको सहकार्यमा..