सन फ्रान्सिस्कोमा नेपाली अमेरिकनले मनाए यो बर्षको तमु ल्होछार

सनफ्रान्सिस्को । तमूहरुको पर्व प्र-ल्होछारको अवसरमा गत जनवरी २, शनिबार साँझ नर्देन क्यालिफोर्निया तमु समाजको आयोजनामा १२ औ तमु ल्होछार भव्यताका साथ सम्पन्न भयो । सँस्थाका अध्यक्ष राज कुमार गुरुङको अध्यक्षतामा सम्पन्न उक्त ल्होछार कार्यक्रममा मुख्य अथिति सँस्थाकी संस्थापक अध्यक्ष बिष्णु गुरुङ “एकता”, सँस्थाका पुर्व अध्यक्ष भुपेन्द्र गुरुङ, गम गुरुङ, जस गुरुङ तथा सँस्थाका सम्पूर्ण तमुहरु लगायत बे एरियाका संघ सँस्थाका पदाधिकारीहरुको साथमा संस्कृति प्रेमी व्यक्तिहरुको उपस्थितिले नेपाली बिचको माया सद्भाव र एकताको साथै आफ्नो संस्कृति प्रतिको माया र दायित्वको संदेशको साथमा यस ल्होछार कार्यक्रम संचालन भएको थियो ।

अतिथि कलाकार चर्चित लोकदोहोरी गायिका शिला आले र स्थानीय कलाकारहरुको बिचको दिहोरीको घमासानले दर्शकहरु दोहोरीमा गाउँदै नाँचेर भरपूर्ण मजा लिएका थिए । तमु कौडा, सोरठी त्यस्तै तामाङ्ग सेलो, राईकिरात नृत्य यसरी सम्पूर्ण मौलिक नृत्यहरुले नेपाली संस्कृतिको पहिचान ल्होछार कार्यक्रमले दिईरहेको थियो ।

सेल रोटी र अन्य नेपाली परिकारहरुको ब्यवस्था रहेको उक्त कार्यक्रममा प्राय जसो उपस्थित महिलाहरु तमु भेषभुषामा सजिएका थिए । मौलिक लोकदोहोरी, मौलिक नृत्यहरु, मौलिक भेषभुषा र मौलिक नेपाली परिकारले बिदेशी भूमीमा रहेर पनि आफ्नो देश र संस्कृतिको सम्मान र संरक्षण गर्न तमु ल्होछार कार्यक्रमले पुर्याएको योगदान अविस्मरणीय थियो ।

कार्यक्रम संचालन संगीता गुरुङ र हितमान गुरुङले गरेका थिए । औपचारिक कार्यक्रमको शुरुवात दिप प्रज्वलन र नेपाली तथा अमेरिकन राष्ट्रिय धुन बजाएर गरेका थिए । उक्त कार्यक्रममा आफ्नो मन्तब्य राख्दै सँस्थाका अध्यक्ष राज कुमार गुरुङले ल्होछारको परिचय दिदै कार्यक्रम सफल बनाउँन योगदान पुर्याउँनु हुनेहरुप्रति धन्यबाद ज्ञापन दिएका थिए । संस्थापक अध्यक्ष बिष्णु गुरुङ “एकता” ले तमु गीतबाट तमु संस्कृतिको झलक दिदै १२ औ ल्होछार सम्म सँस्थालाई आईपुग्न योगदान पुर्याउनु हुने सम्पूर्ण सँस्थापक टिम, पुर्व अध्यक्षहरु साथै सम्पूर्ण संस्कृति प्रेमीहरुप्रति आभार व्यक्त गरेकी थिइन् ।

त्यस्तै बे-एरियाका संघसँस्थाहरुको प्रतिनिधि गर्दै न्यान्सका अध्यक्ष तेज राईले ल्होछारको शुभकामना दिदै आफ्नो मौलिक संस्कृतिहरु प्रति गर्व रहेको कुरा बताए । अनौपचारिक कार्यक्रमको शुरुवात तमू ल्होछार उद्घाटन गीत अशिमाला गाएर गरेका थिए । त्यसपछि कलाकारहरुबाट साँस्कृतिक कार्यक्रम तथा सँस्थाका अध्यक्ष राज कुमार गुरुङ साथमा सँस्थाकी फस्टलेडी लक्ष्मी गुरुङद्वारा कलाकारहरुलाई प्रसंसा-पत्र र खादा प्रदानपछि सन्दिप बाबु चौधरीको डिजे ले सम्पुर्ण सहभागिताहरुलाई धित मरुन्जेल नचाएर भरपूर्ण मजोरंजन दिन सफल भयो ।

२४ पुष २०७२, शुक्रबार ००:३९ मा प्रकाशित

प्रतिकृया दिनुहोस

विशेष

सबै

हुम्लाको उत्तरी नाम्खा गाउँपालिका कोरोना मुक्त

हुम्लाको उत्तरी नाम्खा गाउँपालिका आइतबारदेखि कोरोना सङ्क्रमणमुक्त बनेको छ । आइतबार एन्टिजेन विधिबाट गरिएको कोरोना परीक्षणमा ४४..

ट्रान्सपरेन्सी इन्टरनेशनलको प्रतिवेदन सरकारद्वारा अस्वीकार

काठमाडौँ । ट्रान्सपरेन्सी इन्टरनेशनलको भ्रष्टाचारसम्बन्धी प्रतिवेदनलाई सरकारले अस्वीकार गरेको छ । यो..

चिनियाँ रक्षामन्त्री आज नेपाल आउँदै

काठमाडौं । चीनका पहिलो नम्बरका स्टेट काउन्सिलर एवं रक्षामन्त्री जनरल वेई फेङ औपचारिक भ्रमणमा आज काठमाडौं आउँदै..

प्रधानमन्त्रीद्वारा सचिवालयमा दाहालको जवाफी प्रस्ताव प्रस्तुत (पूर्णपाठसहित)

काठमाडौं । प्रधानमन्त्री एवं अध्यक्ष केपी शर्मा ओलीले आफूमाथि लगाएका आरोपबारे लिखित जवाफ दिनुभएको छ..

प्रधानमन्त्री ओलीको लिखित जवाफमा के छ ?

काठमाडौं । सत्तारुढ नेपाल कम्युनिष्ट पार्टी (नेकपा) सचिवालय बैठक सुरु भएको छ । सचिवालय बैठकका लागि..