लोकगायक विष्णु खत्रीको ‘बिचल्ली’ चर्चामा

अर्जुन भुसाल, काठमाडौँ, २६ वैशाख ।  “सुन्नुहोला दिदीबहिनी सुन्नु दाजुभाइ, समाजमा भएको घटना भन्छु सबैलाई,
मुनाजस्ता बालबच्चा बिचल्लीमा पारी, स्वर्ग जस्तो घर भत्काउँदै हिँड्छन् कुनै नारी,
मरी मरी दुःख गर्छ परदेशमा पोइले, घरमा स्वास्नी बिग्रँदानि भन्दिदैनन् कैले”
लोग्ने हिँड्ने कमाउँला भनेर, स्वास्नी हिँड्नी रमाउँला भनेर

चर्चित लोकगायक विष्णु खत्रीको ‘बिचल्ली’ एल्वमको यो गीत अहिले निकै चर्चामा छ । समाजको यथार्थ चित्रण बोकेको गीतले श्रीमान्, बालबच्चा छाडेर परपुरुषसँग लाग्दाको बेफाइदाका बारेमा बोलेको छ । गीतले कारुणिक भाव बोकेको छ । प्रशस्त धन कमाई परिवारसँग सुखसयलमा रमाउने रहर बोकेर विदेश छिरेका श्रीमान् घर फर्कंदा बालबाच्चाको बिचल्ली पारी श्रीमतीले परपुरुषसँग विवाह गरेको खबर पाउँछन् । बालबालिका सहाराविहीन भएको देख्दा उनी भावविभोर हुन्छन् । भएभरका गरगहना र सम्पत्ति लुटी परपुरुषले पनि धोका दिएपछि श्रीमती पनि बिचल्लीमा पर्छिन् ।

“माया दिई जस्तो गरी बाध्य पार्यो भाग्न
उसले मलाई छाड्यो आज कहाँ जाम गुहार माग्न,
कता गयो धननी लग्यो लग्यो गरगहना
कुन मुखले सकुला र धर्तीमा रहन,
चुराले नि घोच्यो मलाई सिन्दूरले नि पोल्यो
नचाहिँदो गर्दा मैले सत्यले प्वाल खोल्यो”
खुनको सराप उनको नि सराप भो
कहाँ जाम बरै जता नि धराप भो

माताको भेषमा भिक्षा माग्दै उनी श्रीमान् र बालबच्चालाई हेर्न पुग्छिन । पीडा सहन नसकेपछि आत्माहत्या गर्छिन् । उनको बिचल्ली बनाउने परपुरुष पनि जेल पर्छन् ।

सुमधुर क्रियशनबाट बजारमा आएको गीतमा विष्णु खत्री र देवी घर्तीले स्वर भरेका छन् । लय, शब्द र परिकल्पना पनि खत्रीकै हो । गीतको भिडियोमा गायक खत्री, साया भण्डारी, दिलीप रेग्मी, प्रल्हाद सुवेदीले अभिनय गरेका छन् । बालकलाकारको भूमिकामा शिक्षा थापा र आविष्कार थापा छन् । कुसंस्कारको चित्रण गर्दै सभ्य समाज निर्माणमा टेवा पुर्याउने उद्देश्य राखेर गीत बनाएको गायक खत्री बताउनुहुन्छ ।

“श्रीमान् विदेश गएपछि धन सम्पत्तिसमेत लिएर श्रीमती अर्कैसँग हिँड्ने गरेका घटना बढिरहेका छन्”, उहाँले भन्नुभयो, “परपुरुषसँग लाग्दा हुने सम्भावित जोखिम गीतबाटै औँल्याउने काम गरेको हुँ ।” गीतले परपुरुषसँग लागिरहेका र लाग्न खोजिरहेकाहरुलाई समेत सचेत बनाउने उहाँले बताउनुभयो ।

२६ बैशाख २०७६, बिहीबार २३:१४ मा प्रकाशित

प्रतिकृया दिनुहोस

Email Subscription

विशेष

सबै

अयोध्याबारे प्रधानमन्त्रीको अभिव्यक्तिपछि परराष्ट्र मन्त्रालयको यस्तो प्रष्टिकरण

काठडमाडौँ, ३० असार । परराष्ट्र मन्त्रालयले भगवान रामचन्द्रको जन्मस्थल अयोध्याबारे प्रधानमन्त्री केपी शर्मा ओलीको..

कर्णाली प्रदेशका सांसदमा कोरोना पुष्टि

सुर्खेत, ३० असार । कर्णाली प्रदेशका एक सांसदमा कोरोना भाइरसको संक्रमण देखिएको छ। सोमबार गरिएको पीसीआर परीक्षणमा..

भगवान राम र अयोध्याबारे प्रधानमन्त्रीले दिएको अभिव्यक्तिको भाजपाद्वारा निन्दा

काठमाडौँ, ३० असार । प्रधानमन्त्री केपी शर्मा ओलीले भगवान रामचन्द्रको जन्मस्थल अयोध्या नेपालमा पर्ने..

सरकारले गर्‍यो श्रष्टाहरुलाई सम्मान (नामसहित)

काठमाडौँ, २९ असार । सरकार विभिन्न विधाका स्रष्टाहरूलाई पुरस्कृत गरेको छ । संस्कृति, पर्यटन तथा नागरिक उड्डयन..

थप ३ नीजि प्रयोगशालालाई कोरोनाको पीसीआर परीक्षण गर्ने अनुमति

काठमाडौँ, २९ असार । सरकारले थप तीन निजी प्रयोगशालालाई कोरोना भाइरस (कोभिड–१९) को पिसिआर परीक्षण गर्न अनुमति दिएको..