पूर्वी अमेरिकाको हिमआँधीमा २५ जनाको मृत्यु

वासिङ्टन, ११ माघ, (एएफपी) । पूर्वी अमेरिकामा हिमआँधीमा मृत्यु हुनेको सङ्ख्या २५ पुगेको समाचार छ । शुक्रबारदेखि सुरु भएको हिमआँधीका कारण आइतबार रातिसम्म मृत्यु हुनेको सङ्ख्या २५ पुगेको बताइएको छ ।
आँधीका कारण उक्त क्षेत्रका सरकारी कार्यालयहरु आइतबार पनि खुल्न नसकेका देखिएको छ । हिउँले ढाकेपछि बाटो र बस्तीमा ठूलो असर परेको छ ।
यसबाट कैयौं राज्य प्रभावित भएका छन् । प्रभावित राज्यहरुमा २६ इन्चसम्म हिउँ जमेको पाइएको छ । न्युयोर्कमा पनि भारी हिमपात भएको छ । त्यहाँका सरकारी कार्यालय एवम् बस्तीहरु पनि नराम्ररी प्रभावित भएका छन् ।
सो क्षेत्रमा बसोबास गर्ने करोडौं मानिस प्रभावित भएको ‘नेसनल वेदर सर्भिस’ ९एनडब्लुएस० ले जानकारी दिएको छ ।
मौसमविदहरुले यस शताब्दीकै ठूलो हिमपात भनेका छन् । हिमआँधीका कारण हजारौँ हवाई उडान सेवा अवरुद्ध भएका छन् भने उक्त क्षेत्रका सहरी इलाकामा सञ्चालित बस तथा रेल सेवा शुक्रबारदेखि सोमबार बिहानसम्मका लागि बन्द गरिएका छन् ।
अमेरिकाका मौसमविदहरुले सन् १९२२ यताकै ठूलो हिम आँधी हुने दाबी गरेका छन् । सन् १९२२ मा आएको हिम आँधीका कारण करिब २८ इन्चसम्म हिउँ जमेको र यसका कारण १०० जनाको मृत्यु भएको थियो ।
यस पटकको यो शक्तिशाली हिम आँधीका कारण कैयौँ दुर्घटना भएका छन् र यीमध्ये दुई ठाउँमा भएका घटनामा ठूलो क्षति पुगेको अधिकारीहरुको भनाई छ ।
हिमपातका कारण विशेषगरी अर्कान्सास, टेनिसी, केन्टुकी, उत्तरी क्यारेलिना, पश्चिमी भर्जिनियालगायत १८ राज्य प्रभावित भएका छन् । यहाँको मौसमसम्बन्धी समाचार सम्प्रेषण गर्ने टेलिभिजन प्रसारण च्यानलले उद्वारको कार्य जारी रहेको बताएको छ ।

हिमआँधीले समस्याग्रस्त अवस्था बनेको क्षेत्रमा सरकारले सङ्कटकालको घोषणा गरेको छ । विद्युतीय आपूर्ति एमव् टेलिफोन लाइनमा पनि समस्या उत्पन्न भएको बताइएको छ ।

उद्वारकर्ताहरुले प्रभावित नागरिकलाई सुरक्षित स्थानतर्फ लगिरहेको र उद्वारको कार्य सशक्त रुपमा भएको पनि सिएनएन टेलिभिजनले जनाएको छ ।

हिमपातका कारण एक अर्ब अमेरिकी डलरभन्दा बढीको क्षति भएको पनि प्रारम्भिक अनुमान गरिएको समाचारमा उल्लेख छ । तर हाल उद्वारको कार्यमात्र जारी रहेकोले यसबाट भएको क्षतिको पूरा विवरण भने आइसकेको छैन ।

११ माघ २०७२, सोमबार २३:१४ मा प्रकाशित

प्रतिकृया दिनुहोस

Email Subscription

विशेष

सबै

सरकारले गर्‍यो श्रष्टाहरुलाई सम्मान (नामसहित)

काठमाडौँ, २९ असार । सरकार विभिन्न विधाका स्रष्टाहरूलाई पुरस्कृत गरेको छ । संस्कृति, पर्यटन तथा नागरिक उड्डयन मन्त्रालयले आयोजना..

थप ३ नीजि प्रयोगशालालाई कोरोनाको पीसीआर परीक्षण गर्ने अनुमति

काठमाडौँ, २९ असार । सरकारले थप तीन निजी प्रयोगशालालाई कोरोना भाइरस (कोभिड–१९) को पिसिआर परीक्षण गर्न अनुमति दिएको..

सम्झना भानुको:२०७ औ भानुजयन्ती

नेपाली साहित्यका आदिकवि भानुभक्त आचार्यको २०७औँ जन्मजयन्ती कोरोनाका महामारीबिच आज देश तथा विदेशका विभिन्न..

पहिरोमा पुरिएर तनहुँमा २ जनाको मृत्यु, ५ वेपत्ता

तनहुँ, २९ असार । अविरल वर्षासँगै आएको पहिरोमा पुरिएर तनहुँको म्याग्दे गाउँपालिका र व्यास नगरपालिकामा दुई जनाको..

आइतबार विदेशबाट ८८४ नेपालीको उद्दार

काठमाडौँ, २८ असार । आइतबार विदेशबाट ८८४ नेपालीको उद्दार गरिएको छ । ३ वटा विमान कम्पनीका ६ उडानमार्फत ८८४ जना..