रूस लेखक संघको लेर्मोन्तोभ पदक बाट नेपाली साहित्यकार विभूषित

कृष्ण प्रकाश श्रेष्ठ, मस्को । रूसमा आदिकवि भानुभक्त आचार्यको द्विशतवार्षिक समारोहमा भागलिन मस्को भर्मंमा रहनु भएका मदन पुरस्कार विजेता नेपालका लब्धप्रतिष्ठ साहित्यकारद्वय कृष्ण धरावासी र अमर न्यौपानेलाई रूस लेखक संघले रूसका विख्यातकवि एवं गद्यकार मिखाइल लेर्मोन्तोभको नाममा स्थापनागरिएको साहित्यिक सम्मान ‘लेमोन्तोभ पदक’ बाट विभूषित गरिएको छ । यसै साल रूसमा पनि भानुभक्तकै दौंतरी रूसी कविकोद्विशतवार्षिक समारोह भव्यताका साथ मनाइँदैछ ।

आदिकवि भानुभक्त आचार्य द्विशतवार्षिक समारोह समिति, रूस महासंघको अग्रसरतामा रूस लेखक संघ मास्को नगर संगठनको कार्यालयमा रूसी लेखक–कविहरूसंग नेपलीसाहित्यकारहरूको सद्भावना भेटघाटको कार्यक्रम राखिएको थियो । झण्डै ३ हजार सदस्यसंख्याभएको मास्को नगर संगठनका अध्यक्षप्रो. भ्लादीमिर गुसेभले नेपालकाअतिथि–साहित्यकारद्वयश्री कृष्ण धरावासीएवं श्री अमर न्यौपानेर उहाँलाई साथदिने हामी सबै नेपालीहरूको हार्दिक स्वागतगर्नुभयो ।

सद्भावना भेटघाटको अवसरमा रसियाली पक्षबाट रूस लेखक संघ मास्को नगर संगठनका कार्यकारी अध्यक्ष, कविभ्लादिमिर बोयारिनोभ,रुसको राजकीय पुरस्कार विजेताकविभ्लादिमिर सिल्किन, रूसी भाषामालक्ष्मीप्रसाद देवकोटाको खण्डकाव्य ‘मुनामदन’ को छन्दानुवादकर्ता इभानगोलुब्निची र दोनवर्ती रोस्तोभ नगर निवासी कवि इगोर एलिसेएभको सहभागिता रहेको थियो भने नेपाली पक्षबाट गैरआवासीय नेपाली संघका निवर्तमान अध्यक्ष जीवा लामिछाने, द्विशतवार्षिक समारोह समितिका अध्यक्ष कृष्णप्रकाश श्रेष्ठ, उपाध्यक्षद्वय डा. मधुकृष्ण श्रेष्ठ (गैरआवासीय नेपाली संघ रूस राष्ट्रिय समन्वय परिषदकाअध्यक्ष तथा गोविन्दप्रसाद गौतम, विश्व नेपाली साहित्य महासंघ रूस शाखाका अध्यक्ष, कोषाध्यक्ष डिल्ली खरेल ‘सुमन’को उपस्थिति रहेको थियो ।

सौहार्दपूर्ण वातावरणमा सम्पन्न विचार विमर्शको क्रममा देश रूस र नेपालको प्राचीनतम सन्निकटता, भाषिक, सांस्कृतिक र वैचारिक समानतामाजोड दिइनुका साथैरूसी र नेपालीमा छोटा कविताहरू पनि पढिएको थियो । निष्कर्षस्वरूप दुवै देशका साहित्यकर्मिहरुको आपसी सम्पर्क र प्रतिनिधिमण्डलहरुको आदानप्रदानका साथै रूसी तथा नेपालीसाहित्यिक कृतिहरुको एक अर्काको भाषा अनुवादको महत्व र आवश्कताबारे जोड दिइएको थियो । यसै परिप्रेक्ष्यमा दोनवर्ती रोस्तोभ नगरका कविइगोर एलिसेएभद्वारा नेपालका आदिकविको द्विशतवार्षिक समारोहप्रति समर्पित गरी प्रकाशनमा ल्याइएको द्विभाषिक, रूसीबाट नेपालीमा कृष्णप्रकाशबाट पद्यानुवाद गरिएको कवितासंग्रह ‘स्वर्गद्वारीको पुल’ को विमोचनगरिएको थियो ।

विश्व नेपाली साहित्य महासंघबाट आदिकबि भानुभक्तका कविता र काव्यांशको मूल पाठ र रूसी भाषामा कृष्णप्रकाश श्रेष्ठ तथाल्युदमिला साल्तिकोभाको संयुक्त छन्दोबद्ध अनुवाद समेत समावेश गरिएको ‘लोकको गरूँहितभनी’शीर्षकमा प्रकाशित ग्रन्थ रूस लेखक संघ मास्को नगर संगठनको पुस्तकालयकालागि प्रदान गरिएको थियो भने सद्भावना भेटघाटमा उपस्थित रूसी लेखक–कविहरूलाई बुद्धको मूर्ति उपहार दिइएको थियो ।

विदेशी साहित्यकारहरूमध्ये सर्वप्रथम नेपाली साहित्यकारद्वयलाई रूसी कविमिखाइल लेर्मोन्तोभको नामले विभूषितपदक प्रदान गरेर सम्मान गरिएको थियो ।

५ असार २०७१, बिहीबार ०२:१६ मा प्रकाशित

प्रतिकृया दिनुहोस

विशेष

सबै

यो साता विदेशमा थप एक नेपालको निधन

लन्डन । विश्वव्यापी महामारी कोरोना भाइरस (कोभिड–१९) संक्रमणबाट यो साता विदेशमा थप एकजना नेपालीको ज्यान गएको छ । गैरआवासीय नेपाली..

कर्णाली सरकारले कोभिड सङ्क्रमितको निःशुल्क उपचार गर्ने

काठमाडौं । कर्णाली प्रदेश सरकारले कोभिड –१९ का लक्षणसहितका बिरामीको निःशुल्क परीक्षण तथा उपचार गर्ने भएको छ ।..

घटस्थापनापछि सात दिनमा दुई लाख बढीले छाडे उपत्यका

काठमाडौं । घटस्थापनापछि सात दिनमा दुई लाख बढीले उपत्यका छोडेका छन् । महानगरीय ट्राफिक प्रहरी महाशाखाका अनुसार..

प्रधानमन्त्री केपी शर्मा ओलीद्वारा राष्ट्रको नाममा सम्बोधन (पूर्णपाठसहित)

आदरणीय दिदीबहिनी तथा दाजुभाइहरू, नेपालीहरुको ठूलो चाड, बडादशैं शुरु भइसकेको छ। यस महान् अवसरमा सर्वप्रथम म..

गोरखाबाट हनुमानढोका दरबारका लागि पठाइयो फूलपाती

गोरखा दरबारस्थित दशैँघरबाट काठमाडौँको हनुमानढोका दरबारका लागि फूलपातीसहितको डोली पठाइएको छ । विधिपूर्वक..