अर्जेन्टिना र नेदरल्यान्डस सेमिफाइनलमा

काठमाडौं, २२ असार । ब्राजिलमा जारी विश्वकप फुटबल प्रतियोगितामा अर्जेन्टिना र नेदरल्यान्डस सेमिफाइनलमा प्रवेश गरेका छन् ।

शनिबार राति र आज विहान भएका खेलहरूमा अर्जेन्टिना बेल्जियमलाई १–० गोलअन्तरले पराजित गर्दै सेमिफाइनलमा प्रवेश ग-यो भने नेदरल्यान्डसले कोस्टारिकालाई ‘टाइब्रेकर’मा ४–३ गोलअन्तरले पराजित गर्दै सेमिफाइनलमा आफनो स्थान सुरक्षित गरेको हो ।

यस जितसगैँ अर्जेन्टिना २४ वर्षको लामो यात्रापछि पहिलोपटक सेमिफाइनलको यात्रा तय गर्न सफल भयो । यसअघि सन् १९९० मा भएको विश्वकप प्रतियोगितामा सो टोली सेमिफाइनलमा पुगेको थियो ।

अर्जेन्टिनाले विश्वकपमा दुईपटक उपाधि हासिल गरिसकेको छ । सन् १९७८ र १९८६ मा भएको खेलमा उसले उपाधि हासिल गरेको हो ।

अर्जेन्टिनाको जितमा गोन्जालो हिग्वानी नायक बने । उनले खेलको आठौँ मिनेटमा गरेको गोल नै अर्जेन्टिनाका लागि निर्णायक गोल साबित बन्यो ।

खेलअवधिभर गोल फर्काउन निकै प्रयासरत बेल्जियम खेलको अन्तिम मिनेटसम्म गोल फर्काउन नसक्दा प्रतियोगिताबाट बाहिरिन बाध्य बन्यो । सो टोली २८ वर्षपछि पहिलोपटक क्वार्टरफाइनलमा प्रवेश गरेको थियो ।

यसैगरी नेदरल्यान्ड्स र कोस्टारिकाबीच भएको खेलको निर्धारित समयसम्म दुवै टोलीले गोल गर्न नसकेकपछि खेल अतिरिक्त समयमा धकेलिएको थियो । त्यसमा पनि दुवै टोलीबाट गोल नभएपछि खेल ‘टाइब्रेकर’मा पुग्यो ।

नेदरल्यान्डसको जितका लागि सब्स्टिच्युट गोलकिपर टिम क्रुलले दुई प्रहारलाई जोगाएपछि नेदरल्यान्डसको जित सुनिश्चित हुन पुगेको थियो ।

खेलको थप ३० मिनेटको अतिरिक्त समयको अन्तिम मिनेटमा जास्पर सिलेसनको सट्टामा मैदान प्रवेश गरेका क्रुलले कोस्टारिकाका कप्तान ब्रायन रुड्रज र माइकल उमानाको पेनाल्टी बललाई रोकेपछि नेदरल्यान्डसको जित सुनिश्चित भएको हो ।

नेदरल्यान्ड्सको जितमा रोबिन भान पर्सी, आर्जेन रोबेन, वेस्ली स्नाइडर र डक कुएटले पेनाल्टी सुटआउटमा गोल गरेका थिए ।

यस्तै कोस्टारिकाका लागि सेल्सो बोर्गेस, जियानकार्लो गोन्जालेज र क्रिस्टियन बोलानोसले गोल गरेका थिए । सन् २०१० मा भएको उन्नाइसौँ संस्करणको विश्वकप फाइनलमा नेदरल्यान्ड्स स्पेनसँग १–० गोलअन्तरले पराजित हुँदै उपविजेता बनेको थियो ।

२२ असार २०७१, आईतवार ०९:०२ मा प्रकाशित

प्रतिकृया दिनुहोस

विशेष

सबै

यो साता विदेशमा थप एक नेपालको निधन

लन्डन । विश्वव्यापी महामारी कोरोना भाइरस (कोभिड–१९) संक्रमणबाट यो साता विदेशमा थप एकजना नेपालीको ज्यान गएको छ । गैरआवासीय नेपाली..

कर्णाली सरकारले कोभिड सङ्क्रमितको निःशुल्क उपचार गर्ने

काठमाडौं । कर्णाली प्रदेश सरकारले कोभिड –१९ का लक्षणसहितका बिरामीको निःशुल्क परीक्षण तथा उपचार गर्ने भएको छ ।..

घटस्थापनापछि सात दिनमा दुई लाख बढीले छाडे उपत्यका

काठमाडौं । घटस्थापनापछि सात दिनमा दुई लाख बढीले उपत्यका छोडेका छन् । महानगरीय ट्राफिक प्रहरी महाशाखाका अनुसार..

प्रधानमन्त्री केपी शर्मा ओलीद्वारा राष्ट्रको नाममा सम्बोधन (पूर्णपाठसहित)

आदरणीय दिदीबहिनी तथा दाजुभाइहरू, नेपालीहरुको ठूलो चाड, बडादशैं शुरु भइसकेको छ। यस महान् अवसरमा सर्वप्रथम म..

गोरखाबाट हनुमानढोका दरबारका लागि पठाइयो फूलपाती

गोरखा दरबारस्थित दशैँघरबाट काठमाडौँको हनुमानढोका दरबारका लागि फूलपातीसहितको डोली पठाइएको छ । विधिपूर्वक..