‘सुनौला हजार दिन’को शुभारम्भ

काठमाडौँ, ९ वैशाख । सरकारले महिला तथा बालबालिकाको पोषण स्थितिमा सुधार ल्याउन ‘सुनौला हजार दिन’ जनजागरण अभियानको शुभारम्भ गरेको छ ।

आज यहाँ आयोजित कार्यक्रममा स्वास्थ्यमन्त्री रामजनम चौधरीले अभियानको शुभारम्भ गर्नुभयो । सो अभियान नेपाल सरकार ९राष्ट्रिय योजना आयोग, स्वास्थ्य मन्त्रालय० युरोपेली सङ्घ र संयूक्त राष्ट्रसङ्घीय बालकोष ९युनिसेफ०को सहकार्यमा गर्न लागिएको हो ।

‘सुनौला हजार दिन’ भन्नाले महिला गर्भवती भएदेखि बच्चा दुई वर्ष हुदाँसम्मको अवधिलाई भनिएको हो । अभियानको शुभारम्भ गर्दै स्वास्थ्यमन्त्री चौधरीले अभियान नेपालका महिला, बालबालिका, किशोरकिशोरीका लागि फलदायी हुने विश्वास व्यक्त गर्नुभयो । उहाँले देश समृद्ध हुन गर्भवती , सुत्केरी आमा र बच्चाको स्याहार गर्नुपर्नेमा जोडदिनुभयो ।

उहाँले भन्नुभयो—‘‘सबै विषयगत मन्त्रालयले बहुक्षेत्रीय पोषण योजना अन्तर्गत सुनौला १००० दिनमा केन्द्रीत भई नीति तथा कार्यक्रम तर्जुमा र कार्यान्वयन गर्नुपर्छ ।’

राष्ट्रिय योजना आयोगका उपाध्यक्ष डा युवराज खतिवडाले पोषणमा लगानी मानव पुँजीमा लगानी भएको बताउदैँ दीगो विकासको लक्ष्य हासिल गर्नका लागि पनि पोषणमा सुधार ल्याउन आवश्यक रहेको उल्लेख गर्नुभयो ।
सरकारले मातृशिशु पोषण स्थितिमा सुधार ल्याउन बहुक्षेत्रीय पोषण योजना सुरु गरेको छ । अझै पनि आमा तथा बालबालिकाको मृत्युको मुख्य कारण कुपोषण भएकाले उक्त योजनाले आमा र बच्चाको पोषण स्थितिमा सुधार ल्याउने लक्ष्य राखेको छ ।

एक हजार दिनको अवधिमा उचित पोषणले महिला तथा बालबालिकाको स्वास्थ्य सुधार्न सकेमा रोगबाट हुने मानवीय र आर्थिक भारलाई घटाउनसक्ने पनि अपेक्षा राखिएको छ । नेपालमा ३७ प्रतिशत बालबालिका दीर्घकालीन कुपोषण पुड्कोपन ० बाट पीडित छन्, जसको असर अपरिर्वतनीय र दीर्घकालीन हुन्छ ।

व्यवस्थापिका संसद, महिला, बालबालिका ज्येष्ठ नागरिक तथा समाजकल्याण समितिका सभापति रञ्जुकुमारी झाले सुनौला हजार दिन जनजागरण अभियानले भोक, रोग, अशिक्षा र गरिबीको कारण व्याप्त कुपोषणको समस्या हल गर्न व्यवस्थापिका संसदका सबै समिति र सरोकारवाला मन्त्रालय समन्वयात्मक रुपमा अघि बढ्नुपर्ने बताउनुभयो ।
युरोपेली सङ्घका नेपाल प्रतिनिधि रेन्सजी टेरिङकले पोषण बहुआयामिक विषय भएकाले यसका लागि पनि बहुक्षेत्रीय पहल गर्न आवश्यक पर्ने बताउनुभयो । उहाँले भन्नुभयो—‘‘ यो अभियानले मातृशिशु तथा बालबालिकाको पोषण अवस्थामा सुधार ल्याउने विश्वास लिएको छु ।’’
युनिसेफका नेपाल प्रतिनिधि टोमो होजुमीले १००० दिनको संवेदनशील समयमा उचित पोषण र हेरचाह गर्दा बालबालिकाको शारीरिक तथा मानसिक क्षमतामा गहिरो प्रभाव पार्ने उल्लेख गर्नुभयो । सोही अवसरमा नेपाली क्रिकेट टिमका कप्तान पारस खड्कालाई पोषण, खाद्य सुरक्षा तथा सुनौला हजार दिन जनजागरण राष्ट्रिय अभियानका लागि राष्ट्रिय सद्भावना दूत घोषणा गरियो ।

नवघोषित सद्भावना दूत खड्काले आफ्ना घरपरिवारका गर्भवती महिला, सुत्केरी आमा तथा बालबालिकाको उचित हेरचाह, पोषिला खाना तथा सरसफाइमा ध्यान दिन सबै पुरुषलाई आग्रह गर्नुभयो । रासस

९ बैशाख २०७३, बिहीबार २०:३९ मा प्रकाशित

प्रतिकृया दिनुहोस

विशेष

सबै

जवान कुटपीटको छानवीन गर्न ‘कोर्ट अफ इन्क्वाइरी’ गठन

काठमाडौँ । नेपाली सेनाका जवानलाई यूएन शान्ति मिसनमा कुटपीट भएको तस्वीर सामाजिक सञ्जालमा भाइरले भएपछि सैनिक जंगी अड्डाले छानवीन..

६५ देशका राष्ट्रगान गाउने नेपाली

कोरोना महाव्याधि नभएको भए यतिबेला गायक रामजी नेपाली देशदेशावर यात्रारत हुनुहुन्थ्यो । चीनको वुहानबाट कोरोना..

कोरोना संक्रमणबाट झण्डै २० लाख मानिसको मृत्यु हुन सक्छ : डब्लुएचओ

जुरिच । विश्व स्वास्थ्य संगठन ‘डब्लूएचओ’ले कोरोना भाइरसको संक्रमणका कारण झण्डै बीस लाख मानिसको मृत्यु..

लोक सेवा आयोगका स्थगित परीक्षा कात्तिकदेखि सुरू हुने

काठमाडौं । कोरोना संक्रमणका कारण स्थगित भएका परीक्षा लोक सेवा आयोगले आगामी महिनादेखि सुचारु गर्ने भएको छ..

कोरियाले इपिएस नियममा सुधार ल्याउँदै

काठमाडौं । दक्षिण कोरियाले इपिएस कानूनमा परिवर्तन गर्ने तयारीसाथ हालको नियममा भएका केही बुँदालाई संशोधनका..