सरकार– राप्रपा वार्ता, हिन्दू राष्ट्र पुनःस्थापनाको मागनै उठेन

काठमाडौँ, १० वैशाख । सरकार र राष्ट्रिय प्रजातन्त्र पार्टीबीच भएको औपचारिक वार्तामा राप्रपाले राखेका मागका विषयमा प्रारम्भिक छलफल भएको छ । सिंहदरबारस्थित कानून, न्याय तथा संसदीय मामिला मन्त्रालयमा आजदेखि प्रारम्भ भएको वार्तामा सरकारले संविधानअनुसारका माग पूरा गर्न सकिने स्पष्ट गर्यो र सरकारका तर्फबाट वार्ताको संयोजकको भूमिका निर्वाह गर्नुभएका कानून, न्याय तथा संसदीय मामिलामन्त्री भानुभक्त ढकालले भन्नुभयो, “ वार्ता सौहार्दपूर्ण रुपमा भयो, सरकारले संविधानअनुकूल हुने मागमा सम्बोधन गर्न सक्छ, हामी लामै छलफल गर्छाैँ ।” अर्काे वार्ता अर्को हप्ता हुने जनाइएको छ ।

वार्तामा सरकारका तर्फबाट वार्ताका संयोजक कानूनमन्त्री ढकाल तथा राप्रपाका तर्फबाट राप्रपाका नेतात्रय दीपक बोहरा, निरञ्जन थापा र भुवन पाठक सहभागी हनुहुन्थ्यो । राप्रपाका प्रवक्ता पाठकले वार्ता सकारात्मक भएको र आगामी बैठकमा थप छलफल हुने जानकारी दिनुभयो ।

राप्रपाले हिन्दू राष्ट्र पुनःस्थापनालगायत माग राख्दै प्रधानमन्त्री केपी शर्मा ओलीलाई गत फागुन ७ गते लिखित २२ बुँदे ज्ञापनपत्र बुझाएको थियो । सोही मागका विषयमा छलफल गर्नका लागि सरकारले आजका लागि वार्तामा बोलाउने निर्णय गरेको थियो । प्रधानमन्त्री केपी शर्मा ओलीले सरकारका तर्फबाट वार्ताका लागि संयोजकमा कानूनमन्त्रीलाई तोक्नुभएको छ । कानूनमन्त्री ढकालले आजका लािग राप्रपालाई वार्तामा आउन लिखितपत्र पठाउनुभएको थियो । स्रोतका अनुसार राष्ट्रिय प्रजातन्त्र पार्टीका प्रतिनिधिहरुले हिन्दू राष्ट्र पुनःस्थापनाको मागका विषयमा कुनै प्रस्ताव नराखेको बुझिएको छ ।

१० बैशाख २०७६, मंगलवार २१:१८ मा प्रकाशित

प्रतिकृया दिनुहोस

Email Subscription

विशेष

सबै

संविधान संशोधन विधेयकको पक्षमा मतदान गर्ने काँग्रेसको निर्णय

काठमाडौँ, १७ जेठ । प्रमुख प्रतिपक्षी दल नेपाली काँग्रेसले संविधान संशोधन विधेयकको पक्षमा मतदान गर्ने निर्णय गरेको छ । शनिबारको..

एमसीसी अनुमोदनअघि बाँकी काम रोक्ने नेकपा सचिवालय बैठकको निश्कर्ष

काठमाडौँ, १७ जेठ । सत्तारुढ दल नेपाल कम्युनिष्ट पार्टी (नेकपा) सचिवालय बैठकले मिलेनियम च्यालेन्ज कम्प्याक्ट..

रुकम घटनाको बिषयमा मननिय पक्षहरु

निशब्द भएर नबोलेर बसेका मनहरु रुकुम घटनाले आक्रोसित बनाईदिएको छ।उदाउन नपाउदै अस्ताएको त्यो डाँडामाथिको घामलाई..

भारतबाट अब यी नाकाबाट मात्रै नेपाल आउन पाईने

काठमाडौँ, १६ जेठ । सरकारले भारतमा रहेका नेपालीलाई स्वदेश फर्काउन निश्चित नाका मात्रै प्रयोग गर्न भनेको छ ।..

कोरोना संक्रमितको संख्या १२ सय नाघ्यो

काठमाडौँ, १६ जेठ । नेपालमा कोरोना भाइरस संक्रमितको संख्या १ हजा २१२ पुगेको छ । आज थप १७० जनामा संक्रमण पुष्टि..