कृष्ण र कृष्णेश्वरीले जिते एसियाड म्याराथन छनोट

काठमाडौं, २५ जेठ । नेपाल आर्मीका कृष्ण बस्नेत १७ औं एसियाली खेलकुदका लागि सञ्चालित एथलेटिक्स खेलाडी छनोट प्रतियोगिताको पुरुष म्याराथनमा विजयी भएका छन् ।

निर्धारित दूरी तय गर्न कृष्णले २ घण्टा २६ मिनेट ५१ सेकेन्ड समय खर्चे । नेपाल प्रहरी क्लबका भूमिराज राई (२ घण्टा ३४ मिनेट ५० सेकेन्ड) दोस्रो तथा सशस्त्र प्रहरी बलको एपिएफ क्लबका विकास देशार (२ घण्टा ४५ मिनेट ०५ सेकेन्ड) तेस्रो भए ।
सोही स्पर्धाको महिलातर्फ एपिएफकी कृष्णेश्वरी सिन्तकला पहिलो भइन् । कुनै प्रतिद्वन्द्वी नपाएकी कृष्णेश्वरीले ३ घण्टा ३२ मिनेट ४४ सेकेन्ड समय लगाइन् ।
नेपाल एथलेटिक्स संघद्वारा आयोजित छनोटको पुरुष २ सय मिटर दौडमा प्रहरीका ओलम्पियन तिलकराम थारु शीर्ष स्थानमा रहे । उनले २१.६ सेकेन्ड समयमा दौड सिध्याए । ललिपतुरका आशिष चौधरी (२२.३ सेकेन्ड) दोस्रो तथा आर्मीका मीनबहादुर चौधरी (२२.५ सेकेन्ड) तेस्रो भए । उक्त स्पर्धाको महिलामा प्रहरीकी मनमति विष्ट पहिलो भइन् । मनमतिले दौड पूरा गर्न २६.४ सेकेन्ड समय खर्चिन् । आर्मीकी दुर्गा देवकोटा (२७.२ सेकेन्ड) दोस्रो तथा एपिएफकी सविता चौधरी (२७.४ सेकेन्ड) तेस्रो स्थानमा रहे ।
महिला ज्याभ्लिन थ्रोमा एपिएफकी सीमाकुमारी थारु (३७.१५ मिटर) पहिलो र आर्मीकी सीता शाही (३२.८२ मिटर) दोस्रो भए । महिला ट्रिपलजम्पमा प्रहरीकी केशरी चौधरी (११.८१ मिटर) पहिलो र एपीएफकी शिला चौधरी (१०.६१ मिटर) दोस्रो भए ।
पुरुष १० हजार मिटर दौडमा आर्मीका राजन खत्री पहिलो भए । उनले ३२ मिनेट ४२.२ सेकेन्ड समय लगाए । एपीएफका किरणकुमार मल्ल (३२ मिनेट ४३.६ सेकेन्ड) दोस्रो तथा आर्मीका विनोद सिजापति (३३ मिनेट २०.६ सेकेन्ड) तेस्रो भए । त्यसै स्पर्धाको महिलामा आर्मीकी सरिता वासी ४२ मिनेट २१.७ सेकेन्ड समयसाथ शीर्ष स्थानमा रहिन् । एपिएफकी पुष्पा भण्डारी (४५ मिनेट ०३.९ सेकेन्ड) दोस्रो तथा मीरा राई (४५ मिनेट ४७.६ सेकेन्ड) तेस्रो भए ।
पुरुष ८ सय मिटर दौडमा आर्मीका मुक्ति खड्का पहिलो भए । उनले १ मिनेट ५६.९ सेकेन्डमा दौड पूरा गरे । आर्मीकै सोमबहादुर कुमाल (१ मिनेट ५७.७ सेकेन्ड) दोस्रो तथा आर्मीकै मोतीलाल चौधरी (१ मिनेट ५८ सेकेन्ड) तेस्रो स्थानमा रहे । त्यसै स्पर्धाको महिलामा आर्मीकी सरस्वती भट्ट (२ मिनेट ३१.३ सेकेन्ड) पहिलो, एपिएफकी फुलमति राना (२ मिनेट ३६.८ सेकेन्ड) दोस्रो तथा काठमाडौंकी अमिशा श्रेष्ठ (२ मिनेट ४०.४ सेकेन्ड) तेस्रो भए ।

२५ जेष्ठ २०७१, आईतवार ०६:२३ मा प्रकाशित

प्रतिकृया दिनुहोस

विशेष

सबै

अमेरिकामा एकै दिन थपिए ९१ हजार ५३ कोरोना संक्रमित

न्यूयोर्क । हिजो बिहीबार अमेरिकामा ९१ हजार ५० जना कोरोना भाइरसका संक्रमित थप भएका छन् । यो अहिलेसम्मकै संक्रमितको संख्या बढी हो ।..

मुकेश चौरसिया हत्याको किटानी जाहेरी दर्ता

पर्सा । पर्साको बिन्दाबासिनी गाँउपालिकाका नेकपा कार्यकर्ता मुकेश चौरसियाको हत्याको किटानी जाहेरी आज प्रहरीले..

चन्द समूहका कम्पनी कमिसारसहित दुई जना पक्राउ

काठमाडौं । नेत्रविक्रम चन्द समूहका कम्पनी कमिसारसहित दुई जनालाई मोरङ प्रहरीले पक्राउ गरेको छ । पक्राउ पर्नेमा..

चितवनमा सङ्कलित प्लाज्मा अन्य जिल्लामा

क्षेत्रीय रक्तसञ्चार केन्द्र भरतपुरले सङ्कलित कोभिड–१९ सङ्क्रमण भई निको भएकाका प्लाज्मा अन्य जिल्लामा पठाउन..

प्रहरीको गोलीबाट अश्वेत व्यक्तिको मृत्यु भएपछि अमेरिकाको फिलाडेल्फियामा तनाव

न्यूयोर्क । अमेरिकाको पेन्सिलभेनिया राज्यस्थित फिलाडेल्फिया शहरमा प्रहरीको गोली लागेर अश्वेत व्यक्तिको..