एक साताभित्र टेलिकम कम्पनीहरुवीच् ईन्टरकनेक्सन हुने

काठमाडौ, १ चैत । लामो समयदेखि साना कम्पनीबीच हुन नसकेको अन्तरआबद्धता अब हुने भएको छ । ग्रामीण क्षेत्रमा दूरसञ्चार सेवा सञ्चालन लाइसेन्स पाएका तीन साना कम्पनीका ग्राहकले बढीमा एक महिनाभित्र एकअर्काको नेटवर्कमा कुरा गर्न पाउने भएका हुन् । उनीहरूले एक सातामा सम्झौतामा हस्ताक्षर भइसक्ने बताएका छन् ।

केही दिन अगाडि यी कम्पनीहरूबीच अन्तरआबद्धता कायम नभएको समाचार सार्वजनिक भएको थियो । त्यसपछि प्राधिरकणले १५ दिनभित्र अन्तरआबद्धता कायम गर्न यी कम्पनीलाई लिखित निर्देशन दिएको थियो । १५ दिनमा अन्तरआबद्धता कायम नभएका कानुनी कारबाही सुरु गर्ने प्राधिकरणको चेतावनीपछि तीनै कम्पनीले तीव्रताका साथ सम्झौता प्रक्रिया अगाडि बढाएका हुन् ।

स्मार्ट टेलिकम, नेपाल स्याटलाइट र एसटिएम सञ्चारबीच अन्तरआबद्धता नहुँदा ग्राहकले एक अर्को नेटवर्कमा कुराकानी गर्न पाएका छैनन् । यीमध्ये सबैभन्दा पछि सेवा सञ्चालन गर्ने स्मार्टले सेवा सुरु गरेको पनि दुई वर्ष पुगिसकेको छ । नेपाल स्याटलाइटले तीन वर्ष अगाडि सेवा सुरु गरेको थियो भने एसटिएमले सेवा सञ्चालन गरेको ८ वर्ष पुगेको छ । यति लामो समयसम्म अन्तरआबद्धता कायम हुन नसक्नुको कारण नियामक र कम्पनीहरूको गैरजिम्मेवारी हो ।

सञ्चार मन्त्रालयका एक अधिकारीले सेवा सुरु गर्नु अघि नै नेपालमा सबै दूरसञ्चार कम्पनीसँग सम्झौता गरिसक्नुपर्ने भए पनि नियामकको निष्त्रिmयताका कारण यस्तो भएको बताए ।

‘एक साताभित्र सम्झौता भइसक्छ,’ नेपाल स्याटलाइटका प्रमुख कार्यकारी अधिकृत मणि चौलागाईले भने, ‘सम्झौतापत्र साटासाटको काम भइसकेको छ ।’ उनले सम्झौतापछि अन्तरआबद्धताका आवश्यक पूर्वाधारको निर्माण सुरु गर्ने बताए । अन्तरआबद्धता कायम नभएका कम्पनीले पूर्वाधार निर्माणमा बराबर लगानी गर्ने भएका छन् । स्मार्ट र एसटिएम दुवैसँग सम्झौता नगरेको नेपाल स्याटलाइटले ५० प्रतिशत खर्च बेहोर्न तयार भएको उनले बताए । यसअघि पोर्ट शुल्क बुझाए मात्र सम्झौता गर्ने बताउँदै आएको स्याटलाइट खर्च बेहोर्न तयार भएकाले सम्झौता प्रक्रिया अगाडि बढेको हो । ग्राहकले फोन गर्न पाउने अवस्था नबनेपछि स्मार्ट र एसटिएमबीच अन्तरआबद्धता सेवा परीक्षण कालमा छ ।

पहिले अन्तरआबद्धता लिन खोज्ने र दिने खोज्ने को हो भन्ने द्विविधाले यी कम्पनीहरूबीच अन्तरआबद्धता सम्झौता हुन सकेको थिएन । ०६५ सालमा आएको अन्तरआबद्धता निर्देशिकामा अन्तरआबद्धता लिन खोज्ने कम्पनीले दिने कम्पनीलाई प्रतिपोर्ट शुल्क बापत वाषिर्क ३५ हजार रुपैयाँ तिर्नुपर्ने प्रावधान छ । यसले समस्या गरेको भन्दै प्राधिकरणले निर्देशिका संशोधनको तयारी सुरु गरेको छ ।

‘नेपाल स्याटलाइटबाट सम्झौताका लागि तयार भएको जानकारी आएको छ,’ स्मार्टका प्रमुख कार्यकारी अधिकृत सुवास बज्राचर्यले भने, ‘सम्झौतापत्र यसअघि नै स्याटलाइटलाई पठाइसकेको छौं । अब छिट्टै सम्झौता हुन्छ ।’ उनले बढीमा एक महिनाभित्र एक नेटवर्कका ग्राहकले अर्को नेटवर्कमा कुराकानी गर्न सक्ने अवस्था सिर्जना हुने बताए ।

अन्तरआबद्धता केबाट सुरु गर्ने भनी सेवा प्रदायकबीच छलफल सुरु भएको छ । ‘सम्झौतासँगै अप्टिकल फाइबर वा माइक्रोवेब लिंक कुनबाट अन्तरआबद्धता गर्ने निक्र्योल गर्छौं,’ बज्राचार्यले भने ।

१ चैत्र २०६८, बुधबार ०९:१६ मा प्रकाशित

प्रतिकृया दिनुहोस

Email Subscription

विशेष

सबै

भारतीय गुप्तचर प्रमुखहरु काठमाडौँमा, कहाँ बस्दैछन् ?

काठमाडौँ, २५ असार । भारतले आफ्ना सुरक्षा र गुप्तचर संस्थाका अधिकारीहरुलाई काठमाडौं पठाएको पाईएको छ । नेपालको सत्तारुढ दल नेपाल..

सिन्धुपाल्चोकमा बाढीः २ जनाको मृत्यु, १८ जना बेपत्ता

रासस, सिन्धुपाल्चोक, २५ असार । अविरल वर्षासँगै गएको पहिरोले सिन्धुपाल्चोकको बाह्रबिसे नगरपालिकाको जम्बुमा दुई..

पुरुष उत्पीडन:हिंसाको चपेटामा पुरुषपनि(दोश्रो श्रृङ्खला)

पितृसत्तात्मक पुरुष प्रधान समाजमा पुरुष हिंसा पनि हुन सक्छ भन्ने कुरा सोच्नु नै अनौठो लाग्न सक्छ। नेपाल जस्तो..

मन्त्री भट्टराईको प्रश्न, ‘विग्रह ल्याउन खोज्ने भारत ठीक कि मिलाउन खोज्ने चीन ?’

काठमाडौँ, २४ असार । सत्तारुढ दल नेपाल कम्युनिष्ट पार्टी (नेकपा) भित्र देखिएको विवाद समाधानमा चिनियाँ राजदूत..

उपत्यकाका ३ जिल्लामा २६७ जना कोरोना संक्रमित

काठमाडौँ, २३ असार । काठमाडौं उपत्यकामा कोरोना भाइरस संक्रमितहरुको संख्या २६७ पुगेको छ । स्वास्थ्य मन्त्रालयका..