भारतले मिचेको भूमी सुरक्षा माग गर्दै सर्वोच्चमा रिट दायर

काठमाडौँ, २७ कार्तिक । सर्वोच्च अदालतमा भारतले मिचेको नेपाली भूमी फीर्ताको माग गर्दै रिट दायर भएको छ । नेपालको सुस्ता, कालापानी, लिपुलेक, लिम्पीयाधुरा लगायतका भू–भाग भारतबाट अतिक्रमण भइरहेका भन्दै कुटनीतिक पहलमार्फत समस्याको समाधान खोज्न सरकालाई आदेश दिन माग गर्दै रिट निवेदन दायर भएको हो ।

प्रधानमन्त्री तथा मन्त्रिपरिषद्को कार्यालय, गृह मन्त्रालय, रक्षामन्त्रा लयलगायतलाई विपक्षी बनाइ अधिवक्ता कञ्चनकृष्ण न्यौपानेले रिट दायर गरेका हुन् । दायर भएको रिट निवेदनमा नेपालका भू–भाग भारतबाट अतिक्रमित जग्गा तथा सिमाना निर्धारणका लागि आवश्यक कुटनीतिक पहल तथा नीतिनियम र निर्देशन गरी राष्ट्रहितको कार्य गर्न परमादेशको माग गरिएको छ ।