ओलावालेको ह्याट्रिकमा संकटा विजयी

काठमाडौं / लिगमा पहिलो ह्याट्रिकसहित ४ गोल गर्दै नाइजेरियन खेलाडी ओलाडिपो ओलावाले आफिज नायक बनेपछि संकटा क्लब एपीएफमाथि एकपक्षीय दबाब कायम राख्दै सहिद स्मारक रेडबुल ‘ए’ डिभिजन लिगको चौथो स्थानमा उक्लियो । उपाधिको दाबेदार मानिएको एपीएफ संकटासँग ४–१ ले पराजित भएसँगै दोस्रो स्थानको थ्री–स्टारसँग अंक बराबरी गर्ने मौकाबाट वञ्चित भयो ।
पहिलो हाफको २०औं मिनेटमा डिफेन्डर र गोलरक्षकको तालमेल नमिलेको मौकामा ओलावालेले टिमलाई सुरुआती अग्रता दिलाएका थिए । त्यसको दुई मिनेट बित्न नपाउँदै ओलावालेले नै टिमको अग्रता दोब्बर बनाए । पहिलो हाफमा २ गोल गरेका उनले दोस्रो हाफमा थप २ गोल गरे ।
दोस्रो हाफको ५८औं मिनेटमा वर्षात् गुरुङले निकालेको पासलाई ओलावालेले गोल गर्दै ह्याट्रिक पूरा गरे । त्यसपछि पनि उनले एपीएफको पोस्टमा प्रहार जारी राखे । उनले चौथो गोल खेल सुरु भएको ७४औं मिनेटमा सम्भव बनाए । एपीएफका लागि सन्तोष श्रेष्ठले ८३औं मिनेटमा सान्त्वना गोल फर्काएका थिए ।
अर्को खेलमा हिमालयन शेर्पाले जावलाखेललाई पराजित गर्दै सुपर–६ को सम्भावना कायमै राख्यो । शुक्रबार भएको खेलमा शेर्पाले जावलाखेललाई ४–१ ले पराजित गर्‍यो । पहिलो हाफमा आत्मघाती गोलबाट अग्रता लिएको शेर्पाले दोस्रो हाफमा थप ३ गोल गर्‍यो । नवौं मिनेटमा सुरज हमालले गरेको क्रसलाई नुरराज काफ्लेले क्लियर गर्ने क्रममा आफ्नै पोस्टमा गोल गरेपछि शेर्पा सुरुआती अग्रता कायम गर्न सफल भयो । यद्यपि, ४१औं मिनेटमा प्रदीप महर्जनले गोल गर्दै जावलाखेललाई बराबरीमा ल्याए ।
पहिलो हाफ बराबरी गरे पनि दोस्रो हाफमा जावलाखेल शेर्पासँग दबाबमा पर्‍यो । शेर्पाका सेगुन एइतायोले ५१औं मिनेटमा फ्री–किक प्रहार गर्दै टिमको अग्रता दोब्बर बनाए । सेगुनले नै ६२औं मिनेटमा व्यक्तिगत दोस्रो गोल गर्दा शेर्पा ३–१ ले अघि रह्यो । टिमका लागि चौथो गोल लक्ष्मण रुचालले गरेका थिए ।
खेलपछि शेर्पाका प्रशिक्षक विकास गौचनले सुपर–६ गाह्रो भएको अवस्थामा पाएको जितले टिमको सम्भावना बढेको बताए । उनले सेगुनले राम्रो प्रदर्शन गरेको पनि बताए । जावलाखेलका प्रशिक्षक किशोर केसीले टिम १ अंकका लागि मैदानमा उत्रिए पनि जित्न नसकेको बताए । उनले टिमको १० अंक रहेको र आगामी खेल पनि आरसीटीसँग रहेकाले त्यो खेल जित्दै रेलिगेसन टार्ने बताए । उनले भने, ‘हाम्रो महत्त्वपूर्ण खेल आरसीटीसँग छ । यद्यपि, त्यो खेलमा पनि हामी हार्‍यौं भने खुसीसाथ रेलिगेसन स्वीकारे हुन्छ ।’ उनले गोलरक्षकको गल्तीले गर्दा टिम थप दबाबमा परेको बताए ।

१८ माघ २०७०, शनिबार ०५:०९ मा प्रकाशित

प्रतिकृया दिनुहोस

विशेष

सबै

राष्ट्रसंघीय महासभालाई प्रधानमन्त्री ओलीले भर्चुअल सम्बोधन गर्ने

काठमाडौ । राष्ट्रसंघको ७५औँ महासभाको उच्चस्तरीय सत्र अमेरिकाको न्यूयोर्कमा आजबाट सुरु भएको छ । महासभामा प्रधानमन्त्री केपी ओली..

आजबाट मलमास शुरु

काठमाडौं । हिन्दू परम्परा अनुसार आजबाट मलमास शुरु भएको छ । मलमास असोज ३० गते राति १ बजेर ५३ बजेसम्म रहने छ ।..

वामदेव गौतम राष्ट्रियसभा सदस्य मनोनित

काठमाडौं । नेपाल कम्युनिष्ट पार्टीका उपाध्यक्ष वामदेव गौतमलाई राष्ट्रपति विद्यादेवी भण्डारीले राष्ट्रियसभा..

आजदेखि पितृ पक्ष समापन गरिँदै

काठमाडौं । प्रत्येक वर्ष आश्विन कृष्ण प्रतिपदादेखि शुरु भएको पितृ पक्ष अपराह्नकालमा दिवंगत पितृका नाममा तर्पण,..

कांग्रेस महामन्त्री शशांक कोइराला अस्पताल भर्ना

काठमाडौं । नेपाली कांग्रेसका महामन्त्री डा. शशांक कोइराला अस्पताल भर्ना भएका छन् । कोरोना संक्रमण भएपछि होम..