साहित्यकार सम्राट उपाध्याय काठमाडौँमा

तीर्थ भटृराई, काठमाडौँ, पुस ५ । अमेरिकामा रही अङ्ग्रेजी भाषामा कलम चलाउनु हुने साहित्यकार सम्राट उपाध्यायले आज यहाँ विद्यार्थीलाई साहित्य सृजनाका शीपबारे प्रवचन दिनुभयो ।

अमेरिकाको इण्डियानास्थित इण्डियाना युनिभर्सिटीमा प्राध्यापन गर्नुहुने साहित्यकार उपाध्याय हाल नेपालको भ्रमणमा हुनुहुन्छ ।

गोदावरी एलुम्नाई एशोसिएशनको आयोजनामा यहाँ भएको कार्यक्रममा उहाँले पूर्वज्याभेरियनका नाताले सेन्ट जेभियर्स र सेन्ट मेरिज स्कूलका विद्यार्थीलाई साहित्य सिर्जनाका आफ्ना अनुभव र शिक्षण गर्दाका अनुभवबारे प्रवचन दिनुभएको एलुम्नाईका अध्यक्ष भूअरुण मल्लले जानकारी दिनुभयो ।

यसबाट नयाँपुस्तालाई परम्परागतबाहेक नयाँ क्षेत्रमा पनि अघि बढ्न र सफल बन्न प्रेरणा मिल्ने उहाँले बताउनुभयो । नेपाली साहित्य के विश्व साहित्यको स्तरमा पुग्न सक्छ त ? भन्ने राससको प्रश्नमा साहित्यकार उपाध्यायले नेपाली साहित्यको आफ्नै सामथ्र्य र शैली भएको तर अङ्ग्रेजी अनुवाद नभैकन यही स्तरको भन्न नसकिने बताउनु हुँदै नेपाली साहित्यको अङ्ग्रेजी अनुवाद भने त्यति धेरै हुन नसकेको स्वीकार गर्नुभयो ।

आफूले पनि शुरुमा मोहन कोइरालाका केही कविता अनुवाद गरेको तर हाल भने आफ्नै मौलिक कृतिमा काम गरिरहेको बताउनुभयो । आफ्नो उद्देश्य नयाँपुस्तालाई आफ्ना अनुभव सुनाई श्रृजनशील लेखनलाई प्रभावकारी बनाउन सघाउने रहेको पनि उहाँले बताउनुभयो ।

उपाध्यायले लेख्नु भएको कथा कृति ‘अरेस्टिङ गड इन काठमाण्डु’ले सन् २००१ मा अमेरिकाको ह्वाइटिङ अवार्ड प्राप्त गर्न सफल भएको जानकारी दिनुभयो । उहाँको कथा सङ्ग्रह ‘रोयल गस्ट’ले सन् २००६ मा एशियन अमेरिकन लिटररी अवार्ड पाएको थियो ।

उहाँका अन्य कृतिहरु ‘गुरु अफ लभ’, ‘वुद्घज अर्फन्स’ र ‘द सिटी सन’ उपन्यास तथा ‘म्याड कन्ट्री’ (कथासङ्ग्रह) रहेका छन् ।

अङ्ग्रेजी साहित्यमा कलम चलाउने नेपाली कमै भएको बताउँदै उहाँले तर हालैका दिनमा प्रवीण अधिकारी, रवि थापा लगायतका युवाले अङ्ग्रेजीमा लेख्नुभएका कृति बजारमा आउन थालेका जानकारी दिनुभयो । पछिल्ला दिनमा नेपालीबाट अङ्ग्रेजीमा अनुवाद पनि बढ्दै गएकाले नेपाली साहित्यले पहिचान पाउँदै जाने उहाँले बताउनुभयो ।

एजुकेशनल बुक हाउस, जमलका रमण राउतले अङ्ग्रेजी साहित्यमा कलम चलाउने साहित्यकारको सङ्ख्या बढ्दै गएको र पछिल्ला दिनमा प्रणय राणा, श्रद्घा घले आदिका कृति पनि बजारमा आएका बताउनुभयो । उहाँले शुरुका दिनमा उपाध्यायको कृति ‘अरेस्टिङ गड इन काठमाण्डु’ले पनि काठमाडौँमा राम्रै बजार पाएको बताउनुभयो ।

६ पुष २०७५, शुक्रबार ०१:३७ मा प्रकाशित

प्रतिकृया दिनुहोस

विशेष

सबै

यो साता विदेशमा थप एक नेपालको निधन

लन्डन । विश्वव्यापी महामारी कोरोना भाइरस (कोभिड–१९) संक्रमणबाट यो साता विदेशमा थप एकजना नेपालीको ज्यान गएको छ । गैरआवासीय नेपाली..

कर्णाली सरकारले कोभिड सङ्क्रमितको निःशुल्क उपचार गर्ने

काठमाडौं । कर्णाली प्रदेश सरकारले कोभिड –१९ का लक्षणसहितका बिरामीको निःशुल्क परीक्षण तथा उपचार गर्ने भएको छ ।..

घटस्थापनापछि सात दिनमा दुई लाख बढीले छाडे उपत्यका

काठमाडौं । घटस्थापनापछि सात दिनमा दुई लाख बढीले उपत्यका छोडेका छन् । महानगरीय ट्राफिक प्रहरी महाशाखाका अनुसार..

प्रधानमन्त्री केपी शर्मा ओलीद्वारा राष्ट्रको नाममा सम्बोधन (पूर्णपाठसहित)

आदरणीय दिदीबहिनी तथा दाजुभाइहरू, नेपालीहरुको ठूलो चाड, बडादशैं शुरु भइसकेको छ। यस महान् अवसरमा सर्वप्रथम म..

गोरखाबाट हनुमानढोका दरबारका लागि पठाइयो फूलपाती

गोरखा दरबारस्थित दशैँघरबाट काठमाडौँको हनुमानढोका दरबारका लागि फूलपातीसहितको डोली पठाइएको छ । विधिपूर्वक..