नेपालगञ्जमा भएको विभिन्न घटनामा तीनको मृत्यु

नेपालगञ्ज, १९ असोज । नेपालगञ्जस्थित रानीतलाउमा डुबेर आज एक जनाको मृत्यु भएको छ । जिल्ला प्रहरी कार्यालय बाँकेका अनुसार नेपालगञ्ज–७ का २३ वर्षीय सुनिल भित्रीकोटीको सो तलाउमा डुबेर मृत्य भएको हो ।

सोही तलाउमा डुङ्गा चालकका रूपमा कार्यरत उनको अत्यधिक मदिरा सेवन गरी डुङ्गा चलाउँदा तलाउमा डुबेर मृत्यु भएको बाँके प्रहरी प्रमुख प्रहरी उपरीक्षक बीरबहादुर ओलीले बताउनुभयो ।

यसैबीच, आज दिउँसो विषादी सेवन गरेका नेपालगञ्ज–१८ लगदवा बस्ने ४० वर्षीय विनोद गोडियाको भेरी अस्पतालमा उपचारको क्रममा मृत्यु भएको छ । यस्तै नेपालगञ्जमा गए राति मदिरा सेवन गरी कुटपिट हुँदा एक जनाको मृत्यु भएको छ । भारत विहार भोजपुर घर भई नेपालगञ्ज उपमहानगरपालिका–१८ लगदवा बस्ने विहारी भनी चिनिने नामथर वतन नखुलेका झण्डै ४५ वर्षीय एक व्यक्तिको मृत्यु भएको हो ।

सो घटनाको अनुसन्धानका क्रममा प्रहरीले नेपालगञ्ज उपमहानगरपालिका–१८ वस्ने ४० वर्षीय वर्षाती हरिजन र बर्दियाको बारबर्दिया नगरपालिका–५ बस्ने ३५ वर्षीय सन्दीप चौधरीलाई नियन्त्रणमा लिएको बाँके प्रहरी प्रमुख ओलीले बताउनुभयो ।

२० आश्विन २०७६, सोमबार ०१:०४ मा प्रकाशित

प्रतिकृया दिनुहोस

Email Subscription

विशेष

सबै

प्रदेश २ को राजधानी जनकपुर, नामको विवाद यथावत

जनकपुर, १२ माघ । प्रदेश नम्बर २ को स्थायी राजधानी जनकधपुर रहने भएको छ । प्रदेशसभाका सभामुख सरोज कुमार यादव नेतृत्वको संसदीय विशेष..

पर्यटक आगमन झिनो संख्यामा वृद्धि, २०१९ मा भित्रिए ११ लाख ९७ हजार

निरोज कुमार थाप, काठमाडौँ, १२ माघ । सन् २०१९ मा ११ लाख ९७ हजार १९१ जना विदेशी पर्यटकले नेपाल भ्रमण गरेका छन् । यो..

नेपाल आइपुग्यो कोरोना भाइरस

काठमाडौँ, १० माघ । चीनबाट फैलिन सुरु भएको कोरोना भाइरसको संक्रमण नेपालमा पनि आइपुगेको पुष्टि भएको छ । चीनबाट..

सभामुखको उम्मेद्वारमा असन्तुष्टि जनाउँदै राष्ट्रपतिका सल्लाहकारले दिए राजीनामा

काठमाडौँ, १० माघ । अग्नि सापकोटालाई नेकपाले सभामुखको उम्मेद्वार बनाएपछि राष्ट्रपति विद्यादेवी भण्डारीका..

पर्यटन बोर्डको सिइओ र एनएसीको अध्यक्ष तत्काल नियुक्त गर्न मन्त्री भट्टराईको ध्यानाकर्षण

निरोज कुमार थापा, काठमाडौँ, १० माघ । निजी क्षेत्रका व्यवसायीक संघ संगठनहरुले संस्कृति, पर्यटन तथा नागरिक..