विवाह भोजमा आत्मघाती आक्रमण, सांसदको मृत्यु


मजार–इ–सरिफ (अफगानिस्तान), असार ३० – अफगानिस्तानको उत्तरी भागमा एक आत्मघाती बम आक्रमणकारीले एक सांसदको छोरीको विवाह भोजमा आक्रमण गरी यी सांसदका साथै अन्य १२ व्यक्तिको हत्या गरेको जानकारी अधिकारीहरुले दिएका छन् ।

यी आक्रमणारीले पूर्व लडाकू कमान्डर र हाल सांसद अहमद खानलाई विवाहमा आएका अन्य अतिथिका सामु अङ्गालो हाली आफ्नो कमरमा बाँधिएको बम विस्फोट गराएको सुरक्षा समूहका एक प्रवक्ताले बताए ।

समानगन प्रान्तको केन्द्र अयबाकमा आयोजित उक्त भोजमा भएको आक्रमणमा मृत्यु भएकामध्ये स्थानीय गुप्तचर प्रमुख पनि परेको बताइएको छ । उक्त भोजमा अन्य उच्चपदस्थ सरकारी कर्मचारी पनि उपस्थित भएको बताइएको छ ।

स्थानीय उज्वेक जातिका खानले अफगानिस्तानमा दशकौँसम्मको द्वन्द्वमा भाग लिनुभएको थियो । उक्त आक्रमणका लागि तत्कालै कसैले पनि जिम्मेवारी लिएको छैन ।

समानगनको केन्द्रीय अस्पतालका चिकित्सक मनसोर फयजले १३ व्यक्तिको शव अस्पताल ल्याइएको तथा ६० व्यक्ति घाइते भएको जानकारी दिए । उनले मृतकमा सांसद अहमद खान तथा समानगनका गुप्तचर प्रमुख पनि परेको उल्लेख गरे ।

सुरक्षा सूहका प्रवक्ता लाल मोहम्मद अहमाद्जाइले मर्नेको सङ्ख्या २२ रहेको बताए । उनले अन्य १०० भन्दा बढी घाइते भएको उल्लेख गरे ।

३० असार २०६९, शनिबार १८:२५ मा प्रकाशित

प्रतिकृया दिनुहोस

Email Subscription

विशेष

सबै

काठमाडौँमा कडाई, अत्यावश्यक बाहेकका सबै सेवा बन्द

काठमाडौँ, २४ साउन । कोरोना भाइरसको संक्रमण नियन्त्रण गर्न काठमाडौं उपत्यकामा आवतजावतमा कडाइ भएको छ । शुक्रबार उपत्यकाका ३ जिल्ला..

बुधबार दिउँसो काठमाडौँमा भूकम्प

काठमाडौँ, २१ साउन । बुधबार ४ः३० बजे काठमाडौँमा भूकम्पको धक्का महशुस भएको छ । राष्ट्रिय भूकम्प मापन केन्द्रले..

अख्तियारका १५ जनालाई कोरोना पुष्टि

काठमाडौँ, २० साउन । अख्तियार दुरुपयोग अनुसन्धान आयोगका १५३ कर्मचारीसहति १५ जनामा कोरोना भाइरसको संक्रमण पुष्टि..

काठमाडौँ उपत्यकामा ५१ सहित थप ४१८ जनामा कोरोना पुष्टि

काठमाडौँ, १९ साउन । सोमबार ४१८ जनामा कोरोना भाइरसका संक्रमित थपिएका छन् । स्वास्थ्य तथा जनसंख्या मन्त्रालयले..

सवारीमा फेरी जोर विजोर प्रणाली लागू गर्न स्वास्थ्य मन्त्रालयको प्रस्ताव

काठमाडौँ, १९ साउन । कोभिड–१९ संक्रमणको जोखिम पुनः बढेसँगै स्वास्थ्य तथा जनसंख्या मन्त्रालयले निजी तथा..