कोलोराडोमा गीत, संगीत र मनोरंजन सहित “नेपाल डे परेड २०७६” सम्पन्न

बोल्डर, कोलोराडो । नेपाली नयाँ बर्षको अवसर पारेर आयोजना गरिदै आएको ‘नेपाल डे परेड’ यस बर्ष पनि कोलोराडो राज्यको बोल्डरमा बसोबास गर्ने नेपाली अमेरिकनले सांस्कृतिक पहिरन सहित गीत, संगीत र मनोरंजन सहित धुमधामले मनाएका छन् । आइतबार रक्की माउण्टेन फ्रेन्डस अफ नेपाल र हेल्पिङ ह्याण्डको संयुक्त आयोजनामा नेपाल डे परेड २०७६ सम्पन्न भएको हो । स्थानिय बोल्डर नगरमा सम्पन्न “नेपाल डे परेड” कार्यक्रममा प्रमुख अतिथि महावाणिज्यदूत प्रेम राजा महतको उपस्थिति रहेको थियो । आ-आफ्नो संस्थाको ब्यानरमा स्थानीय सङ्घ संस्थाका प्रतिनिधिहरू, बुद्धिजीवी, पत्रकार, व्यवसायी तथा सर्वसाधारणको उल्लेख्य उपस्थिति रहेको थियो ।

बोल्डर नगरमा आयोजित परेड कार्यक्रममा नेपालीहरूले नेपाल र अमेरिकाको झन्डा र प्लेकार्ड ब्यानर बोकी नेपाली सङ्गीतमा गीत गाउँदै हर्सोउल्लास तथा मनोरञ्जनका साथ नगर परिक्रमा गरे । बोल्डर सहरको ब्यान्डसेलबाट सुरु भएको परेडमा सहभागीहरू नेपाली पोशाक र जातीय भेष भूषा संस्कृति झल्कने पहिरहन लगाएर पनि आएका थिए ।


प्रमुख अतिथि महतले नेपाल र नेपालीको शिर उच्चा पार्ने यस्तो महत्त्वपूर्ण तथा सुन्दर कार्यक्रममा सहभागी हुनपाएकोमा आफू धेरै हर्षित भएको बताए । उनले आगामी वर्ष देखि दुई दिने कार्यक्रम नराखी नेपाली साङ्गीतिक कार्यक्रम, नेपाली संस्कृति झल्कने सामग्रीका स्टलहरू सबै एकैठाउमा राखी एकै दिन नेपाल डे मनाउन सुझाव दिए ।

त्यसै गरी विशेष अतिथि बोल्डर नगरकी मेयर सुजन जोन्सले नेपालीहरूको नयाँ वर्षको यस्तो भव्य र सुन्दर कार्यक्रममा सहभागी हुन पाउँदा ज्यादै गौरवको अनुभूति भएको भन्दै उनले सबैलाई नेपाली नयाँ वर्षको शुभकामना दिइन् ।


आयोजक संस्थाका अध्यक्ष विनोद त्रिपाठीले नेपाल र नेपालीको पहिचान दिने यस कार्यक्रममा उपस्थित भई कार्यक्रम सफल बनाउन सहयोग पुर्‍याउने सबैलाई धन्यवाद दिँदै, प्रमुख अतिथि महावाणिज्य दूत प्रेम राजा महतको प्रस्तावलाई कार्यसमितिमा राखी पास गराउने प्रतिबद्धता जनाए ।

त्यसै गरी कार्यक्रममा शुभकामना मन्तव्य दिनेहरूमा पर्यटन दूत साबु गदाल, ग्लोबल भुटनिज कम्यूनिटी अफ कोलोराडोका अध्यक्ष सोम बराल, एनआरएन कोलोराडो च्याप्टरका उपाध्यक्ष कुमारजंग कार्की, अन्तर्राष्ट्रिय साहित्य समाज कोलोराडो च्याप्टरका अध्यक्ष कृष्ण मुरारी ढुङ्गेल थिए ।


नगर परिक्रमा पछि प्रमुख अतिथि प्रेमराजा महतले “जुनदेशमा गए पनि हामी नेपाली जुन देशमा रहे पनि हामी नेपाली” भन्ने देश भक्ति गीत गाएका थिए । त्यस्तै भुटनिज समुदायका भाइबहिनीहरू अल्बिना राई, श्रीजना न्यौपाने, देछेन डुकपा, पवन राई, किरण राई, निमेष सुब्बाले नेपाली चलचित्र “कमलेको बिहेको” टकन टुकन गीतमा सुन्दर नृत्य प्रस्तुत गरेका थिए भने कार्यक्रमको सञ्चालन विनय दाहालले गरेका थिए ।

कोलोराडो स्थित बोल्डर सिटी एन्ड काउन्टिको कार्यालयले सन् २००४ देखि हरेक वर्ष अप्रिल महिनाको तेस्रो आइतबार नेपालीहरूको नयाँ वर्षको उपलक्ष्यमा “नेपाल डे परेड” हुनेछ भन्ने औपचारिक घोषणा गरेपछि “नेपाल डे परेड ”कार्यक्रम आयोजना गर्न थालिएको हो ।
(तश्वीर सौजन्य: शैलेश पोखरेल)

८ बैशाख २०७६, आईतवार ०५:२९ मा प्रकाशित

प्रतिकृया दिनुहोस

Email Subscription

विशेष

सबै

मालेका महासचिव मैनालीको दुर्घटनबारे छानबिन गर्न कार्यदल

काठमाडौँ, १६ फाल्गुण । नेकपा (माले)ले पार्टी महासचिव सिपी मैनाली सवार कार दुर्घटनाबारे छानविन गर्न कार्यदल बनाएको छ । शुक्रबार..

अडियो बाहिर ल्याउने मिश्रविरुद्द बाँस्कोटाले हाले मुद्दा

काठमाडौँ, १६ फाल्गुण । निर्वतमान सञ्चार तथा सूचना प्रविधिमन्त्री गोकुल बाँस्कोटाले आफूले कमिसन माग गरेको अडियो..

प्रचण्ड भन्छन्, ‘राष्ट्रिय सभामा वामदेव, अर्थमन्त्रीमा खतिवडाकै निरन्तरता’

चितवन, १६ फाल्गुण । सत्तारुढ नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले..

पूर्वराज्यमन्त्री साहलाई ४ वर्ष कैद सजाय

धनुषा, १६ फाल्गुण । पूर्वराज्यमन्त्री सञ्जयकुमार साहविरुद्ध विशेष अदालतले अन्तिम फैसला सुनाएको छ । अदालतले साह..

मालेका महासचिव मैनाली सवार कार दुर्घटना

बर्दिबास, १५ फाल्गुण । नेकपा (माले)का महासचिव सीपी मैनाली चढेको गाडी दुर्घटनामा परेको छ । बिहीबार दिउँसो झापाबाट..