क्यानमा कुँवर समूहको उम्मेदवारी घोषणा

काठमाडौँ, २६ कात्तिक । कम्प्युटर एसोसिएशन नेपाल महासङ्घ (क्यान) को आगामी मङ्सिर ७ गते हुने १३औँ कार्यसमिति निर्वाचनमा नवराज कुँवर समूहले उम्मेदवारी घोषणा गरेको छ ।

आज यहाँ आयोजित कार्यक्रममा कुँवर समूहले १४ बुँदे प्रतिबद्धता सार्वजनिक गर्दै उम्मेदवारी घोषणा गरेको हो । घोषणा गरिएकामा संस्थागत साधारण समूहबाट राजन कर्माचार्य, अमित सराफ, राजेश अग्रवाल, शङ्कर श्रेष्ठ, शर्मिला भुजेल, निरञ्जन पटेल र सुरेन्द्र न्यौपाने, संस्थागत आजीवन समूहबाट डा पवनकुमार शर्मा, नवीन जोशी, राजेन्द्र अर्याल तथा व्यक्तिगत आजीवन समूहबाट प्राडा सुवर्ण शाक्य, विक्रम श्रेष्ठ र दामोदर अधिकारी रहनुभएको छ ।

यसैगरी व्यक्तिगत साधारण समूहबाट खुसल रेग्मी, रत्नतारा वैद्य, सुवास खड्का, घनश्याम खनाल, श्रवण श्रेष्ठ, श्री पौडेल र दिनेशराज कार्की तथा वस्तुगत सदस्यमा उक्त समूहमा नारायणबहादुर थापा, भोजराज भट्ट, चिरञ्जीवी अधिकारी र प्रताप सापकोटा रहनुभएको छ ।

तीन सदस्यीय लेखा समितिमा लक्ष्मण यादव, हृदयमान श्रेष्ठ र भीमसेन गिरी रहनुभएको छ । निर्वाचनमा सात प्रदेशमा दुई जनाका दरले सदस्य निर्वाचित हुनेछन् ।

सदस्यमा निर्वाचित भइसकेपछि कार्यसमितिले उपाध्यक्ष, महासचिव, सचिव, कोषाध्यक्ष जस्ता पदाधिकारी चयन गर्नेछ ।

समूहले आफू निर्वाचित भएपछि सूचना प्रविधि क्षेत्रको विकासका लागि हातेमालो गर्ने, सरकारी कामकाजमा स्वदेशी सफ्टवेयरको प्रयोगका लागि सरकारसँग समन्वय र सहकार्य गर्ने, नेपाल भ्रमण वर्ष २०२० लाई सफल बनाउन सूचना प्रविधि र पर्यटन उद्योगलाई समेटेर पोखरामा अन्तर्राष्ट्रिय सम्मेलन आयोजना गर्ने प्रतिबद्धतापत्रमा उल्लेख गरिएको छ ।

दुई वर्षका लागि निर्वाचन हुने कार्यसमितिमा अर्को समूहबाट सुनैना पाण्डेले उम्मेदवारी घोषणा गर्ने तयारी गरिएको छ । क्यानले अहिले ५७ जिल्लामा शाखा विस्तार गरेको छ । सन् १९९२ मा स्थापना भएको क्यानमा करीब पाँच हजार साधारण सदस्य रहेका छन् ।

२७ कार्तिक २०७६, बुधबार ०२:०३ मा प्रकाशित

प्रतिकृया दिनुहोस

Email Subscription

विशेष

सबै

महाप्रसाद अधिकारी गभर्नरमा नियुक्त

काठमाडौँ, २४ चैत्र । नेपाल राष्ट्र बैंकको गभर्नरमा महाप्रसाद अधिकारी नियुक्त भएका छन् । सोमबारको मन्त्रिपरिषद्को बैठकले..

१९ दिनमा ६१ हजार नेपाली स्वदेश फर्किए, कुन देशबाट कति ?

काठमाडौँ, २४ चैत्र । चैत्र महिना सुरु भएपछि विदेशमा रहेका नेपाली फर्किने क्रम तीब्र बनेको छ । पछिल्लो १९ दिनको..

११ सय बढीको कोरोना परीक्षण, ९९ जना आईसोलेसनमा

काठमाडौँ, १९ चैत्र । स्वास्थ्य मन्त्रालयले १ हजार १३३ जनामा कोरोना भाइरसको परीक्षण गरिएको जनाएको छ ।..

वीर अस्पतालमा मृत्यु भएका दुबैको रिपोर्ट नेगेटिभ

काठमाडौँ, १८ चैत्र । वीर अस्पतालमा मृत्यु भएका दुई जनामा कोरोना भाइरसको संक्रमणको आशंका गरिएपनि उनीहरुको..

कोरोना रोक्न सरकारले बनायो ७ कार्यदल, कुनमा कसको नेतृत्व ?

निरोज कुमार थापा, काठमाडौँ, ९ चैत्र । सरकारले कोरोना भाइरस रोग रोकथामको पूर्व तयारी सकिएको भन्दै कार्यान्वयनमा..