“मेरो भगवानलाई एउटा प्रश्न”

मेरो आत्माले परमात्मा भेटेको दिन
मान्छे भेटिनु वा भेट्टाउनु पूर्ण नहुन सक्छ
हाम्रो मिलन बिजय उत्सव नहुन सक्छ
म भित्रको मेरो म
उन्मुक्त नहुन सक्छ
स्वछन्द नहुन सक्छ
तर निसब्द निराकार शुन्यताको त्यो पल
हो त्यही पल
म भित्रको भगवान मुक्त र मोक्ष दुवै हुन सक्छ ।

***********
नभेटिएको पनि हुन सक्छ
भेट्नै पर्ने पनि नहुन सक्छ
टुट्नु र छुट्नु मायाँ हो भने
जुट्नु र जोडिनु मायाँ हो भने
नासोधिएको, नभेटिएको, नखोजिएको र नदेखिएको एउटा आकृति
जहाँ निराकार निष्पट्ट मात्र हुन्छ
तर पूर्ण जीवन जिउन सक्छ मान्छे
र ज्ञात गर्छ मान्छे
टुट्नु र छुट्नु भन्दा परपो रहेछ मायाँ
जुट्नु र जोडिनु भन्दा नजिकै रहेछ मायाँ ।

***********
भेट्नै पर्ने यो कस्तो चलन
जोडिने पर्ने यो कस्तो मोह
एउटा आकाशको अनगिन्ति प्राणी
एउटा छतभित्र सिमित मायाँको इहलिला
ठोक्किदै रमाउने मान्छेको हासों र खुसि
होइन है यो मायाँ, मात्र हो जिबन लिला ।

***********
नदेखेको पनि हुन सक्छ
नजिकै तर नपुगेको त्यो ठाउं
मायाँ मिलन हो भने पनि नमिलेको हुन सक्छ
त्यो मिलन जहाँ
अदृश्य नहोस दृश्य बिनाको
शरीर नहोस आत्मा बिनाको
आत्मा नरहोस् परात्मा बिनाको
एउटा ठाउं, परमात्मा भेट्ने मेरो भगवानको गाउँ ।

***********
वक्दै गरेको वाचनको भरमा
कोरिएको सिं रेखालाई
डोरिएको यात्रीले
पहिल्याउन धौ पर्ला
बग्दै गरेको नदि र झर्दै गरेको झरना
पौडदै तर्ने हामी अभिलाषी
पारि पुग्न बल पर्ला
तर बगेर नदीमा सागर चुम्न
मेरो भगवानलाई न ग्राहो पर्ला न सार्हो पर्ला ।

***********
भूगोलको वल्लो छेउमा
पल्लो छेउले हल्लाउछ
यताको आकार उता निराकार सल्बलाउछ
जिते भन्ने श्रेष्ठ मान्छेको बगर भरि लाश
तर कल कल झरना निरन्तर कल-कलाउछ ।

***********
जन्माई भन्छे आमा
हुर्काइ भन्छ बाबु
जिउन सिकाउने-मायाँ सिकाई भन्ने प्रियतमा
तर म एक्लो- एक्लो, रित्तो-रित्तो
जब मेरो आत्माले परमात्मा भेट्यो
मेरो भगवानले भन्छ
म एउटा फगत प्राणि, तुच्छ मान्छे
बन्न सकिन पूर्ण प्राणि
हुन सकिन जीवित, रहे जगतको ऋणी ।

***********
यता दर्क्यो झरी
उता प्रचण्ड घाम
हिउँ खस्दा बेशी रमाउने
गाउँ बगेरै सकियो
म कल्पिएरै सकिए
सग्लो शरीर छ बाँकि
कस्तो बनायौ भगवान मलाई
मन मुटु जलेरै सकिए ।

***********
सकिए म, ठानेर जल्नु मायाँ
जल्यो आत्मा नभेटेर परमात्मा
बोल्न सक्तिन निश्फिक्री
बग्न सक्तिन सहर्ष
बन्यो जीवन घाम छायाँ
मानेर मन्दिर धाएँ
ठानेर देव तुल्य साह्रा सुख पाएँ
देह यस्तै रहेछ सुख संगै दुख
योत फगत मिर्ग तृष्णा रहेछ
मेरो भगवानलाई एउटा प्रश्न
एउटा वृक्षको छहारी आत्मात पाएँ
मेरो परमात्मा वृक्षहरुको बाटिका
म भित्रको मेरो भगवानलाई मैले किन ढिलो पाएँ । ।

मनको कुरा : म भित्रको मेरो भगवानलाई मेरो एउटा प्रश्न मेरो भगवानलाई मैले किन ढिलो पाएँ ।

पुरुषोत्तम ढकाल
ह्यारिसवर्ग, पेन्सिलभानिया, संयुक्तराज्य अमेरिका
२० जुलाई २०१२

२० श्रावण २०६९, शनिबार १९:२० मा प्रकाशित

प्रतिकृया दिनुहोस

विशेष

सबै

हुम्लाको उत्तरी नाम्खा गाउँपालिका कोरोना मुक्त

हुम्लाको उत्तरी नाम्खा गाउँपालिका आइतबारदेखि कोरोना सङ्क्रमणमुक्त बनेको छ । आइतबार एन्टिजेन विधिबाट गरिएको कोरोना परीक्षणमा ४४..

ट्रान्सपरेन्सी इन्टरनेशनलको प्रतिवेदन सरकारद्वारा अस्वीकार

काठमाडौँ । ट्रान्सपरेन्सी इन्टरनेशनलको भ्रष्टाचारसम्बन्धी प्रतिवेदनलाई सरकारले अस्वीकार गरेको छ । यो..

चिनियाँ रक्षामन्त्री आज नेपाल आउँदै

काठमाडौं । चीनका पहिलो नम्बरका स्टेट काउन्सिलर एवं रक्षामन्त्री जनरल वेई फेङ औपचारिक भ्रमणमा आज काठमाडौं आउँदै..

प्रधानमन्त्रीद्वारा सचिवालयमा दाहालको जवाफी प्रस्ताव प्रस्तुत (पूर्णपाठसहित)

काठमाडौं । प्रधानमन्त्री एवं अध्यक्ष केपी शर्मा ओलीले आफूमाथि लगाएका आरोपबारे लिखित जवाफ दिनुभएको छ..

प्रधानमन्त्री ओलीको लिखित जवाफमा के छ ?

काठमाडौं । सत्तारुढ नेपाल कम्युनिष्ट पार्टी (नेकपा) सचिवालय बैठक सुरु भएको छ । सचिवालय बैठकका लागि..