कर्णाली प्रदेशसभाको वर्षे अधिवेशन अन्त्य

सुर्खेत, १० असोज । कर्णाली प्रदेशसभाको चौथो अधिवेशनको ३३औं बैठक भएसँगै वर्षे अधिवेशन अन्त्य भएको घोषणा गरिएको छ । कर्णाली प्रदेशसभाका सभामुख राजबहादुर शाहीले कर्णाली प्रदेशका प्रमुख दुर्गाकेशर खनालले वर्षे अधिवेशन अन्त्यका लागि दिनुभएको पत्र वाचन गर्दै आज राति १२ः०० बजेदेखि वर्षे अधिवेशन अन्त्य भएको घोषणा गर्नुभयो । अधिवेशन अन्त्यको घोषणा गर्दै सभामुख शाहीले अधिवेशनले कार्यसम्पादन गर्दा प्रदेशभाको ३२औं बैठकसम्म ५४ घण्टा ५४ मिनेट ३५ सेकेण्ड समय व्यतीत भएको जनाउनुभयो ।
सभामुख शाहीले प्रदेश सरकारको आव.०७६÷०७७ नीति तथा कार्यक्रम, अधिवेशनले कर्णाली प्रदेश आर्थिक विधेयक २०७६, विनयोजन २०७६, ऋण उठाउने विधेयक २०७६, प्रांगारिक कृषि सम्बन्धी व्यस्था गर्न विधेयक २०७५ कर्णाली प्रदेश स्वयमसेवक परिचालन सम्बन्धमा व्यवस्था गर्न विधेयक, २०७५ कर्णाली प्रदेश आर्थिक कार्यविधि ऐन, २०७४ लाई पहिलो संशोधन गर्न बनेको विधेयक, प्रदेशमा खेलकूदको विकास सम्बन्धमा बनेको विधेयक २०७५ पारित गरिएको बताउनुभयो ।
प्रदेशसभाको ३३औंँ बैठकमा प्रदेश सरकारका मुख्यमन्त्री महेन्द्रबहादुर शाहीले ‘कर्णाली प्रदेशको आव.०७४÷०७५ को महालेखापरीक्षकको प्रतिवेदन’ सभासमक्ष पेश गर्नुभयो । त्यसैगरी कर्णाली प्रदेशसभा नियमावली, २०७४ को दोस्रो संशोधित प्रतिवेदनमाथि सामान्य छलफल भएसँगै थप छलफलका लागि नियमावली संशोधन समितिका अध्यक्ष धर्मराज रेग्मीले समितिमा पठाउन प्रस्ताव गरेसँगै सभाबाट पारित भएको थियो ।
बजेट कार्यान्वयनमा सरकार गम्भीर हुनुपर्छ
कर्णाली प्रदेशसभाका प्रतिपक्ष तथा सत्तापक्षका सदस्यले बजेट कार्यान्वयनमा सरकार गम्भीर हुन आग्रह गरेका छन् । प्रदेशसभा सदस्य यामलाल कँडेलले सरकारले बजेट कार्यान्वयनमा सरकार गम्भीर हुनुपर्नेमा जोड दिनुभयो । मौका छोपेर काम गरे आफैँ खुम्चिनुपर्ने व्यङ्ग्य गर्दै सदस्य कँडेलले भन्नुभयो, “कर्णाली प्रदेशका लागि जति बजेट छ, त्यो थोरै छ । जति छ त्यो पनि धेरै छ । प्रतिफल नदेखिने खर्चको औचित्य नहुने भन्दै उहाँले बजेट कार्यान्वयनको जटिलतामा सरकारलाई संयम हुन आग्रह गर्नुभयो ।
प्रतिपक्षका प्रदेशसभा सदस्य दीनबन्धु श्रेष्ठले अरबाँै बजेट विनियोजन गरे पनि बेलैमा कार्यान्वयन गर्न नसक्दा सरकारको प्रगति नदेखिएको तर्क गर्नुभयो । प्रतिपक्षले सरकारलाई सधैँ खबरदारीको साथै मार्गदर्शनमा सहयोग पु¥याएको भन्दै सदस्य श्रेष्ठले प्रदेशको साझा गन्तव्यमा सत्तापक्ष र प्रतिपक्ष एक भएर अघि बढ्नुमा भलाइ हुने बताउनुभयो । प्रदेशसभा सदस्य सोशिला शाहीले जनप्रतिनिधिले जनतामा राम्रो छाप छाड्नेगरी काम गर्नुपर्नेमा जोड दिनुभयो ।
प्रतिपक्षको आपत्ति, सत्तापक्षको नियमापत्ति
यही असोज ९ गतेको बैठकमा प्रमुख प्रतिपक्षी दल नेपाली काँग्रेस संसदीय दलका नेता जीवनबहादुर शाहीलाई आँच आउने गरी सत्तापक्षका सदस्यले बोलेको भन्दै प्रतिपक्ष दलका प्रदेशसभा सदस्य हिमबहादुर शाहीले बैठकको शुरुमा आपत्ति प्रकट गर्नुभयो । उहाँले सत्तापक्षका सदस्यले बोलेको संसदीय मर्यादा विपरीत भएको भन्दै उक्त अभिव्यक्ति रेकर्डबाट हटाउन सभामुखलाई आग्रह गर्नुभयो ।
यता सत्तापक्षका सदस्य ठम्मर विष्टले प्रतिपक्षको सदस्यले उठाएको कुरामा नियमापत्ति जनाउनुभयो । उहाँले प्रतिपक्षलाई आफूले भनेको कुरा भन्दा प्रतिपक्षी दलकै नेताले यसअघि सभाको बैठकमा दिएका अभिव्यक्ति झनै असंसदीय भएको भन्दै उक्त रेकर्ड पनि सचिवालयको रेकर्डबाट हटाउन सभामुख शाहीलाई अनुरोध गर्नुभएको थियो । त्यसैगरी प्रदेशसभा सदस्यद्वय सीता नेपाली र गोपाल शर्माले प्रतिपक्षी दलले सभामा बोलेकै दिन नियमापत्ति नजनाउनु र आफ्नो भाषाको ख्याल नगर्नु प्रतिपक्षको कमजोरी रहेको आरोप लगाउनुभयो । बैठकमा सदस्य अमरबहादुर थापालगायतले बोल्नुभएको थियो ।

११ आश्विन २०७६, शनिबार ०७:०० मा प्रकाशित

प्रतिकृया दिनुहोस

Email Subscription

विशेष

सबै

प्रधानमन्त्रीको प्रश्न, ‘सडकका खाल्डाको सारङ्गी कति सुन्ने ?’

काठमाडौँ, ६ मंसिर । प्रधानमन्त्री केपी शर्मा ओलीले सडकका खाल्डा पुर्न ४ महिनाको समय दिएका छन् । पुनर्गठित मन्त्रिपरिषद्को पहिलो..

मूल्यवृद्धि नियन्त्रण बाहिर, फेरि चुक्यो सरकार

निरोज कुमार थापा, काठमाडौँ, ५ मंसिर । मूल्य वृद्धि चुलिँदै गएको छ । चालु आर्थिक वर्षको प्रथम त्रैमास सकिँदा मुल्य..

गोकर्ण विष्ट पदमुक्त भएको खुशीयालीमा म्यानपावर व्यवसायीको पार्टी

निरोज कुमार थापा, काठमाडौँ, ५ मंसिर । श्रम तथा रोजगारमन्त्रीबाट गोकर्ण विष्ट बर्खास्त भएपछि म्यानपावर..

ओलीको कमालः महिला मन्त्रालयको जिम्मेवारी पुरुष सांसदलाई !

काठमाडौँ, ५ मंसिर । प्रधानमन्त्री केपी शर्मा ओलीले बुधबार साँझ मन्त्रिपरिषद् पुनर्गठन गर्दै दोलखाका सांसद..

सरकारमा सहभागी हुने २ मन्त्रीको नाम टुंगो लाग्यो

काठमाडौँ, ४ मंसिर । सरकारमा मन्त्रीको रुपमा प्रवेश गर्ने २ जनाको नाम टुंगो लागेको छ । तत्कालिन माओवादी केन्द्रको..