नेदरल्यान्ड, मेक्सिको र चिलीको सानदार विजयी सुरुवात

काठमाडौं, ३१ जेठ । ब्राजिलमा जारी विश्वकप फुटबल – २०१४ मा नेदरल्यान्ड, मेक्सिको र चिली विजयी भएका छन् । आफ्नो पहिलो खेलमा उनीहरूले सानदार सुरुवात गरेका हुन् ।
डिफेन्डिङ च्याम्पियन स्पेनले नेदरल्याण्ड्ससँग ५–१ को लज्जास्पद हार व्यहोरेको छ । शनिबार राति ब्राजीलमा भएको विश्वकप–२०१४ को फुटबल खेलमा नेदरल्याण्ड्सले सानदार विजयी सुरुवात गरेको हो ।
शनिबारको खेल स्पेनका इतिहाँसमै खराव हुन सक्छ । नेदरल्यान्डले चार वर्ष अगाडि फाइनलमा बेहोरेको हारको बदला स्पेनसँग लिएको छ । सन् २०१० मा दक्षिण अफ्रिकामा भएको विश्वकपमा स्पेनले नेदरल्याण्डलाई हराएको थियो ।
एरिना फोन्टे नोभामा डच टिम एक गोलले पछाडि रहेर सुन्दर जित रच्न सक्षम भएको हो । नेदरल्याण्डको कडा जवाफपछि स्पेनी टोलीलाई उपाधि रक्षामा चुनौति थपिएको छ ।
अब स्पेनले दोस्रो चरण पुग्न संघर्ष गर्नु पर्नेछ । जितसँगै ेदरल्यान्ड आफनो समूहमा सुरुआती अग्रता लिन सफल भएको छ ।
स्पेनले २७ औं मिनेटमा जाभी एलोन्सोको गोलले अग्रता लिएको थियो । एलोन्सोले पेनाल्टीबाट गोल गरेका थिए । त्यसयता खेल एकपक्षीय जस्तै रह्यो र प्रशिक्षक लुइस भान गालको डच टिमले अविश्ववसनीय क्षपमा पाँच गोल फर्काउन सक्यो ।
डच कप्तान रोबिन भान पसिर्ले ४४ औं मिनेटमा पहिलो गोल गरे । कप्तान रोबिन भान पर्सी म्यान अफ दी म्याच घोषित भएका छन् ।
आरेन रोबिनले ५३ औँ मिनेटमा गोल गर्दै नेदरल्यान्डलाई पहिलो पल्ट अग्रता दिलाए । स्टेफान डे भ्रिजले ६४ औँ मिनेटमा तेस्रो गोल गरे । भान पसिर्ले ७२ औँ मिनेटमा चौथो गोल गरे । अत्यमा रोबिनले ८० औँ मिनेटमा फेरि अर्को गोल थपेका थिए ।
चिली विजयी
उता, चिलीले अष्ट्रेलियालाई ३–१ ले हराएरको छ । शनिबार राति भएको विश्वकप २०१४ मा चिलीले पनि सानदार विजयी सुरुआत गरेको हो ।
साल्भाडोरमा बासिर्लोनाका फरवार्ड एलेक्सि सान्चेजले १२ औँ मिनेटमा गोल गर्दै चिलीलाई अग्रता दिलाए । त्यसको ७० सेकेन्डपछि जोर्गे भाल्दिभियाले गोल गरेर । उनले १८ यार्ड लाइनटबाट टप बारमा प्रहार गरेको बलले उत्कृष्ट गोलको रुप लिएको थियो ।
टिम केहिलले ३५ औँ मिनेटमा हेडद्वारा गोल गर्दै अस्ट्रेलियालाई एक गोलको अन्तरमा पुराएको थियो ।
बुसेजोरले इन्ज्युरी टाइममा गोल गर्दै चिलीको अग्रता ३–१ बनाएर जित सुनिश्चित गरे । खेलको म्यान अफ दी म्याच चिलीका एलेक्सीस सान्चेज भए ।
समूह ‘बी’मा नेदरल्यान्ड र चिलीको समान ३–३ अंक छ । राम्रो गोल अन्तरको आधारमा डच टिम शीर्षस्थानमा छ ।
मेक्सिको विजयी
मेक्सिकोले क्यामरुनलाई १–० ले पराजित गरेको छ । यस जितसँगै मेक्सिकोले समूह ‘ए’ मा दोस्रो स्थानमा रहेको छ । आयोजक ब्राजिल समूह ‘ए’को शीर्ष स्थानमा छ । मेक्सिकोलाई जित दिलाउन ओरिब पेरलटाले ६१ औँ मिनेटमा गरे ।

३१ जेष्ठ २०७१, शनिबार ०६:४४ मा प्रकाशित

प्रतिकृया दिनुहोस

विशेष

सबै

अमेरिकामा एकै दिन थपिए ९१ हजार ५३ कोरोना संक्रमित

न्यूयोर्क । हिजो बिहीबार अमेरिकामा ९१ हजार ५० जना कोरोना भाइरसका संक्रमित थप भएका छन् । यो अहिलेसम्मकै संक्रमितको संख्या बढी हो ।..

मुकेश चौरसिया हत्याको किटानी जाहेरी दर्ता

पर्सा । पर्साको बिन्दाबासिनी गाँउपालिकाका नेकपा कार्यकर्ता मुकेश चौरसियाको हत्याको किटानी जाहेरी आज प्रहरीले..

चन्द समूहका कम्पनी कमिसारसहित दुई जना पक्राउ

काठमाडौं । नेत्रविक्रम चन्द समूहका कम्पनी कमिसारसहित दुई जनालाई मोरङ प्रहरीले पक्राउ गरेको छ । पक्राउ पर्नेमा..

चितवनमा सङ्कलित प्लाज्मा अन्य जिल्लामा

क्षेत्रीय रक्तसञ्चार केन्द्र भरतपुरले सङ्कलित कोभिड–१९ सङ्क्रमण भई निको भएकाका प्लाज्मा अन्य जिल्लामा पठाउन..

प्रहरीको गोलीबाट अश्वेत व्यक्तिको मृत्यु भएपछि अमेरिकाको फिलाडेल्फियामा तनाव

न्यूयोर्क । अमेरिकाको पेन्सिलभेनिया राज्यस्थित फिलाडेल्फिया शहरमा प्रहरीको गोली लागेर अश्वेत व्यक्तिको..