युवा व्यवसायी घिमिरे भन्छन्, ‘हामीले सरकार भएको अनुभूति गर्न पाएनौँ’

काठमाडौँ, ११ जेठ । रामेछापको मन्थली नगरपालिका ४ मा जन्मिएका शक्ति घिमिरे युवा व्यबसायी हुन् । हाल काठमाडौमा ‘हटवीन आल्मुनियम प्रा. लि.’ सञ्चालन गरिरहेका उनी अहिले व्यबसाय पूर्ववत् अवस्थामा कहिले फर्किने हो भन्ने सोचाइमा व्यस्त छन् । लकडाउनको कारण धेरै व्यबसायको अबस्था नाजुक हुने हो कि भन्न अनुमान गरिदै छ । लकडाउनले व्यबसायीक क्षेत्रमा कस्तो असर परिरहेको छ त ? पढौ घिमिरेसँग गरिएको कुराकानीको संपादित अंशः

तपाईले यो व्यवसाय अंगाल्नुको प्रमुख कारण के हो ? यसबाट रोजी रोटी चलेको छ त ?

जो मान्छेसंग जे सिप हुन्छ त्यो मान्छे त्यही पेशासंग रमाउदो रैछ । मैले पनि यही आल्मुनियमको काम गरेँ भने अगाडी बढ्छु जस्तो लाग्यो मसँग यही सिप थियो । त्यही भएर यो काम सुरु गरेको हुँ । अहिले यही ब्यबसायबाट मैले मेरो परिवारको सम्पूर्ण आबश्यकता पूरा गरेको छु, यसको मतलब परिवारलाई धानेकै छु , पालेकै छु ।

अहिले कोरोना भाइरसको कारण सिङ्गो देश लकडाउनमा छ, तपाईको ब्यबसायमा यसको कस्तो प्रभाव पर्यो ?

संसारलाई परेको असर मेरो ब्यबसायमा परेन भन्ने त प्रश्नै रहेन । आज हामी जुन प्रतिकुल समयमा चलिरहेका छौ यसले म अनि म जस्ता सबै ब्यबसायीलाई ठूलो असर गरेको छ । बैङ्कको कर्जा लिएर कम्पनी चलाउने हरुलाई यो भन्दा ठूलो दुर्दशा अरु के हुन सक्छ र ? अहिले हाम्रो ब्यबसाय टाट पल्टिने अबस्थामा छ । अझ यो लकडाउन कहिलेसम्म जान्छ भन्ने पनि यकिन छैन । यसको दिर्घकालीन असर हाम्रो ब्यसायमा पक्का पनि पर्नेछ ।

यो अन्योलपूर्ण अबस्थामा राज्यबाट के अपेक्षा गर्नुभएको छ ?

हाम्रो राज्य निरिह छ । सरकार छ कि छैन हामीलाई कुनै आभास नै छैन । देशमा यति ठूलो महामारीको अबस्था आउँदा पनि सरकार आफ्नै आयू जोगाउने खेलमा पासा थापिरहेको छ । हामी चाहन्छौ कि सरकारबाट हाम्रो जस्तो धरासायी ब्यबसायको पूर्ण ग्यारेन्टी होस् । तर यो सपना जस्तै भै रहेको छ । हामीले चाहेको केही कुरा पनि राज्यबाट नहुनु हामीले पनि नेपाल सरकार छ भन्ने अनुभूति नगर्नु नै हो ।

जब सरकार छ भन्ने अनुभूति नै छैन भने अपेक्षा गर्नुको अर्थ के रह्यो र ?

तपाईले राज्यलाई मात्र दोष लगाएर हुन्छ, तपाईले अहिले सम्म राज्यको लागि के गर्नु भो यो पनि त मह्त्वपूर्ण कुरा होला नि हैन र ?

मैले राज्यलाई दोष लगाएकै हैन । सरकार निकम्मा छ । म स्वतन्त्र नागरिक भएर यो कुरा भन्न नपाउने ? हामीले राज्यलाई गर्नु पर्ने सबै कर्तब्य निर्बाह गरेका छौ । राज्यले तोकेको कर पनि तिरेकै छौ, यति हुदाहुदै पनि राज्यले ब्यबसायीको ब्यबसायलाई सुरक्षाको ग्यारेन्टि दिनु पर्छ कि पर्दैन त ? सवाल यो बिषयको हो ?

यसको मतलब अब राज्यले सहयोग गरेन भने तपाईहरु आफ्नो ब्यवसायबाट पलायन हुने अबस्थामा हुनुहुन्छ, हामीले यसरी बुझ्दा हुन्छ ?

मैले मेरो मात्रै समस्याको कुरा गरेकै हैन । नेपालको ब्यबसायी म मात्रै हो र ? लाखौ ब्यबसायी छन् । सबैको अबस्था सुखद छैन । भर्खर मात्र ब्यबसाय गरेकाहरुको पनि अबस्था नियालौ न, उनीहरु के गर्दै होलान ? बढो गम्भिर बिषय छ मित्र । यस्तो समयमा कमसेकम सरकारले ब्यबसायीहरुको लागि त ठोस निर्णय ल्याउन सक्नु पर्यो नि ? करबाटै राज्य सञ्चालन गर्ने कुरा गर्ने अनि ब्यबसायीको समस्यामा सरकार लाचार बन्ने यस्तो पनि हुन्छ दुनियामा ?

राज्यको आर्थिक पाटो त तपाईहरुको करले मात्रै चलेको हैन होला नि, रेमिट्यान्सको पनि ठूलो भूमिका छ भन्थ्यो हिजाको दिनमा त सरकार ?

बढो सान्दर्भिक कुराको उठान गर्नु भो । म पनि धेरै बर्ष खाडी मुलुकमा श्रम बेचेर आएको मान्छे हुँ । पछिल्लो समय आफ्नो पसिना आफ्नै देशमा बगाउनु पर्छ भनेर मात्रै ब्यबसायमा लागेको हुँ । उसो भा आज लाखौ नेपाली बिदेशमा अलपत्र छन् । कोरोना भाइरसको कारण काम सबै देशमा ठप्प जस्तै छ । सबै नेपाली आफ्नै देशमा फर्कन चाहन्छन् । सरकारले यो बिषयमा के पहल गर्यो त ? हिजोको दिनमा सहज हुँदा रेमिट्यान्सको कुरा गर्ने अनि आज असहज परिबेशमा तिनै युवाहरुको बेवास्ता गर्ने । अब बिदेशमा रहेका आफ्ना नागरिक यो सरकारलाई कहिलै चाहिदैन त ? सवाल फरक छ ।

त्यसैले यो बिषम् परिस्थितिमा सरकारले पनि आम नागरिकको समस्या बुझ्नुपर्छ हामीले पनि सरकारलाई सकारात्मक कार्यको लागि सहयोग गर्नुपर्छ भन्ने ठम्याइ हो मेरो ।

धन्यबाद ।

११ जेष्ठ २०७७, आईतवार १४:३३ मा प्रकाशित

प्रतिकृया दिनुहोस

विशेष

सबै

चितवनमा सङ्कलित प्लाज्मा अन्य जिल्लामा

क्षेत्रीय रक्तसञ्चार केन्द्र भरतपुरले सङ्कलित कोभिड–१९ सङ्क्रमण भई निको भएकाका प्लाज्मा अन्य जिल्लामा पठाउन थालिएको छ । अन्यत्र..

प्रहरीको गोलीबाट अश्वेत व्यक्तिको मृत्यु भएपछि अमेरिकाको फिलाडेल्फियामा तनाव

न्यूयोर्क । अमेरिकाको पेन्सिलभेनिया राज्यस्थित फिलाडेल्फिया शहरमा प्रहरीको गोली लागेर अश्वेत व्यक्तिको..

नेपालमा कोरोना संक्रमण जाडोमा थप जटिल बन्ने

काठमाडौं । नेपाल कोरोना भाइरसका कारण खराब अवस्थामा रहेका मुलुकको ३४ औं मुलुक भएको छ । वल्डोमिटरका अनुसार..

चन्द्रमामा मानव जीवनको सम्भावनातर्फ नयाँ खुट्किलो : नासा

न्यूयोर्क । अमेरिकी अन्तरिक्ष एजेन्सी नासाले चन्द्रमाको सतहमा पानी रहेको पुष्टि गरेको छ । पानीको केमिकल..

दशैँको टीका लगाउन हिँड्नेको चहलपहल कम

दुर्गापक्षको मुख्य दिन आज मान्यजनको हातबाट नवदुर्गाको प्रसादका रुपमा शुभ साइतको प्रतीक रातो टीका एवं..