दार्चुलाको नौगाड गाउँपालिकाले भन्यो, ‘बाह्रै महिना नेपाली सेना चाहियो’

दार्चुला, २४ कार्तिक । दार्चुलाको नौगाड गाउँपालिकाले भारतले कब्जा गरेको लिपुलेक क्षेत्रको रक्षाका लागि बाह्रै महिना नेपाली सेना पठाउन सरकारसँग माग गरेको छ । लिम्पियाधुरा, कालापानी र लिपुलेक अतिक्रमण गरेर भारतले आफ्नो नक्सामा राखेपछि गाउँपालिकाले आपत्ति जनाउँदै सीमा सुरक्षामा बाह्रै महिना नेपाली सेना पठाउन केन्द्र सरकारसँग माग गरेको हो ।

गाउँपालिकाले नेपाली भूमी कब्जा गरेर बसेका भारतीय सेनालाई सधैँका लागि हटाउन कुटनीतिक पहल गर्न पनि माग गरेको छ । अध्यक्ष प्रेमसिंह धामीले जारी गरेको विज्ञप्तिमा ‘भारतले अतिक्रमण गर्दा विवादमा रहेको भूमि तथा राष्ट्रिय स्वाधिनता रक्षा र संरक्षणका लागि नेपाल सरकारबाट तत्काल कुटनीतिक पहल चाल्न माग गर्दछौँ’ भनिएको छ ।