श्रीपशुपतिनाथ फाउन्डेशन यू. एस. ए. मन्दिरको लागि घर लिदैं

गोकुल ढकाल, लस एन्जलस । गत बर्ष ठीक यसैबेला जुलाई चार तारिखमा सम्पन्न श्रीमद्-भागवत महापुराणमा १ मिलियन डलर भन्दा बढी रकम संकलन गर्न सफल श्री पशुपतिनाथ फाउण्डेशन, यु एस ए, लस एन्जलसले आफ्नो उद्धेश्य नेपाली सामुदायिक केन्द्र, आरध्यदेब भगवान् पशुपतिनाथको मन्दिर र बुद्ध स्तुपा निर्माणको लक्ष्य बमोजिम एक बर्षको छोटो अबधिमै मन्दिर लगायत सामुदायिक केन्द्र स्थापनाको लागि ग्रेटर लस एन्जलस क्षेत्रको मुटु नर्वाल्क नगरमा बिक्रिमा रहेको चर्च खरिद गरी सम्भवत परदेशमा आफ्नै हकमा सम्पत्ति माताहत हुने गरि मन्दिर निर्माणको प्रक्रिया लगभग समाप्त गरेको छ ।

बिगत केही महिना देखि चर्चामा रहेको ‘प्रोपर्टि’ खरिद प्रक्रियानुसार स्थान हेरिरहने क्रममा फाउण्डेशनको बैठकले निर्णय गरे बमोजिम योग्य, पायक र उपयुक्त ठहर गरेको नर्वाल्क नगरको १०८४३ केन्नी सडक, क्यालिफोर्निया, ९०६५० जिप कोड ठेगानामा बिक्रिमा रहेको चर्च खरिद गरिन सकिने र यस क्षेत्रमा बसोबास गर्ने नेपाली समुदायलाई सार्वजनिक जानकारी र राय संकलनको लागि आज फाउण्देशन्द्दारा आयोजना गरिएको कार्यक्रममा उक्त जानकारी गराइएको हो । बिक्रिमा रहेको सोही चर्चमा आयोजित कार्यक्रममा नेपाली संस्कृति र परम्परा, धर्म र भेषभुषा एबम सम्बन्ध र एकताको सामुदायिक बलले, महापुराणमा हर तरहले सहयोग गरेका नेपाली समुदायका सदस्यको सदाशयताले अब छिट्टै लस एन्जलसमा सामुदायिक केन्द्र र मन्दिर निर्माण हुने कुरा जनाइएको छ ।

फाउन्डेशनका अध्यक्ष भक्त थापाको सभापतित्वमा सम्पन्न कार्यक्रममा करिब १५ लाख डलर खर्च लाग्ने अनि फाउन्डेशनसंग कबोल गरिएका रकम मध्यबाट करिब पांच लाख डलर बैंक खातामा जम्मा भैसकेको जनाइएको छ । कार्यक्रममा आर्थिक बिवरण प्रस्तुत गर्दै फाउण्डेशनका कोषाध्यक्ष पुन्नाखर ऋशी ढकालले संकलित रकम दाताहरुले पुरै चुक्ता गरेका नामावली र मन्दिर स्थापनाका लागि तत्काल सहयोग गर्ने बचन दिएका दाता र शुभेच्छुकहरूको फेहरिस्त र आगामी दिनमा फाउन्डेशनले संचालन गर्ने आर्थिक कार्यपत्र प्रस्तुत गर्नु भएको थियो ।
यथेशष्ठ पार्किङ्ग, ३०० जना सहभागी क्षमता रहेको हल, किचन, बाल-क्रिडास्थल, द्रुत सडकहरूको बिचमा अबस्थित स्थल, यस क्षेत्रका बासिन्दाहरूलाई पायक पर्ने ठाउं, भरपुग मत्राका कोठाहरु, नेपाली पहिचान झल्काउन हरेक तरहले राखिन सकिने ठाउं रहेकोले फाउन्डेशन यहि ‘प्रोपर्टी’ खरिद गर्ने लगभग निर्णयमा पुगेको जनाइएको छ ।

फाउन्डेशनका महासचिब प्रेम गुरागाइंद्दारा संचालित कार्यक्रममा यस क्षेत्रमा सक्रिय सम्पूर्ण संस्थाका प्रमुख तथा पदाधिकारीहरू, स्थानिय र शुभ चिन्तकहरूको उपस्थिती रहेको थियो ।

 

 

 

१९ असार २०६९, मंगलवार २०:०३ मा प्रकाशित

प्रतिकृया दिनुहोस

विशेष

सबै

चन्द्रमामा मानव जीवनको सम्भावनातर्फ नयाँ खुट्किलो : नासा

न्यूयोर्क । अमेरिकी अन्तरिक्ष एजेन्सी नासाले चन्द्रमाको सतहमा पानी रहेको पुष्टि गरेको छ । पानीको केमिकल कम्पाउण्ड पाइनु त्यहाँ..

दशैँको टीका लगाउन हिँड्नेको चहलपहल कम

दुर्गापक्षको मुख्य दिन आज मान्यजनको हातबाट नवदुर्गाको प्रसादका रुपमा शुभ साइतको प्रतीक रातो टीका एवं..

राप्रपा अध्यक्ष थापा अस्पतालबाट डिस्चार्ज

काठमाडौं । राष्ट्रिय प्रजातन्त्र पार्टीका अध्यक्ष कमल थापा अस्पतालबाट डिस्चार्ज भएका छन् । कोरोना संक्रमण..

गैरआवासीय नेपाली नागरिकता ऐन छिट्टै पारित हुने

लन्डन । संघीय संसद्, कानून, न्याय तथा मानव अधिकार समितिका सभापति कृष्णभक्त पोख्रेलले नेपालको संविधान २०७२ मा..

यो साता विदेशमा थप एक नेपालको निधन

लन्डन । विश्वव्यापी महामारी कोरोना भाइरस (कोभिड–१९) संक्रमणबाट यो साता विदेशमा थप एकजना नेपालीको ज्यान गएको छ ।..