भाट कविज्यूहरुको संगठन अनेसासको अध्यक्षमा लेकाली निर्वाचित

सिसृक्षा ढकाल, लसएन्जलस, शुक्रबार, ८ भदौ ।  पहिलोपटक, डाएसपोरा बाहिरका तर मातृभूमि नेपालमा रहेर झन्डै चार दशक नेपाली भाषा र साहित्य सेवामा क्रियाशील राधेश्याम लेकाली आफ्ना निकटतम प्रतिद्वन्दी साहित्यकार गोबर्धन पूजालाई २११ मतको मतान्तरले पराजित गर्दै अन्तर्राष्ट्रिय नेपाली साहित्य समाज (अनेसास) को अध्यक्ष पदमा निर्वाचित भएका छन्। निर्वाचनको पुर्वसन्ध्यामा गालि-गलोज र भद्धा प्रचार शैलीमा उत्रिएका गोबर्धन पूजा भर्सेस राधेश्याम लेकाली समुह अन्तर्गतको अन्तिम चुनावी दौडमा अमेरिकी समय अनुसार शुक्रबार राती सार्वजनिक गरिएको मत परिणाम अनुसार राधेश्याम लेकाली अन्तर्राष्ट्रिय नेपाली साहित्य समाज (अनेसास) को अध्यक्ष पदमा निर्वाचित भएका हुन् ।

विवाद, कलह र गैर साहित्यिक व्यक्तिहरुको हालीमुहाली भएका कारण नेपाली डायस्पोराको भाषा र साहित्य प्रवद्धन गर्ने हेतुले गठन भएको अन्तर्राष्ट्रिय नेपाली साहित्य समाज (अनेसास) को १३ औं कार्यसमितिको बुधबार, बिहीबार र शुक्रबार गरि तीन दिन सम्म चलेको मतदान पछि सम्पन्न भएको निर्वाचनमा नेपाली डायस्पोराका विश्व चर्चित अनुहारहरु सम्राट उप्पाध्याय, मन्जुश्री थापा, नीलम कार्की ‘निहारिका’, जनार्जन पुडासैनी ‘राजव’ लगायतका अनवरत नेपाली भाषा साहित्यको सेवामा क्रियाशील हस्तीहरु भने यस अघि जस्तै सहभागी भएनन् ।

दुई बर्षे कार्यकालका लागि शुक्रबार सम्पन्न भएको निर्वाचनमा अमेरिका क्षेत्रको उपाध्यक्षमा स्वतन्त्र उम्मेदवार शान्तिराम ढकाल, महासचिव पदमा गोबर्धन पूजा समुहका गणेश घिमिरे अस्ट्रेलिया, सचिवमा लालगोपाल सुवेदी अमेरिका, सदस्यहरुमा सानु घिमिरे अष्ट्रेलिया, लक्ष्मी राई बेलायत र अग्नि प्रसाद पराजुली भारी मतको अन्तरले निर्वाचित भएका छन् ।

यस अघि बरिष्ठ उपाध्यक्ष पदमा प्रकाश पौडेल ‘माइला’, उपाध्यक्षहरु भीमसेन सापकोटा, निशा अर्याल, सुनिल संगम र कोषाध्यक्ष पदमा विकास विष्ट निर्विरोध निर्वाचित भैसकेका छन् ।

स्मरण रहोस नेपाली भाषा साहित्यको सेवामा क्रियाशील साहित्य सिर्जनामा स्थापित अनुहार भन्दा चन्दा, दानका आधारमा पुरस्कार र सम्मान बेच्दै आएको र मानव तस्करी समेत गर्दै आएको आरोप लागेको अन्तर्राष्ट्रिय नेपाली साहित्य समाज (अनेसास) को नवनिर्वाचित नेतृत्वले नेपाली डाएसपोराका विश्व चर्चित अनुहारहरु सम्राट उप्पाध्याय, मन्जुश्री थापा, नीलम कार्की ‘निहारिका’, जनार्जन पुडासैनी ‘राजव’ लगायतका अनवरत नेपाली भाषा साहित्यको सेवामा क्रियाशील हस्तीहरुलाई समेटेर अघि बढ्छ वा आरोप लागे जस्तै चन्दा, दानका आधारमा पुरस्कार र सम्मान बिक्रीको शिलशिला र मानव तस्करी अघि बढाउछ त्यसको लागि दुई बर्षे कार्यकाल कुर्नै पर्ने हुन्छ ।

९ भाद्र २०७५, शनिबार ११:१६ मा प्रकाशित

प्रतिकृया दिनुहोस

विशेष

सबै

अमेरिकामा एकै दिन थपिए ९१ हजार ५३ कोरोना संक्रमित

न्यूयोर्क । हिजो बिहीबार अमेरिकामा ९१ हजार ५० जना कोरोना भाइरसका संक्रमित थप भएका छन् । यो अहिलेसम्मकै संक्रमितको संख्या बढी हो ।..

मुकेश चौरसिया हत्याको किटानी जाहेरी दर्ता

पर्सा । पर्साको बिन्दाबासिनी गाँउपालिकाका नेकपा कार्यकर्ता मुकेश चौरसियाको हत्याको किटानी जाहेरी आज प्रहरीले..

चन्द समूहका कम्पनी कमिसारसहित दुई जना पक्राउ

काठमाडौं । नेत्रविक्रम चन्द समूहका कम्पनी कमिसारसहित दुई जनालाई मोरङ प्रहरीले पक्राउ गरेको छ । पक्राउ पर्नेमा..

चितवनमा सङ्कलित प्लाज्मा अन्य जिल्लामा

क्षेत्रीय रक्तसञ्चार केन्द्र भरतपुरले सङ्कलित कोभिड–१९ सङ्क्रमण भई निको भएकाका प्लाज्मा अन्य जिल्लामा पठाउन..

प्रहरीको गोलीबाट अश्वेत व्यक्तिको मृत्यु भएपछि अमेरिकाको फिलाडेल्फियामा तनाव

न्यूयोर्क । अमेरिकाको पेन्सिलभेनिया राज्यस्थित फिलाडेल्फिया शहरमा प्रहरीको गोली लागेर अश्वेत व्यक्तिको..