देश ३ मा छुट्टै पूर्वाधार विकास कम्पनी गठन हुन्छ : मुख्यमन्त्री पौडेल

हेटौँडा, १० असोज । प्रदेश नं ३ का मुख्यमन्त्री डोरमणि पौडेलले प्रदेशको पूर्वाधार विकासका लागि सरकारले छुट्टै प्रदेश पूर्वाधार निर्माण कम्पनी गठन गर्ने बताउनुभएको छ । उहाँले प्रदेश पूर्वाधार निर्माण कम्पनी गठनको अन्तिम तयारी भएको जानकारी दिनुभयो ।

मुख्यमन्त्री पौडेलले प्रदेशस्तरका निर्माण कार्यहरु प्रदेशकै निर्माण कम्पनीले गर्ने बताउनुभयो । प्रदेश सरकारले गठन गर्न लागेको कम्पनीमा निजी क्षेत्रको समेत लगानी रहने उहाँले जानकारी दिनुभयो । आज एक कार्यक्रममा मुख्यमन्त्री पौडेलले प्रदेश नं ३ मा विद्युतीय सवारी तथा अन्य यातायात सेवाहरु सञ्चालन पनि प्रदेश सरकार आफैँले गर्ने तथा प्रदेश यातायात निगमको स्थापना गर्ने समेत तयारी रहेको जानकारी दिनुभयो ।

प्रदेशको नीति तथा कार्यक्रममा निजी क्षेत्रबाट ६२ प्रतिशत लगानी अपेक्षा गरेको बताउँदै उहाँले प्रदेश सरकारले निजी क्षेत्रलाई पाखा लगाएर अगाडि बढ्न नसक्ने भएकाले निजी क्षेत्रलाई समेटेर अगाडि बढ्ने योजना ल्याएको उल्लेख गर्नुभयो ।

पर्यटन प्रवद्र्धन गर्न रु ३ अर्ब

प्रदेश नं ३ सरकारले प्रदेशको पर्यटन विकास र नेपाल भ्रमण वर्ष २०२० लाई सफल बनाउन रु तीन अर्ब बजेट विनियोजन गरेको छ । प्रदेश सरकारको उद्योग, पर्यटन, वन तथा वातावरण मन्त्रालयले चालू आर्थिक वर्षमा प्रदेशका विभिन्न जिल्लामा पर्यटन प्रवद्र्धनका लागि रु दुई अर्ब ८७ करोड ९५ हजार विनियोजन गरेको मन्त्रालयले जनाएको छ ।

मन्त्रालयले पर्यटन पूर्वाधार विकास कार्यक्रमका लागि रु एक अर्ब एक करोड ५३ लाख ९५ हजार र स्थानीय पर्यटन प्रवद्र्धन कार्यक्रमको लागि रु ५९ करोड ७५ लाख छुट्याएको छ । त्यस्तै पर्यटन पूर्वाधार विकास कार्यक्रमअन्तर्गत उपत्यका क्षेत्रका ३ जिल्ला बाहेक १० वटा जिल्लाका एक÷एक वटा पर्यटकीय गन्तव्य निर्माण गर्ने तथा प्राचीन गढीहरुको पुनःनिर्माण गर्ने योजना बनाएको उद्योग, पर्यटन, वन तथा वातावरणमन्त्री अरुण नेपालले जानकारी दिनुभयो ।

रसुवा र सिन्धुपाल्चोकको सिमानामा रहेको गुञ्जला पासमा पैदल मार्ग निर्माणका लागि रु तीन करोड, जुगल र गौरीशङ्कर हिमालको परिपथ निर्माणका लागि रु ५० लाख, १० स्थानमा हिल स्टेशनअन्तर्गत भ्युटावर, बगैँचा, विश्राम घर तथा मनोरञ्जन घर निर्माणका लागि रु दश करोड विनियोजन गरेको छ ।

मन्त्रालयले शैलुङ पर्यटकीय क्षेत्रमा पूर्वाधार निर्माणका लागि रु एक करोड पचास लाख, हेटौँडामा सिटी भ्यु टावर निर्माणका लागि रु दुई करोड, रुबी भ्याली गणेश हिमाल पदमार्ग निर्माणका लागि रु २० लाख, होमस्टे सञ्चालन गर्न चाहनेलाई सीप विकासको तालीम प्रदान गर्न रु ३५ लाख, लोकमार्गको किनाराको होटलमा अतिथि सत्कार र सरसफाइका लागि रु २० लाख, नेपाल भ्रमण वर्ष २०२०, प्रदेश पर्यटन दशक २०२० देखि २०३० को प्रवद्र्वनात्मक कार्यक्रमका लगि रु १० लाख र पर्यटन प्रवद्र्वनलाई राष्ट्रिय तथा अन्तरराष्ट्रिय प्रचारप्रसारका लागि रु ३५ लाख, सामाजिक सञ्चालबाट प्रचारप्रसार गर्न रु २० लाख गरी रु एक अर्ब एक करोड ५३ लाख ९५ हजार विनियोजन गरेको मन्त्रालयले जनाएको छ ।

११ आश्विन २०७६, शनिबार ०६:५८ मा प्रकाशित

प्रतिकृया दिनुहोस

Email Subscription

विशेष

सबै

नेपाल आइपुग्यो कोरोना भाइरस

काठमाडौँ, १० माघ । चीनबाट फैलिन सुरु भएको कोरोना भाइरसको संक्रमण नेपालमा पनि आइपुगेको पुष्टि भएको छ । चीनबाट फर्किएका ३१ वर्षीय..

सभामुखको उम्मेद्वारमा असन्तुष्टि जनाउँदै राष्ट्रपतिका सल्लाहकारले दिए राजीनामा

काठमाडौँ, १० माघ । अग्नि सापकोटालाई नेकपाले सभामुखको उम्मेद्वार बनाएपछि राष्ट्रपति विद्यादेवी भण्डारीका..

पर्यटन बोर्डको सिइओ र एनएसीको अध्यक्ष तत्काल नियुक्त गर्न मन्त्री भट्टराईको ध्यानाकर्षण

निरोज कुमार थापा, काठमाडौँ, १० माघ । निजी क्षेत्रका व्यवसायीक संघ संगठनहरुले संस्कृति, पर्यटन तथा नागरिक..

प्रदेश सांसद दिपक मनाङे पक्राउ

पोखरा, ९ माघ । गण्डकी प्रदेशसभाका सांसद राजीव गुरुङ (दीपक मनाङे) पक्राउ परेका छन् । कास्की प्रहरीले मनाङेलाई..

उखु किसानको बक्यौता नतिर्ने चिनी मिलको बैंक खाता रोक्का

काठमाडौँ, ९ माघ । उखु किसानको बक्यौता नतिर्ने चिनी मिलहरुको बैंक खाता रोक्का भएको छ । उद्योग, वाणिज्य तथा आपूर्ति..