‘विभाजनको निम्तो’ -गोविन्दराज विनोदी

चुँडेर सयपत्री यो पात-पात थुतौँ अव
राष्ट्रभाव चुँडालेर जात-जात उठौँ अब ।

त्यो हाम्रो जातिको हैन त्यसलाई घृणा गरौँ
त्यो हाम्रो क्षेत्रको हैन दुर्भाव त्यसमा भरौँ ।
त्यो अर्कै राज्यको मान्छे बासै दिन हुँदैन है
अर्काको पथमा आई सासै लिन हुँदैन है ।।
थारुको गाउँमा कोही नपसोस अब बाहुन
क्षेत्री बाहुनको द्यौता हुदैन अरुले हुँदैन छुन ।
हाम्रो हिमालको पानी प्यून हुँदैन मधेशले
हाम्रो मधेशको अन्न खान हुन्न पहाडले ।।

हामी अगाडि जाँदैछौँ फर्कँदैनौँ पछिल्तिर
एक्काइसौँ शताब्दीको योहाम्रो गर्विलो शिर ।
काटियोस् बरू, झुक्दैनौँ अब हामी कसैसित
हुन्न उन्नति है हाम्रो नभई देश खण्डित ।।

छुट्टै राज्य थिए हाम्रा खण्ड खण्ड विभाजित
एक आपसमा हामी लड्थ्यौँ क्या मजासित ।
बनायो दुष्ट प्थ्वीले एउटै देश यो जब
नेपाली भावमा हामी वाध्य भै बाँधियौँ तब ।।

हट्यो त्यो वंश, हामी छौँ अति स्वाधीन यो घडी
गुमेका राज्य ती हाम्रा लिऔँ आपसमा लडी ।
फेरी बाँडिए-र्चौबिस राज्य कायम लौ गरौँ
विध्वंश – बिउ नेपाली मनका खेतमा छरौँ ।।

छन्दः अनुष्टूप
गोविन्दराज विनोदी, गैडाकोट, नवलपरासी ।

२ श्रावण २०६९, मंगलवार ०१:४० मा प्रकाशित

प्रतिकृया दिनुहोस

विशेष

सबै

नेकपा सचिवालय बैठक आज, दाहालले उठाएका प्रश्नको ओलीले जवाफ दिने

काठमाडौं । सत्तारुढ नेपाल कम्युनिष्ट पार्टी (नेकपा)को सचिवालय बैठक आज बस्दैछ । दिउँसो एक बजे बस्ने बैठकमा प्रधानमन्त्री एवं पार्टी..

म्याराडोनाको अन्त्येष्टी, विदाईमा भीड अत्याधिक हुँदा प्रहरीद्वारा अश्रु ग्यास र रबरको गोली प्रहार

ब्युनस आयर्स । विश्व फुटबलका महान खेलाडी डिएगो म्याराडोनाको अन्त्येष्टी गरिएको छ । एक निजी समारोहकाबीच..

स्वास्थ, विज्ञान, कूटनीति र अन्तर्राष्ट्रिय सम्बन्धबारे लण्डन दूतावासमा वेभिनार

लण्डन । लण्डनमा रहेको नेपाली राजदूतावासले बिहीवार ग्लास्गो क्यालेडोनियन विश्वविद्यालयसँगको सहकार्यमा..

राजतन्त्र र हिन्दु राष्ट्रको माग गर्दै रौतहटमा प्रदर्शन

रौतहट । राजतन्त्र र हिन्दु राष्ट्र कायम गर्न माग गर्दै नेपाल राष्ट्रवादी समूहले रौतहटमा प्रर्दशन गरेको छ ।..

‘छिट्टै विकासशील राष्ट्रमा उक्लिँदैछौँ’

काठमाडौँ । प्रधानमन्त्री केपी शर्मा ओलीले सङ्घीय, प्रदेश र स्थानीय तहका सरकार सबैको संयोजन, सहभागिता र..