दर्शन रौनियारसंग कनेक्टीकटमा साक्षात्कार सम्पन्न

घनश्याम खड्का, कनेक्टीक,अमेरिका । दर्शन रौनियार वासिङ्गटन स्टेट, सियाटलको क्षेत्र १ को कांग्रेसनल डिष्ट्रिक्टबाट अमेरिकी संसदको पदमा हुने निर्वाचनको उम्मेद्ववार हुनुहुन्छ । अमेरिकी राजनैतिक संस्कृति र व्यवहारबाट नीति र कार्यक्रम मार्फत जनजीवनमा सुधार आउने कुरा प्रति आम नागरिकको चासो हुने गर्दछ । अमेरीकामा आउने आम नेपालीले अमेरीकाको राजनीति र त्यहाँको संसद (कांग्रेस) सम्म पुग्ने सपना सायद देख्दैनन् । तर श्री रौनियारको उम्मेद्ववारीले अमेरीकामा बस्ने आम नेपालीहरुको मनोबल उच्च भएको मात्र नभई साझा प्रतिनिधित्व र एकताको प्रतिक स्थापना भएको छ । श्री दर्शन रौनियार एकजना त्यस्ता नेपाली हुन जसको योग्यता, क्षमता, विचार र दक्षतालाई आदीवासी अमेरिकी समेतले कदर गरेका छन् । जिवन, स्वतन्त्रता र सबैका लागि खुशी प्राप्ती भन्ने मुलमन्त्रका साथ पूर्वजहरुले सुरु गरेको अमेरिका निर्माणको अभियानमा अझैपनि धेरै कामहरु यो पुस्ताले आफ्नो र भावीपुस्ताका लागि गर्नुपर्नेछ ।

विविधतामा एकता र बहुसांस्कृतिक रहनसहनको धनी देश संयुक्त राज्य अमेरीकामा नेपालीहरुको आप्रवासनको ईतिहाँस लामो नहोला तर नेपाली संस्कृति, रहनसहन तथा चालचलन अमेरीका भित्रको नेपाली समुदायमा बेजोडरुपमा स्थापित छ । मर्यादित काम र सम्मानजनक बेतन, सुरक्षित कार्यस्थल, स्वास्थ्य बीमा, बेरोजगार बीमा, पर्याप्त रोजगारी अवसर निर्माणमा हामी सम्पूर्णको साझा चासो छ । हाम्रा सरोकारहरुलाई अब हामीले गफमा मात्रै सिमित गर्ने र हल्लाको खेतीमा रम्नुको सट्टा आउँ हामी सबै एक पटक कम्मर कसेर अमेरिकी संसदमा पाईला टेकौ ! नीति निर्माणमा हाम्रो प्रतिनिधित्व र उपस्थितिलाई सुनिश्चित गरौं !! भन्ने अभियानलाई ब्यवहारमा उतार्न गठित दर्शन रौनियार फण्डराईजिङ्घ कमिटी अफ कनेक्टीकट को आयोजनामा चुनावी अभियान स्वरुप श्री दर्शन रौनियारको निर्वाचित गराउने स्थितिलाई मजबुत गराउने प्रयत्न गर्दैं नैतिक एवं आर्थिक सहयोग गर्न जुन १०, २०१२ आईतवारका दिन हार्टफोर्ड कनेक्टीकटमा साक्षात्कार कार्यक्रम सम्पन्न भयो ।

करिब २०० जना नेपालीहरुको उपस्थितिमा सम्पन्न भएको उक्त साक्षात्कार कार्यक्रमको आयोजना, स्वस्फुर्त प्रतिवद्ध, उत्साहित र लगनशील व्यक्तिहरुको समुह रहेको “दर्शन रौनियार फण्डराईजिङ्घ कमिटी अफ कनेक्टीकट” ले अयोजना गरेको हो । श्री दर्शन रौनियारसंग साक्षातकार एवं निर्वाचन सम्बन्धमा विचार विमर्ष सहित सार्वजनिक भेलामा सहभागीहरुले छलफल गरे । समितिको यस प्रयासबाट श्री रौनियारलाई थप उर्जा प्राप्त भएको, छ थप हौसला मिलेको छ । मातृभूमिबाट टाढा कर्मभूमिमा हामा्रे एकताले नै हामीलाई प्रगति, उन्नती एवं साझा हित तर्फ उन्मुख गराउँछ ।

श्री दर्शन रौनियारका आगामी योजना, कार्यक्रम र घोषणाहरुको सार्वजनिकीकरणमा सहभागी हुँदै आफ्ना चासो र सरोकारहरुलाई प्रस्तुत गरिदिनुका साथै आर्थिक सहायता समेत उपलब्ध गराउनु भएकोमा श्री रौनियारले सबैलाई धन्यबाद दिनु भएको थियो । कनेन्टीकटको यस अभियानमा उक्त दिन US $4027 (Four Thousand and Twenty Seven only) बराबर रकम प्राप्त भएको र उक्त रकम श्री दर्शनरौनियारलाई हस्तान्त्रण गरिएको छ ।

३२ जेष्ठ २०६९, बिहीबार ०४:३७ मा प्रकाशित

प्रतिकृया दिनुहोस

विशेष

सबै

चन्द्रमामा मानव जीवनको सम्भावनातर्फ नयाँ खुट्किलो : नासा

न्यूयोर्क । अमेरिकी अन्तरिक्ष एजेन्सी नासाले चन्द्रमाको सतहमा पानी रहेको पुष्टि गरेको छ । पानीको केमिकल कम्पाउण्ड पाइनु त्यहाँ..

दशैँको टीका लगाउन हिँड्नेको चहलपहल कम

दुर्गापक्षको मुख्य दिन आज मान्यजनको हातबाट नवदुर्गाको प्रसादका रुपमा शुभ साइतको प्रतीक रातो टीका एवं..

राप्रपा अध्यक्ष थापा अस्पतालबाट डिस्चार्ज

काठमाडौं । राष्ट्रिय प्रजातन्त्र पार्टीका अध्यक्ष कमल थापा अस्पतालबाट डिस्चार्ज भएका छन् । कोरोना संक्रमण..

गैरआवासीय नेपाली नागरिकता ऐन छिट्टै पारित हुने

लन्डन । संघीय संसद्, कानून, न्याय तथा मानव अधिकार समितिका सभापति कृष्णभक्त पोख्रेलले नेपालको संविधान २०७२ मा..

यो साता विदेशमा थप एक नेपालको निधन

लन्डन । विश्वव्यापी महामारी कोरोना भाइरस (कोभिड–१९) संक्रमणबाट यो साता विदेशमा थप एकजना नेपालीको ज्यान गएको छ ।..