मिथिलाञ्चलका देवी शक्तिपीठमा दुर्गा माताको खोइछ भर्दै

धनवीर महतो, महोत्तरी, ३० असोज । मिथिलाञ्चलका विभिन्न देवी भगवतीको शक्तिपीठमा आजदेखि खोइछ भर्ने (एक विशेष प्रकारका पूजा) काम शुरु भइरहेको छ ।

आज यहाँका विभिन्न देवी शक्तिपीठ एवं दुर्गाको प्रतिमा स्थापित भएको मन्दिरमा खोइछ भर्ने कार्य शुरु भएको छ । दशैँको साताँै दिन अर्थात् सप्तमी तिथिका दिन फूलपातीको विधि सम्पन्न भएपछि भाकल पूरा भएका महिलाले विभिन्न प्रकारका शृङ्गारका सामान, फलफूल, नौवैद्य, चुनरीलगायतका पूजा सामग्री राखी खोइच भर्ने गरिन्छ । खोइछ भर्ने कार्यको शुभारम्भ भएपछि मिथिलाञ्चलका देवीको शक्तिपीठमा अहिले भीड लागेको छ ।

“म विगत दुई वर्षदेखि माताको खोइछ भर्ने कार्य गर्दै आएको छु तर यहाँ आएका महिला भने वर्षौंदेखि खोइछ भर्दै आएको गौशाला नगरपालिकाकी अनिता चौधरीले बताउनुभयो । खोइछ भर्नुभन्दा एक दिन अगाडि नुहाएर खाइन्छ भने सप्तमी तिथिको दिन माताको खोइछ नभरुञ्जेलसम्म उपवास बस्नुपर्ने नियम रहेको छ, चौधरीले भन्नुभयो । माताको खोइछ भरिसकेपछि कति व्रतालु महिलाले खाना खान्छन् भने कतिले फलफूल खाएर मात्र बस्ने गरेको अर्के व्रतालु महिला सीता महतोले बताउनुभयो ।

मिथिलाञ्चलमा नवविवाहिता महिलालाई माइतीबाट बिदाइ गर्ने क्रममा आफ्ना्े कूलदेवतालगायत सम्पूर्ण परिवारको आशिर्वाद स्वरुप खोइछ दिइने परम्परा छ । सोहीअनुसार नै माता दुर्गा भवानीलाई पनि आज भाकल पूरा भएका विवाहित महिलाले खोइछभरी माताको आशिर्वाद आफ्नो सम्पूर्ण परिवारमाथि रहिरहोस् भन्ने कामना स्वरुप खोइछ भर्ने परम्परा छ ।

प्रत्येक वर्ष बडादशैँको सप्तमी तिथिका दिन मिथिलाञ्चलका हरेक शक्तिपीठ तथा माता दुर्गाको प्रतिमा स्थापित रहेको दुर्गाको प्रतिमामा आँखाको नानी थपिएपछि खोइछ भर्ने विधि शुरु भएको जानकारवालाले बताउँछन् ।

भाकल एवं मनोकांक्षा पूरा भएपछि श्रद्धालु भक्तजनले माताको खोइछ भर्ने गरिन्छ । यस पटकको खोइछ भर्ने कार्य बडादशैँको सप्तमी तिथिदेखि शुरु भई अष्ठमी तिथिसम्म जारी रहने छ । रासस

३० आश्विन २०७५, मंगलवार २१:१५ मा प्रकाशित

प्रतिकृया दिनुहोस

Email Subscription

विशेष

सबै

राष्ट्रिय सदस्य प्रधानमन्त्री बन्न सक्ने गरी संविधान संशोधनको तयारी

काठमाडौँ, ११ फाल्गुण । सत्तारूढ दल नेकपाले राष्ट्रियसभा सदस्य प्रधानमन्त्री बन्न मिल्ने गरी संविधान संशोधनको गृहकार्य गर्न कमिटी..

काँग्रेसको छाँया मन्त्रिपरिषदको पहिलो बैठक बस्यो, के के भए निर्णय ?

काठमाडौँ, ११ फाल्गुण । नेपाली काँग्रेसले बनाएको छाँया मन्त्रिपरिषदको पहिलो बैठक बसेको छ । बैठकले सबै..

बालुवाटार जग्गा प्रकरणः ३४ जना प्रतिवादीका नाममा उपस्थित हुन म्याद जारी

काठमाडौँ, ११ फाल्गुण । विशेष अदालतले बालुवाटारको सरकारी जग्गा हिनामिना प्रकरणमा १७५ प्रतिवादीमध्ये ३४ जनालाई..

प्रचण्डले भने, ‘गल्ती गर्नेलाई पार्टीले छुट दिँदैन’

चितवन, १० फाल्गुण । सत्तारुढ नेपाल कम्युनिस्ट पार्टी (नेकपा) का अध्यक्ष पुष्पकमल दाहाल प्रचण्डले गल्ती गर्नेले..

महाशिवरात्रीमा पशुपतिः चारै ढोका खोलिए, लाखौ भक्तजनको लाइन

काठमाडौँ, ९ फाल्गुण । महाशिवरात्री पर्वका अवसरमा काठमाडौँको पशुपतिनाथ मन्दिरलमा भक्तजनको बिहानैदेखि भीड..