संविधान संशोधनको दिन संसदमा अनुपस्थित १२ सांसद यी हुन् (सूचीसहित)

काठमाडौँ, ३१ जेठ । शनिबार प्रतिनिधि सभाबाट संविधान संशोधन विधेयक पारित भएको छ । लिम्पियाधुरा, लिपुलेक र कालापानी क्षेत्र समेटिएको नयाँ नक्सालाई नेपालको संविधानको अनुसूची ३ मा रहेको निशान छापमा समावेश गर्न प्रस्तुत भएको संविधान संशोधन विधेयक प्रतिनिधि सभाबाट दुई तिहाइभन्दा धेरै मतमार्फत पारित भएको हो ।

तर संविधान संशोधनका लाथि मतदान हुँदा १२ सांसद अनुपस्थित रहे । संविधान संशोधन प्रस्ताव प्रतिनिधि सभामा निर्णायर्थ पेश गर्दा कुल प्रतिनिधि सदस्य संख्यामा १६ जनाले कम सांसद मात्रै उपस्थित रहेपनि यी मध्ये ४ जना निलम्बनमा छन् । विभिन्न दलका १२ सांसद अनुपस्थित भएको पाईएको छ ।

मत विभाजनमा २५८ सांसद उपस्थित भएकोमा सबैले प्रस्तावको पक्षमा मतदान गरेका छन् । अनुपस्थित हुनेमा नेकपाका ४, राजपाका ३, नेपाली काँग्रेसका ३ र समाजवादी पार्टीका २ सांसद छन् ।

राजपाकी अमृतादेवी अग्रहरी, दुलारी देवी खत्वेनी र प्रमोद साह, नेकपाका गोपालबहादुर बम, हरिबोल गजुरेल, धनबहादुर बुढा र शिवकुमार मण्डल, नेपाली कांग्रेसका नागेन्द्र कुमार राय, सूर्य बहादुर केसी र ज्ञानकुमारी छन्त्याल, समाजवादी पार्टीकी सरिता गिरी र सूर्य नारायण यादव आजको संसद बैठकमा अनुपस्थित रहे ।

काँग्रेसका विजय कुमार गच्छदार, मोहम्मद अफताब आलम, समाजवादीका हरिनारायण चौधरी र राजपाका रेशम चौधरी भने निलम्बित छन् ।

३१ जेष्ठ २०७७, शनिबार १९:११ मा प्रकाशित

प्रतिकृया दिनुहोस

विशेष

सबै

गैरआवासीय नेपाली नागरिकता ऐन छिट्टै पारित हुने

लन्डन । संघीय संसद्, कानून, न्याय तथा मानव अधिकार समितिका सभापति कृष्णभक्त पोख्रेलले नेपालको संविधान २०७२ मा उल्लेख गरिएअनुकूल..

यो साता विदेशमा थप एक नेपालको निधन

लन्डन । विश्वव्यापी महामारी कोरोना भाइरस (कोभिड–१९) संक्रमणबाट यो साता विदेशमा थप एकजना नेपालीको ज्यान गएको छ ।..

कर्णाली सरकारले कोभिड सङ्क्रमितको निःशुल्क उपचार गर्ने

काठमाडौं । कर्णाली प्रदेश सरकारले कोभिड –१९ का लक्षणसहितका बिरामीको निःशुल्क परीक्षण तथा उपचार गर्ने भएको छ ।..

घटस्थापनापछि सात दिनमा दुई लाख बढीले छाडे उपत्यका

काठमाडौं । घटस्थापनापछि सात दिनमा दुई लाख बढीले उपत्यका छोडेका छन् । महानगरीय ट्राफिक प्रहरी महाशाखाका अनुसार..

प्रधानमन्त्री केपी शर्मा ओलीद्वारा राष्ट्रको नाममा सम्बोधन (पूर्णपाठसहित)

आदरणीय दिदीबहिनी तथा दाजुभाइहरू, नेपालीहरुको ठूलो चाड, बडादशैं शुरु भइसकेको छ। यस महान् अवसरमा सर्वप्रथम म..