न्युयोर्कमा कवि कृसु क्षेत्रीको ‘चराको गीत’ लोकार्पण

मनोज रिजाल, न्युयोर्क । आधुनिक पुस्ताका चर्चित कवि कृसु क्षेत्रीको नवीनतम कृति ‘चराको गीत’ एक जीवन्त समारोहका बीच संयुक्त राज्य अमेरिकाको न्युयोर्क सहरमा अगस्ट २५, २०१८ (भाद्र ९, २०७४) मा लोकार्पण गरिएको छ ।
क्वीन्स्को ज्याक्सन हाइट्समा अवस्थित जुइस (यहुदी) सेन्टरमा आयोजना गरिएको उक्त कार्यक्रमको प्रमुख आतिथ्य अमेरिकाका लागि नेपाली राजदुत डा. अर्जुन कुमार कार्कीले गर्नु भएको थियो । उक्त समारोहलाई संबोधन गर्दै प्रमुख अतिथि डा. कार्कीले कृसु क्षेत्रीको नवीनतम कृतिले नेपाली वाङमयमा थप योगदान पु¥याएको बताउनु भयो ।
‘म आफैं एक कवि नभएता पनि कविता लेखनको नेपाली साहित्यमा के कति महत्व छ भन्ने तथ्य मैले बुझेको छु । यो कृतिले एक कुटनीतिज्ञको कवित्वलाई बाहिर ल्याएको छ र मैले पनि वहाँको कवित्वलाई बुझ्ने मौका पाएको छु,’ राजदुत डा. कार्कीले भन्नुभयो ।
यसैगरी, कवि कृसु क्षेत्रीले आफ्ना विभिन्न नियमित कार्यहरु छँदाछँदै पनि सबै कार्यहरु छाडेर यो कृतिलाई प्रकाशित गर्न आफु लागि परेको स्मरण सुनाउनु भयो ।
‘मैले साझा प्रकाशनलाई पुस्तक प्रकाशन संबन्धी प्रतिबद्धता व्यक्त गरेता पनि समयमै यस पुस्तकमा काम गर्न सकिरहेको थिइनँ । तर सबै काम छोडेर यसमै तल्लिन हुनु पर्ने अवस्था आयो । यस कार्यमा मलाइ सहयोग गर्नु हुने मेरो परिवार, सहकर्मी लगायत सम्पुर्ण मित्रजनहरुलाई हार्दिक कृतज्ञता व्यक्त गर्दछु,’ क्षेत्रीले भन्नुभयो ।
कवि क्षेत्रीले उक्त समारोहमा ‘चराको गीत’ मा समेटिएका आफ्ना केही कविताहरु समेत वाचन गर्नुभएको थियो । ती कविताहरुले परदेशमा नेपालीहरुको दशैं, भुईंचालो पछिको नेपाल र नेपालीको अवस्था, जीवनमा बुवा अनि आमाको महत्व लगायतका विषयहरु समेटेका थिए ।
उक्त कार्यक्रमको सभापतित्व जर्सी सिटीका मेयरका सल्लाहकार एवम् सामाजिक अभियन्ता डा. विष्णुमाया परियारले गर्नुभएको थियो । कार्यक्रमलाई संबोधन गर्दै डा. परियारले कृसु क्षेत्रीको कविता संग्रहले नेपाली साहित्यको उत्थान गर्न सबैलाई उत्प्रेरणा दिइरहने तथ्य बताउनुभयो ।
कार्यक्रमको संचालन युएसनेपाल अनलाइनका प्रधान सम्पादक प्रदीप परियार थापाले गर्नुभएको थियो । कार्यक्रमको लाइभ प्रसारण युएसनेपाल अनलाइन, इ–नेपालीज लगायतका मिडियाले गरेका थिए ।
कवि क्षेत्रीको ‘चराको गीत’ साझा प्रकाशनले २०७४ मा प्रकाशित गरेको हो, जसमा विलयन लेखनका समेत गरी ४२ वटा समसामयिक कविताहरु समेटिएका छन् । कवि क्षेत्रीले १० वर्षको अन्तरालमा आफ्नो दोस्रो कृति प्रकाशित गर्नुभएको हो ।

११ भाद्र २०७५, सोमबार ०५:५१ मा प्रकाशित

प्रतिकृया दिनुहोस

विशेष

सबै

अमेरिकामा एकै दिन थपिए ९१ हजार ५३ कोरोना संक्रमित

न्यूयोर्क । हिजो बिहीबार अमेरिकामा ९१ हजार ५० जना कोरोना भाइरसका संक्रमित थप भएका छन् । यो अहिलेसम्मकै संक्रमितको संख्या बढी हो ।..

मुकेश चौरसिया हत्याको किटानी जाहेरी दर्ता

पर्सा । पर्साको बिन्दाबासिनी गाँउपालिकाका नेकपा कार्यकर्ता मुकेश चौरसियाको हत्याको किटानी जाहेरी आज प्रहरीले..

चन्द समूहका कम्पनी कमिसारसहित दुई जना पक्राउ

काठमाडौं । नेत्रविक्रम चन्द समूहका कम्पनी कमिसारसहित दुई जनालाई मोरङ प्रहरीले पक्राउ गरेको छ । पक्राउ पर्नेमा..

चितवनमा सङ्कलित प्लाज्मा अन्य जिल्लामा

क्षेत्रीय रक्तसञ्चार केन्द्र भरतपुरले सङ्कलित कोभिड–१९ सङ्क्रमण भई निको भएकाका प्लाज्मा अन्य जिल्लामा पठाउन..

प्रहरीको गोलीबाट अश्वेत व्यक्तिको मृत्यु भएपछि अमेरिकाको फिलाडेल्फियामा तनाव

न्यूयोर्क । अमेरिकाको पेन्सिलभेनिया राज्यस्थित फिलाडेल्फिया शहरमा प्रहरीको गोली लागेर अश्वेत व्यक्तिको..