अमेरीकामा एक नेपालीको हातमा राष्ट्रिय एवार्ड

नातिबाबु भट्ट, कोलोराडो, अमेरीका । नयाँ टेक्नोलोजी आविष्कार गरी व्यापार व्यवसायमा अमुल्य योगदान पुर्याए बापत अमेरिकामा एक नेपालीले राष्ट्रिय एवार्ड हातपार्न सफल भएका छन् ।

अथक परिश्रमबाट नेटवर्क सेक्यूरिटी सिष्टमको बिकास गरी त्यसको सफल परिक्षण पछि ‘आउट स्ट्न्डिक इप्लिमेन्ट टेक्नोलोजी’ एवार्ड नाम गरिएको उक्त एवार्ड कोलोराडो निवासी बासु भवानी दाहालले हात पार्न सफल भएका हुन ।

नयाँ प्रविधीले ग्रोसरी स्टोरहरुमा ग्राहाकले प्रयोग गर्ने कार्डको जानाकारी चुहावट रोकी चोरी नियन्त्रणमा गर्न, प्रयोग समय कम भई स्टोरहरुमा ग्रहाकको लाईन घटाउन समेत ठुलो सहयोग पुर्याएको बताईन्छ । यतीमात्र होईन नयाँ सिष्टम सुरु गरेपछी स्टोरहरुमा पर्ने धेरै समस्याहरु घटेको, समस्या परी हालेपनि समाधान गर्न धेरै सजिलो भएको बासुको दावी छ ।

अमेरीका स्थित एक राष्ट्रिय म्यागजिन सि एस न्यूजलेले बर्ष भरिको सर्भेक्षणबाट दाहालको प्रविधी उत्कृष्ट ठहर्याई उनलाई एवार्ड दिने निर्णय गरेको हो । अमेरीका भर लाखौंको संख्यामा रहेका 7-11, भलेरो, ब्रिटिस प्रेटोलीयम, कोनोको, भिसाकार्ड, भेरी फोन, माष्टरकार्ड जस्ता कम्पनीले प्रयोग गर्दै आएको प्रविधी भन्दा बासु दाहालले आविष्कार गरेको प्रविधी सुरक्षित र भरपर्दो भएको कारण उनलाई यो सम्मान प्रदान गरिएको सि एस न्यूजले जनाएको छ ।

सम्मान समारोहमा बासुले अमेरीका भरबाट आएका विभिन्न कम्पनीका प्रतिनिधीका अगाडी आफुले आविष्कार गरेको प्रविधी प्रस्तुत गर्दा सबै सहभागीहरुको समर्थनको ताली पाउनुको साथै सयौं अमेरीकी कम्पनीका प्रमुखहरुबाट स्याबासी पाएका थिए ।

एवार्ड प्राप्त गर्दाको क्षण सम्झदै बासु भन्छन्, “विशेष तरिकाबाट सिंगारिएको विशाल हलमा सयौं अमेरीकीहरुको अगाडी सम्मानित हुँदा शिर सगरमाथा जस्तो ठाडो र छाती समथर मैदान झैं फुकेको भान भएको थियो ।” तत्कालिन अवस्थामा आफु सपना हो वा विपना हो भनेर पटक पटक झस्केको उनी बताउछन् । सम्मान पछि धेरैले बधाई दिदै तिमी भारतिय हौ भनी सेधेका थिए । त्यस अवसरमा आफुले गर्वको साथ नेपालको नाम लिएको र नेपाललाई विश्वको सामु चिनाउने ठुलो अवशर पाएकोमा दाहाल गर्व गर्दछन् ।

सम्मान समारोहमा दाहाललाई सि एस न्यूजका इडिटरिङ्ग चिफ डन लम्बोले एवार्ड हस्तान्तरण गर्दै सम्मान गरेका थिए । सि एस न्यूजको एघारौं कन्फ्रेन्समा उनलाई सम्मान गरिएको हो । सि एस न्यूजले विगत एघार वर्ष देखी अमेरीका भर रहेका साना स्टोरमा स्योक्यूरिटी सिष्टममा प्रयोग गरिएका नयाँ प्रविधीहरुको मुल्याङ्कन गरी उत्कृष्ट ठहरिएको प्रविधीलाई एवार्ड प्रदान गर्दै आएको छ ।

के एण्ड जि कोनोको कम्पनीमा ईन्फरमेसन टेक्नोलोजी डेरेक्टरको रुपमा कार्यरत बासुलाई सुरुमा आफु आबद्ध कम्पनी सानो भएको कारण आफुले आविश्कार गरेको प्रविधीको के मुल्याङ्कन होला र जस्तो भान भएको थियो । नोमीनेसनमा मात्र आफ्नो नाम पर्दा उनले त्यसैलाई गर्व ठानेका थिए । अहिले आफुले आविष्कार गरेको सिष्टमको उच्च मुल्याङ्कन गर्दै लाखौं सञ्जाल भएका कम्पनीका अगाडी आफु सम्मानित हुनपाउदा त्यो खुसी व्यक्त गर्ने शब्द नै नभएको बासुको भनाई रहेको छ ।

चितवनको भण्डारामा जन्मेका बासु अध्यानको शिलशिलामा सन् १९९७ मा अमेरीका पसेका थिए । जन्मभूमी बसेर त्यती ठुलो प्रगती केही गर्न नसके पनि कर्मभुमीबाट विश्वको अगाडी गर्वका साथ मातृभूमीको नाम लिन पाउँदा ज्यादै खुसी लागेको उनले बताएका छन् ।

११ असार २०६९, सोमबार २३:१५ मा प्रकाशित

प्रतिकृया दिनुहोस

विशेष

सबै

चन्द्रमामा मानव जीवनको सम्भावनातर्फ नयाँ खुट्किलो : नासा

न्यूयोर्क । अमेरिकी अन्तरिक्ष एजेन्सी नासाले चन्द्रमाको सतहमा पानी रहेको पुष्टि गरेको छ । पानीको केमिकल कम्पाउण्ड पाइनु त्यहाँ..

दशैँको टीका लगाउन हिँड्नेको चहलपहल कम

दुर्गापक्षको मुख्य दिन आज मान्यजनको हातबाट नवदुर्गाको प्रसादका रुपमा शुभ साइतको प्रतीक रातो टीका एवं..

राप्रपा अध्यक्ष थापा अस्पतालबाट डिस्चार्ज

काठमाडौं । राष्ट्रिय प्रजातन्त्र पार्टीका अध्यक्ष कमल थापा अस्पतालबाट डिस्चार्ज भएका छन् । कोरोना संक्रमण..

गैरआवासीय नेपाली नागरिकता ऐन छिट्टै पारित हुने

लन्डन । संघीय संसद्, कानून, न्याय तथा मानव अधिकार समितिका सभापति कृष्णभक्त पोख्रेलले नेपालको संविधान २०७२ मा..

यो साता विदेशमा थप एक नेपालको निधन

लन्डन । विश्वव्यापी महामारी कोरोना भाइरस (कोभिड–१९) संक्रमणबाट यो साता विदेशमा थप एकजना नेपालीको ज्यान गएको छ ।..