बर्षाकै कारण विमानस्थलमा उडान प्रभावित

काठमाडौं, १९ वैशाख । राजधानीलगायत मुलुकका विभिन्न स्थानमा परेको बर्षाका कारण जनजीवन प्रभावित बनाएको छ । बिहीबारदेखि परेको बर्षाले राष्ट्रिय तथा अन्तर्राष्ट्रिय उडान समेत प्रभावित बनाएको छ ।

बर्षाकै कारण आज (शुक्रबार) विहान दश बजेसम्म त्रिभुवन अन्तर्राष्ट्रिय विमानस्थलबाट हुने उडान समेत प्रभावित भएको छ । खराब मौसमका कारण भिजिविलिटी कम भएपछि राष्ट्रिय र अन्तर्राष्ट्रिय उडान प्रभावित भएको त्रिभुवन विमानस्थल मौसम महाशाखाकी मौसमविद् शान्ति कँडेलले जानकारी दिईन् ।

उनका अनुसार एक/दुई दिनसम्म मौसम यथावत रहने छ । ‘भारतको विहारमा उत्पन्न मौसम प्रणाली र बंगालको खाडीबाट आएको वास्पीकरणका कारण नेपालमा बर्षा भएको हो,’ उनले भनिन् ।

विशेष गरेर पूर्व र मध्य नेपालको भूभागमा बर्षा भई रहेको छ । मौसमविदे कँडेलले राजधानीमा बिहीबार सवा आठबजे देखि शुक्रबार विहान सवा आठबजे सम्म २५ दशमलव चार मिलिमिटर बर्षा भएको जानकारी दिईन् ।

ओखलढुङ्गामा सबै भन्दा धेरै ३२ दशमलव ८ मिलिमिटर बर्षा भएको छ । पोखरा, डडेलधुरा, जुम्ला लगायतका जिल्लामा पनि पानी परेको छ ।

यसैबीच, मौसमविद् कँडेलले दुईदिन यता चट्याङ पर्ने क्रममा अत्याधिक भएकाले सुरक्षित रहन सर्वसाधारणलाई आग्रह गरेकी छन् । चट्याङ पर्ने क्रम सुरु भएका बेला सकेसम्म घर भित्रै बस्न उनले आग्रह गरिन् । ‘चट्याङ पर्ने क्रममा अलि धेरै भएको छ,’ उनले भनिन्, ‘चट्याङबाट बच्ने सबै भन्दा उपयुक्त उपाय घर भित्रै बस्ने हो । यस्तो बेला बाहिर हिडडूल गर्दा राम्रो हुँदैन ।’

१९ बैशाख २०७१, शुक्रबार १३:३० मा प्रकाशित

प्रतिकृया दिनुहोस

विशेष

सबै

स्वास्थ, विज्ञान, कूटनीति र अन्तर्राष्ट्रिय सम्बन्धबारे लण्डन दूतावासमा वेभिनार

लण्डन । लण्डनमा रहेको नेपाली राजदूतावासले बिहीवार ग्लास्गो क्यालेडोनियन विश्वविद्यालयसँगको सहकार्यमा ‘सार्वजनिक स्वास्थ्य तथा..

राजतन्त्र र हिन्दु राष्ट्रको माग गर्दै रौतहटमा प्रदर्शन

रौतहट । राजतन्त्र र हिन्दु राष्ट्र कायम गर्न माग गर्दै नेपाल राष्ट्रवादी समूहले रौतहटमा प्रर्दशन गरेको छ ।..

‘छिट्टै विकासशील राष्ट्रमा उक्लिँदैछौँ’

काठमाडौँ । प्रधानमन्त्री केपी शर्मा ओलीले सङ्घीय, प्रदेश र स्थानीय तहका सरकार सबैको संयोजन, सहभागिता र..

पूर्वयुवराज पारस शाहको स्वास्थ्यमा समस्या

काठमाडौं । पूर्वयुवराज पारस शाहको स्वास्थ्यमा समस्या देखिएको छ । उनी बसेकै होटलमा चिकित्सकहरूले उपचार थालिएको..

विदेशी पर्यटकलाई भिसा प्रावधानमा खुकुलो बनाइदै

काठमाडौ । सरकारले पर्यटक भिसामा नेपाल आउने विदेशी नागरिकका लागि भिसा सम्बन्धि प्रावधानलाई केही खुकुलो बनाउने..