एनसेलको डाटा शुल्क कम हुँदै जाने

Ncellकाठमाडौं, १८ भदौ । एनसेलले प्याक खरिद नगरी इन्टरनेट प्रयोग गर्ने ग्राहकको सुविधाको लागि सुपरनेट नामक नयाँ योजना ल्याएको छ, जस अन्तर्गत ग्राहकले अब रु १ प्रति एमबीसम्मको दरमा डेटा प्रयोग गर्न सक्नेछन्।

सुपरनेट बुधबारबाट शुरु भई तीन महिनासम्म लागु हुनेछ। यसमा डेटा भोल्युमलाई ६ वटा ब्लकमा विभाजन गरिएको छ ; ग्राहकले जति डेटा प्रयोग गर्दै जानेछन् त्यहि अनुरुप स्वतः यी खुड्किला चढ्दै जानेछन् र प्रत्येक खुड्किलामा डेटाको मूल्य पहिलेको भन्दा घट्दै जाने एनसेलले विज्ञप्तीमा उल्लेख गरेको छ।

प्याक विना डाटा चलाउँदा, प्रत्येक एमबी डेटाको शुल्क रु ६ लाग्दै आएकोमा, अब सुपरनेटमा पहिलो १ एमबीमा मात्र सो दर लाग्नेछ। त्यसपछिको १ देखि २ एमबी डेटा प्रयोग गर्दा शुल्क घटेर रु ५ प्रति एमबी, २ देखि ३ एमबीको रु ४ प्रति एमबी, ३ देखि २० एमबीसम्मको रु ३ प्रति एमबी, २० देखि १०० एमबीसम्मको रु २ प्रति एमबी, १०० देखि २०० एमबीसम्मको १ रुपैयाँ ५० पैसा प्रति एमबी र २०० एमबी भन्दा बढी डेटा प्रयोग गरेमा रु १ प्रति एमबी लाग्नेछ।यी दरहरु कर बाहेक रहेको एनसेलले जनाएको छ । एनसेलका प्रिपेड ग्राहकले सुपरनेटमा सहभागी भई मुल्यमा लाभ लिन कम्पनीले जनाएको छ। ग्राहकले १७१०३ डायल गरि सुपरनेटमा निःशुल्क सहभागी हुन सक्नेछन्। डाटा प्रयोगको गणना गर्दा सुपरनेटमा सहभागी भएको दिनदेखि ३० दिनसम्म प्रयोग गरेकोे भल्युमलाई लिइने र ३० दिन पश्चात नयाँ गणना शुरु हुने कम्पनीले जनाएको छ ।

“प्याकमा हामीले ३० पैसा प्रति एमबि (कर वाहेक) सम्म डेटा उपलब्ध गराइरहेकोले हामी आफ्ना ग्राहकलाई प्याक लिएर नै डेटा चलाउन सल्लाह दिन्छौं । तैपनि कतिपय ग्राहकले प्याक विनै डेटा चलाउन रुचाउने हुनाले, हामीले सुपरनेट योजना ल्याएका हौं । यसले उनीहरुलाई विशेष लाभ प्रदान गर्ने विश्वास छ,” एनसेलकी कर्पोरेट कम्यूनिकेशन निर्देशक सञ्जु कोइरालाले भनिन् ।

१८ भाद्र २०७१, बुधबार २२:२४ मा प्रकाशित

प्रतिकृया दिनुहोस

विशेष

सबै

गैरआवासीय नेपाली नागरिकता ऐन छिट्टै पारित हुने

लन्डन । संघीय संसद्, कानून, न्याय तथा मानव अधिकार समितिका सभापति कृष्णभक्त पोख्रेलले नेपालको संविधान २०७२ मा उल्लेख गरिएअनुकूल..

यो साता विदेशमा थप एक नेपालको निधन

लन्डन । विश्वव्यापी महामारी कोरोना भाइरस (कोभिड–१९) संक्रमणबाट यो साता विदेशमा थप एकजना नेपालीको ज्यान गएको छ ।..

कर्णाली सरकारले कोभिड सङ्क्रमितको निःशुल्क उपचार गर्ने

काठमाडौं । कर्णाली प्रदेश सरकारले कोभिड –१९ का लक्षणसहितका बिरामीको निःशुल्क परीक्षण तथा उपचार गर्ने भएको छ ।..

घटस्थापनापछि सात दिनमा दुई लाख बढीले छाडे उपत्यका

काठमाडौं । घटस्थापनापछि सात दिनमा दुई लाख बढीले उपत्यका छोडेका छन् । महानगरीय ट्राफिक प्रहरी महाशाखाका अनुसार..

प्रधानमन्त्री केपी शर्मा ओलीद्वारा राष्ट्रको नाममा सम्बोधन (पूर्णपाठसहित)

आदरणीय दिदीबहिनी तथा दाजुभाइहरू, नेपालीहरुको ठूलो चाड, बडादशैं शुरु भइसकेको छ। यस महान् अवसरमा सर्वप्रथम म..