एनआरएनए आसन्न सम्मेलनसंगै नेतृत्वको चर्चा सुरु, अध्यक्षमा भट्टको उम्मेदवारी

सिसृक्षा ढकाल, काठमाडौँ, ३१ भदौ । गैरआवासीय नेपाली संघ (एनआरएनए)को २०१७-१९ कार्यकालका अनतर्गत अध्यक्ष पदका लागि संघका वर्तमान उपाध्यक्ष भवन भट्टले आफ्नो उम्मेदवारी सार्वजनिक गरेका छन् ।

आज काठमाडौँमा पत्रकारसम्मेलन आयोजना गरी भट्टले संघको अन्तर्राष्ट्रिय समन्वय परिषदको अध्यक्ष पदका लागि आफ्नो संघमा आफूले निर्वाह गरेको भूमिका र निरन्तरताका कारण स्वाभाविक भएको बताउदै आफूलाई निर्वाचित गराउन सम्पूर्ण गैर आवासिय नेपालीलाई आग्रह गरे ।

गैरआवासीय नेपाली संघ (एनआरएनए)को २०१७-१९ कार्यकालका अनतर्गत अध्यक्ष पदका लागि दावी गर्ने संघका अर्का उपाध्यक्ष कुमार पन्तले सहामती र सहकार्यको लागि भन्दै भट्टलाई समर्थन गर्ने बताएका छन् भने संघका अध्यक्ष शेष घलेकी पत्नी जमुना घले समेत अध्यक्ष पदमा उठ्ने चर्चाले यतिबेला नेपाली डाएसपोरा तातेको छ ।

यसैगरी संघको नेतृत्वमा काँग्रेस निकट प्रजातन्त्रवादीहरुको तर्फबाट समेत छुट्टै समूहको उम्मेदवारी आउने भएको छ ।

भट्टले आफ्नो उम्मेदवारी घोषणा आयोजना गरिएको पत्रकार सम्मेलनलाई संबोधन गर्ने क्रममा यसअघिको कार्यसमितिले ल्याएका राम्रा काममा निरन्तरता दिनका साथै वैदेशिक रोजगारी आपत्कालीन कोषलाई सदुपयोग गरी गैरआवासीय नेपाली संघमा आबद्ध वैदेशिक रोजगारीमा रहेका नेपालीको बीमा गर्ने, महिला फोरमलाई सशक्त बनाउने, ‘स्टर्टअप फन्ड’को व्यवस्था गर्ने, स्मार्ट एनआरएन बनाउनेलगायतका नयाँ कार्यक्रम ल्याउने प्रतिबद्धता व्यक्त गरे ।

भट्टले भने, ‘आफ्नो नेतृत्वमा एनआरएनलाई नेपालमा लगानी गर्ने वातावरण बनाउने, एनआरएनका समस्या समाधानका लागि आफूले सक्दो पहल गर्ने छु ।’

उनले आफू एनआरएनको स्थापना कालदेखि नै सक्रिय रहेको र यसको प्रभावकारिताका लागि आफूसँग धेरै राम्रा कार्यक्रम रहेकाले आफ्नो जित आवश्यक रहेको जिकिर गरे ।

३१ भाद्र २०७४, शनिबार १९:०८ मा प्रकाशित

प्रतिकृया दिनुहोस

विशेष

सबै

दशैँको टीका लगाउन हिँड्नेको चहलपहल कम

दुर्गापक्षको मुख्य दिन आज मान्यजनको हातबाट नवदुर्गाको प्रसादका रुपमा शुभ साइतको प्रतीक रातो टीका एवं समृद्धिको प्रतीक जमरा लगाउन..

राप्रपा अध्यक्ष थापा अस्पतालबाट डिस्चार्ज

काठमाडौं । राष्ट्रिय प्रजातन्त्र पार्टीका अध्यक्ष कमल थापा अस्पतालबाट डिस्चार्ज भएका छन् । कोरोना संक्रमण..

गैरआवासीय नेपाली नागरिकता ऐन छिट्टै पारित हुने

लन्डन । संघीय संसद्, कानून, न्याय तथा मानव अधिकार समितिका सभापति कृष्णभक्त पोख्रेलले नेपालको संविधान २०७२ मा..

यो साता विदेशमा थप एक नेपालको निधन

लन्डन । विश्वव्यापी महामारी कोरोना भाइरस (कोभिड–१९) संक्रमणबाट यो साता विदेशमा थप एकजना नेपालीको ज्यान गएको छ ।..

कर्णाली सरकारले कोभिड सङ्क्रमितको निःशुल्क उपचार गर्ने

काठमाडौं । कर्णाली प्रदेश सरकारले कोभिड –१९ का लक्षणसहितका बिरामीको निःशुल्क परीक्षण तथा उपचार गर्ने भएको छ ।..