चिकित्सा शिक्षा क्षेत्रको अनियमितता बिरुद्ध आन्दोलन गर्दै आएका डा. गोविन्द केसी ११औं पटक अनसनमा

सिसृक्षा ढकाल, काठमाडौँ, १० साउन । नेपालको चिकित्सा शिक्षा क्षेत्रमा भएको अनियमितता बिरुद्ध निरन्तर अहिंसात्मक आन्दोलन गर्दै आएका वरिष्ठ हाडजोर्नी विशेषज्ञ एवं प्रा.डा. गोविन्द केसीले सरकारले आफुसंग गरेको सम्झौता पुरा नगरेको भन्दै ११औं पटक अनसन सुरु गरेका छन् ।

डा. केसीले सरकारले आफूसँग गरेको सम्झौताअनुसार चिकित्सा शिक्षा ऐनको विधेयक संसदमा पुगेको एक वर्ष हुँदा पनि पारित नगरिएको भन्दै सोमबार शिक्षण अस्पताल हातामा पत्रकार सम्मेलन आयोजना गरि ११ औ पटक अनसन सुरु गरेको घोषणा गरेका हुन् ।

पत्रकार सम्मेलनमा डा. केसीले भने, ‘सम्झौता कार्यान्वयनका लागि ३१ असारको अल्टिमेटम दिए पनि सरकारले माग पूरा नगरेकाले अनशन बस्न बाध्य भएको हुँ ।’ उनले जोड दिएर भने, ‘सरकार र राजनीतिक दलले पटक पटक सहमति उल्लंघन गरेर गैरजिम्मेवारीपन प्रस्तुत गरेको र चिकित्सा शिक्षा ऐनको विधेयक संसदमा पुगेको एक वर्ष हुँदा पनि पारित नगरे पछि ११ औ पटक अनसन सुरु गर्न वाध्य भएको छु ।’

डा. केसीले नेपालको चिकित्सा शिक्षा क्षेत्र मेडिकल माफियाहरुको नियन्त्रणमा रहनु र सरकार उनीहरुकै इच्छा अनुरुप लाचार रुपले प्रस्तुत हुँदै आएको आरोप लगाउदै उनले भने, ‘मेडिकल माफियाहरुले मौका छोपेर विद्यार्थी भर्ना, सिट र शुल्क निर्धारणमा अनियमितता गरेर लुट मच्चाइरहेको र त्यसले तीन करोड नेपालीको स्वास्थ्य र ज्यानसमेत खतरामा पर्ने अवस्था सिर्जना भइरहेको छ । त्रिवि पदाधिकारीले विगतका सम्झौताबमोजिम आइओएमलाई थप स्वायत्तता दिनुको सट्टा अधिकारहरू खोसिएको छ ।’

१० श्रावण २०७४, मंगलवार ०४:४५ मा प्रकाशित

प्रतिकृया दिनुहोस

विशेष

सबै

दसैंमा ‘लकडाउन’ हुनसक्ने !

काठमाडौं । स्वास्थ्य तथा जनसंख्या मन्त्रालयले संक्रिय संक्रमितको संख्या २५ हजार नाघेमा फेरि लकडाउन गर्न सिफारिस गरेको छ..

साढे ९८ लाख वित्तीय अपराध गरेको अभियोगमा राईविरुद्ध मुद्दा दर्ता

काठमाडौँ । दुबईबाट साढे ९८ लाख रुपैयाँ नेपालमा रूपान्तरण गरी वित्तीय अपराध (सम्पत्ति शुद्धीकरण) गरेको अभियोगमा..

कोरोना सामान्य रोग होइन : क्याप्टेन विजय लामा

काठमाडौं । नेपाल एयरलाइन्सका वरिष्ठ क्याप्टेन विजय लामाले कोरोना संक्रमणलाई सामान्य रुपमा नलिन आग्रह सबैलाई..

राष्ट्रसङ्घलाई सुदृढ र सशक्त बहुपक्षीयताको केन्द्र बनाउनुपर्नेमा प्रधानमन्त्रीको जोड

काठमाडौं । प्रधानमन्त्री केपी शर्मा ओलीले विश्वले झेल्नुपरेका जटिल चुनौतीहरुको सामना गर्न संयुक्त..

कोरोना संक्रमणबाट नेपालमा थप १६ जनाको मृत्यु, ११५४ संक्रमित थपिए

काठमाडौँ । पछिल्लो २४ घण्टामा नेपालमा थप १ हजार १५४ जनामा कोरोना सङ्क्रमण पुष्टि भएको छ । योसँगै नेपालमा कोरोना..