एसिसी महिला प्रिमियर ट्रफी क्रिकेट प्रतियोगिता

काठमाडौं, ३ फागुन । एसियाली क्रिकेट परिषद् (एसिसी) महिला प्रिमियर ट्रफी क्रिकेट प्रतियोगितामा नेपालले भोलि आइतबार चीनको सामना गर्ने भएको छ ।
थाइल्यान्डमा हुने सो प्रतियोगितामा पहिलोपटक ४० ओभरको खेलमा सहभागिता जनाएको नेपालले भोलि आफ्नो चौथो खेल चीनसंगै खेल्दैछ । नेपाली महिला टिमले यसअघि अन्तर्राष्ट्रियस्तरको प्रतियोगिता २० देखि २५ ओभरसम्मको खेल खेल्दै आएको थियो ।
यसअघि भएको प्रतियोगितामा तीन खेल खेलेको नेपालले दुई खेलमा जित तथा एक खेलमा हार बेहोरेको छ । नेपालले इरान र भुटानविरुद्धको खेलमा जित हासिल गरेको थियो भने आयोजक थाइल्यान्डसाग पराजित हुन पुग्यो ।
नेपालले इरानलाई २२१ को फराकिलो रनअन्तरले हरायो भने भुटानलाई ५ विकेटले पराजित गर्दै विजयी बन्यो । यस्तै थाइल्यान्डसाग आठ विकेटले पराजित हुन पुग्यो ।
नेपालले सन् २००७ देखि महिला अन्तर्राष्ट्रिय क्रिकेट प्रतियोगितामा सहभागिता जनाउंदै आएको छ ।
नेपालसहित थाइल्यान्ड, चीन, इरान, भुटान र हङकङले प्रतिस्पर्धा गरिरहेको सो प्रतियोगिता सिङ्गल लिगमा सञ्चालन हुंदै आएको छ ।
लिगमा शीर्ष स्थान हासिल गर्ने राष्ट्रले उपाधि हासिल गर्नेछ भने शीर्ष तीनभित्र रहने टोलीले एसियाली खेलकुद प्रतियोगितामा सहभागितासमेत जनाउन पाउने छन् ।
नेपाली टोलीमा रुविना क्षेत्री कप्तान रहेकी छिन् । टोलीका अन्य सदस्यमा रेखा रावल, सोनु खड्का, ममता थापा, ममता चौधरी, शोभा आले, सरस्वती चौधरी, नीरा राजोपाध्याय, कविता गौतम, सरिता मगर, करुणा भण्डारी, तृष्णा सिंह र काजल श्रेष्ठ छन् ।

३ फाल्गुन २०७०, शनिबार १६:५६ मा प्रकाशित

प्रतिकृया दिनुहोस

विशेष

सबै

गैरआवासीय नेपाली नागरिकता ऐन छिट्टै पारित हुने

लन्डन । संघीय संसद्, कानून, न्याय तथा मानव अधिकार समितिका सभापति कृष्णभक्त पोख्रेलले नेपालको संविधान २०७२ मा उल्लेख गरिएअनुकूल..

यो साता विदेशमा थप एक नेपालको निधन

लन्डन । विश्वव्यापी महामारी कोरोना भाइरस (कोभिड–१९) संक्रमणबाट यो साता विदेशमा थप एकजना नेपालीको ज्यान गएको छ ।..

कर्णाली सरकारले कोभिड सङ्क्रमितको निःशुल्क उपचार गर्ने

काठमाडौं । कर्णाली प्रदेश सरकारले कोभिड –१९ का लक्षणसहितका बिरामीको निःशुल्क परीक्षण तथा उपचार गर्ने भएको छ ।..

घटस्थापनापछि सात दिनमा दुई लाख बढीले छाडे उपत्यका

काठमाडौं । घटस्थापनापछि सात दिनमा दुई लाख बढीले उपत्यका छोडेका छन् । महानगरीय ट्राफिक प्रहरी महाशाखाका अनुसार..

प्रधानमन्त्री केपी शर्मा ओलीद्वारा राष्ट्रको नाममा सम्बोधन (पूर्णपाठसहित)

आदरणीय दिदीबहिनी तथा दाजुभाइहरू, नेपालीहरुको ठूलो चाड, बडादशैं शुरु भइसकेको छ। यस महान् अवसरमा सर्वप्रथम म..