नास्ता पसलमा अबैध घरेलु मदिराको व्यापार

बाँके, १६ वैशाख । कानुनी रुपमै घरेलु मदिरा उत्पादन तथा बिक्री–वितरण बन्देज गरिए पनि बाँकेको नेपालगन्ज र कोहलपुर क्षेत्रका नास्तापसलमा खुलमखुला कारोबार भइरहेको स्थानीयले बताएका छन् ।

नगरका विभिन्न स्थान, बसपार्क, कोहलपुरको दसबिगाह, चप्परगौडी, न्यूरोड, चौराह क्षेत्रमा सञ्चालित नास्तापसल र साना होटलमा अवैध घरेलु मदिराको व्यवसाय फस्टाएको छ ।

उपभोक्ता संरक्षण ऐन, २०५४ दफा ९ र औद्योगिक व्यवसाय ऐन, २०४९ को दफा २५ ले घरेलु मदिरा उत्पादन र बिक्री–वितरणलाई गैरकानुनी भनी उल्लेख गरेको छ ।
बजारमा जहातहीँ घरेलु मदिराको कारोबार र बिक्री–वितरण भइरहँदासम्म सम्बन्धित निकायले नियन्त्रण र कारबाही गर्न सकेका छैनन् ।

नास्ता पसल र साना होटलमा मुख्य कारोबारका रूपमा घरेलु रक्सी र जाँडको कारोबार हुने गर्छ । होटल र नास्ता पसलपिच्छे अवैध मदिरा कारोबार हुँदासम्म व्यवसायी कारबाहीमा परेका छैनन् ।

मदिरा नियन्त्रणका लागि घरेलु तथा साना उद्योग कार्यालय, आन्तरिक राजस्व कार्यालय, जिल्ला प्रशासन, जिल्ला प्रहरी कार्यालय र वाणिज्य कार्यालयको सहभागितामा बजार अनुगमन समिति भए पनि रोक्न सकेको छैन ।

उपभोक्ता संरक्षण ऐन, २०५४ को दफा ९ ले कुनै उपभोक्ताको स्वास्थ्यमा असर पर्ने किसिमको उपभोग्य वस्तु वा सेवा उत्पादन र बिक्री गर्नेलाई सामान्य अवस्थामा पाँच वर्षसमम्म कैद सजाय र तीन लाख जरिवाना वा दुवै सजाय हुन सक्ने व्यवस्था गरेको छ ।

घरेलु तथा साना उद्योग कार्यालय नेपालगन्जका प्रमुख भूपेन्द्र सापकोटाले कानुनी रूपमा घरेलु मदिरा उत्पादन र बिक्री गर्न नपाइने बताए । उनले उजुरी आए औद्योगिक व्यवसाय ऐन, २०४९ को दफा २५ अनुसार कारबाही हुने बताए ।

आन्तरिक राजस्व कार्यालयका अनुसार घरेलु उत्पादन बिक्री–वितरणमा बन्देज रहेकाले प्रहरी प्रशासनको सहयोगमा अनुगमन गरी मदिरा उत्पादन गर्ने सामान, कच्चापदार्थ र मदिरा नियन्त्रणमा लिई नष्ट गरिँदै आएको छ ।

१६ बैशाख २०७१, मंगलवार १४:२८ मा प्रकाशित

प्रतिकृया दिनुहोस

विशेष

सबै

स्वास्थ, विज्ञान, कूटनीति र अन्तर्राष्ट्रिय सम्बन्धबारे लण्डन दूतावासमा वेभिनार

लण्डन । लण्डनमा रहेको नेपाली राजदूतावासले बिहीवार ग्लास्गो क्यालेडोनियन विश्वविद्यालयसँगको सहकार्यमा ‘सार्वजनिक स्वास्थ्य तथा..

राजतन्त्र र हिन्दु राष्ट्रको माग गर्दै रौतहटमा प्रदर्शन

रौतहट । राजतन्त्र र हिन्दु राष्ट्र कायम गर्न माग गर्दै नेपाल राष्ट्रवादी समूहले रौतहटमा प्रर्दशन गरेको छ ।..

‘छिट्टै विकासशील राष्ट्रमा उक्लिँदैछौँ’

काठमाडौँ । प्रधानमन्त्री केपी शर्मा ओलीले सङ्घीय, प्रदेश र स्थानीय तहका सरकार सबैको संयोजन, सहभागिता र..

पूर्वयुवराज पारस शाहको स्वास्थ्यमा समस्या

काठमाडौं । पूर्वयुवराज पारस शाहको स्वास्थ्यमा समस्या देखिएको छ । उनी बसेकै होटलमा चिकित्सकहरूले उपचार थालिएको..

विदेशी पर्यटकलाई भिसा प्रावधानमा खुकुलो बनाइदै

काठमाडौ । सरकारले पर्यटक भिसामा नेपाल आउने विदेशी नागरिकका लागि भिसा सम्बन्धि प्रावधानलाई केही खुकुलो बनाउने..