भिरमौरीको मह खाँदा धादिङको रुविभ्यालीमा दश जना बिरामी

धादिङ, २२ वैशाख । विकट उत्तरी धादिङको रुविभ्याली गाउँपालिका वडा नं ४ बोराङमा भिर मौरीको मह खाँदा आज १० जना बिरामी परेका छन् । बिरामीपर्नेमा ५२ वर्षीय नोप्चा लामा, ६२ वर्षीय च्याजोम तामाङ, २० वर्षीय हिमाल विक, २४ वर्षीय लालु विक, १५ वर्षीया सुष्मा तामाङ, १६ वर्षीय मे लामा तामाङ, ४२ वर्षीया मेञ्जित माया तामाङ, ५२ वर्षीय चोकबहादुर तामाङ, ५५ वर्षीय कान्छा लामा तामाङ र सोही गाउँपालिका वडा नं ४ हन्दिुङ निवासी ३५ वर्षीय तेसमान तामाङ रहेका छन् ।

बिरामीमध्ये तेसमान र कान्छा लामाको अवस्था गम्भीर भएकाले उपचार हुन नसकी हेलिकप्टरको सहायताले काठमाडौँ लगिएको सामाजिक कार्यकर्ता विजय तामाङले टेलिफोनबाट जानकारी दिनुभयो । सामान्य बिरामी परेका अन्य आठ जनाको बोराङ स्वास्थ्य बिन्दुमा उपचार भइरहेको छ ।

आज बिहान ९ः३० बजेतिर मह खाएका उनीहरुमा बान्ता गर्ने, थरथर काम्ने र बेहोस हुने लक्षण देखिएको थियो । उनीहरु शनिबार रुविभ्याली गाउँपालिका वडा नं ४ र खनियाबास गाउँपालिका वडा नं १ को झार्लाङको बीचमा पर्ने भिरमा भिरमौरीको मह ल्याइएकामा गाउँका १३ जनाले सो मह खाएपछि १० जना बिरामी भएका थिए ।

२२ बैशाख २०७६, आईतवार २३:५५ मा प्रकाशित

प्रतिकृया दिनुहोस

विशेष

सबै

जवान कुटपीटको छानवीन गर्न ‘कोर्ट अफ इन्क्वाइरी’ गठन

काठमाडौँ । नेपाली सेनाका जवानलाई यूएन शान्ति मिसनमा कुटपीट भएको तस्वीर सामाजिक सञ्जालमा भाइरले भएपछि सैनिक जंगी अड्डाले छानवीन..

६५ देशका राष्ट्रगान गाउने नेपाली

कोरोना महाव्याधि नभएको भए यतिबेला गायक रामजी नेपाली देशदेशावर यात्रारत हुनुहुन्थ्यो । चीनको वुहानबाट कोरोना..

कोरोना संक्रमणबाट झण्डै २० लाख मानिसको मृत्यु हुन सक्छ : डब्लुएचओ

जुरिच । विश्व स्वास्थ्य संगठन ‘डब्लूएचओ’ले कोरोना भाइरसको संक्रमणका कारण झण्डै बीस लाख मानिसको मृत्यु..

लोक सेवा आयोगका स्थगित परीक्षा कात्तिकदेखि सुरू हुने

काठमाडौं । कोरोना संक्रमणका कारण स्थगित भएका परीक्षा लोक सेवा आयोगले आगामी महिनादेखि सुचारु गर्ने भएको छ..

कोरियाले इपिएस नियममा सुधार ल्याउँदै

काठमाडौं । दक्षिण कोरियाले इपिएस कानूनमा परिवर्तन गर्ने तयारीसाथ हालको नियममा भएका केही बुँदालाई संशोधनका..