सीमा विवादः वार्ता गर्न भारत तयार, एपिएफ र एसएसबी पनि छलफलमा

निरोज कुमार थापा, काठमाडौँ, २५ कार्तिक । भारतीय नक्सामा नेपाली भूभाग पनि देखाईएको भन्दै नेपालमा भारतविरोधी गतिविधि बढेपछि भारत वार्ता गर्न सहमत भएको छ । परराष्ट्र मन्त्रालयका अनुसार आगामी २ हप्ताभित्र नेपाल–भारत परराष्ट्रसचिवस्तरीय बैठक हुने भएको छ । बैठक बस्ने विषयमा आइतबार दुई पक्षबीच अनौपचारिक छलफल भएको र आज सोमबार औपचारिक छलफल गरी वार्ताको मिति तय गरिने मन्त्रालय स्रोतले जनाएको छ ।

भारतका लागि नेपाली राजदूत नीलाम्बर आचार्यले भारतीय विदेश मन्त्रालयका अधिकारीसँग भेट गरी वार्ताको वाताबरण मिलाउन लागेको परराष्ट्रले बताएको छ । २०७१ साउनमा काठमाडौंमा बसेको नेपाल–भारत संयुक्त आयोगको तेस्रो बैठकले सीमा विवाद मिलाउन परराष्ट्रसचिव स्तरीय छलफल गर्ने भन्दै दुवै देशका परराष्ट्र÷विदेश मन्त्रालयका सचिवलाई जिम्मेवारी तोकेको थियो । तर त्यसयता सीमाका विषयमा छलफल भएको छैन ।

एपिएफ–एसएसबी पनि वार्तामा

नेपालको सीमा सुरक्षाको जिम्मेवारी पाएको सशस्त्र प्रहरी बल (एपिएफ) र भारतको सीमा सुरक्षा हेर्ने भारतीय सीमा सुरक्षा बल (एसएसबी) बीच आगामी मंसिर ४ देखि ६ सम्म वार्ता हुने भएको छ । काठमाडौंमा हुने छलफलमा सीमा सुरक्षा, क्रसबोर्डर लगायतका विषयमा वार्ता हुने बताइएको छ ।

सशस्त्र प्रहरी महानिरीक्षक शैलेन्द्र खनालले वार्ता हुने पुष्टि गर्दै नेपाली टोलीको नेतृत्व आफूले गर्ने बताए । ‘यो नियमित बैठक हो, समग्र सुरक्षा, क्रसबोर्डर सुरक्षा, सीमा सुरक्षामा सहकार्यसहित केही नयाँ विषयमा पनि छलफल हुनेछ’ उनले भने । भारतबाट एसएसबी प्रमुख नेतृत्वमा एक टोली काठमाडौँ आउनेछ ।

२५ कार्तिक २०७६, सोमबार १२:२४ मा प्रकाशित

प्रतिकृया दिनुहोस

Email Subscription

विशेष

सबै

बुधबार दिउँसो काठमाडौँमा भूकम्प

काठमाडौँ, २१ साउन । बुधबार ४ः३० बजे काठमाडौँमा भूकम्पको धक्का महशुस भएको छ । राष्ट्रिय भूकम्प मापन केन्द्रले ललितपुरको बंगलामुखी..

अख्तियारका १५ जनालाई कोरोना पुष्टि

काठमाडौँ, २० साउन । अख्तियार दुरुपयोग अनुसन्धान आयोगका १५३ कर्मचारीसहति १५ जनामा कोरोना भाइरसको संक्रमण पुष्टि..

काठमाडौँ उपत्यकामा ५१ सहित थप ४१८ जनामा कोरोना पुष्टि

काठमाडौँ, १९ साउन । सोमबार ४१८ जनामा कोरोना भाइरसका संक्रमित थपिएका छन् । स्वास्थ्य तथा जनसंख्या मन्त्रालयले..

सवारीमा फेरी जोर विजोर प्रणाली लागू गर्न स्वास्थ्य मन्त्रालयको प्रस्ताव

काठमाडौँ, १९ साउन । कोभिड–१९ संक्रमणको जोखिम पुनः बढेसँगै स्वास्थ्य तथा जनसंख्या मन्त्रालयले निजी तथा..

मेलम्ची पहिरोः ७ जनाको शव भेटियो (अपडेट)

सिन्धु, १९ साउन । सिन्धुपाल्चोकको मेलम्चीमा आइतबार रातिको पहिरोमा परी ज्यान गुमाएका ७ जनाको शव फेला परेको छ ।..