अध्यागमन मन्त्री कोलम्यानद्वारा नेपाली सामुदायिक भवनका लागि १० लाख डलर दिने घोषणा

सिड्नी । अध्यागमन मन्त्री डेभिड कोलम्यानले अष्ट्रेलियामा नेपाली समुदयाको बाक्लो उपस्थितिलाई पहिचान गर्दै सिड्नीमा नेपाली सामुदायिक भवन निर्माणका लागि १० लाख डलर दिने घोषणा गरेका छन् । गैरआवासीय नेपाली संघको ओसिनिया क्षेत्रीय सम्मेलनलाई शनिबार सम्बोधन गर्दै मन्त्री कोलम्यानले सहयोगको घोषणा गरेका हुन् ।

यहाँको सबैभन्दा पुरानो संस्था नेप्लीज अष्ट्रेलियन एसोसिएसन (एनएए)मार्फत् उनले रकम सहयोग गर्ने छन् । अष्ट्रेलियाका अध्यागमन मन्त्री डेभिड कोलम्यानको सहयोगलाई नेपाली समुदायले पहिचान सहितको संबोधन आयोजक एवं गैर आवासीय नेपाली संघ अष्ट्रेलियाका अभियन्ता महेन्द्र लम्सालले टिप्पणी गरेका छन् ।

सम्मेलनमा नेपालको संघीय सरकारका कानून मन्त्री भानुभक्त ढकाल, अस्ट्रेलियाको संघीय सरकारका अध्यागमन मन्त्री डेबिड कोल्म्यान, गैरआवासीय नेपाली संघका पूर्व अध्यक्ष शेष घलेलगायतका नेताहरु र ब्यवसायीहरुको सहभागिता रहेको छ ।

‘इन्भेस्टमेन्ट, इनोभेसन र टुरिजम’ मूल नारा राखिएको यो सम्मेलनमा विभिन्न बुद्धिजिवीहरुले कार्यपत्रहरु पेश गर्ने र त्यसमाथि बहस हुने आयोजकले जानकारी दिएका छन् ।

आयोजक एवं गैर आवासीय नेपाली संघ अष्ट्रेलियाका अभियन्ता महेन्द्र लम्सालले भने, ‘नेपालमा स्थिर सरकार भएकाले बिकासका निम्ति उपयुक्त वातावरण बनेको र अब प्रवासी नेपालीहरुले योगदान गर्न सक्नेबारे सम्मेलनमा छलफल हुने बताए । ‘सम्मेलनमा गैरआवासीय नेपालीहरुका चासो र सरोकार माथि पनि छलफल हुनेछ जसमा संस्थागत शुद्धीकरण र नेपालमा भएको लगानी सुरक्षा मुख्य मुद्धा हुने छन् ।

अस्ट्रेलियासहित न्युजिल्याण्ड, पपुवान्युगिनी, भानुवाटु लगायत देशमा रहेका एनआरएनका राष्ट्रिय समन्वय परिषदको नेतृत्व ओसियाना क्षेत्रीय समितिले गर्छ ।

मे ११ र १२ सम्म चल्ने ओसियाना सम्मेलन नेपाल सरकार र अस्ट्रेलियास्थित नेपाली समुदायको हितमा क्रियाशील संघ संस्थाका प्रतिनिधिहरुको बाक्लो उपस्थिति रहेको छ ।

२९ बैशाख २०७६, आईतवार ०२:११ मा प्रकाशित

प्रतिकृया दिनुहोस

Email Subscription

विशेष

सबै

सरकारमा सहभागी हुने २ मन्त्रीको नाम टुंगो लाग्यो

काठमाडौँ, ४ मंसिर । सरकारमा मन्त्रीको रुपमा प्रवेश गर्ने २ जनाको नाम टुंगो लागेको छ । तत्कालिन माओवादी केन्द्रको तर्फबाट २ जनाको..

राजपाको संयोजकमा राजेन्द्र महतो

काठमाडौँ, ४ मंसिर । राष्ट्रिय जनता पार्टी (राजपा) नेपालको संयोजकमा राजेन्द्र महतो चुनिएका छन् । बुधबार बसेको..

मन्त्रिपरिषद् हेरफेर, ४ मन्त्रीको बिदाई पक्का

काठमाडौँ, ४ मंसिर । प्रधानमन्त्री केपी शर्मा ओलीले अहिले केहीबेरमै मन्त्रिपरिषद् हेरफेर गर्ने भएका छन् ।..

प्रचण्ड कार्यकारी अध्यक्ष, ओली पूरै अवधि प्रधानमन्त्री

निरोज कुमार थापा, काठमाडौँ, ४ मंसिर । नेपाल कम्युनिस्ट पार्टी (नेकपा)ले अध्यक्ष पुष्पकमल दाहाल प्रचण्डलाई..

प्रधानमन्त्रीले राजीनामा दिन गरेको आग्रह उपसभामुखले मानिनन्

काठमाडौँ, ४ मंसिर । प्रधानमन्त्री केपी शर्मा ओलीले उपसभामुख शिवमाया तुम्बाहाम्फेलाई राजीनामा दिन आग्रह गरेका..