ताराको नाममा तीन राष्ट्रिय रेकर्ड

काठमाडौं, १० माघ ।  – २१औं पुरुष तथा छैटौं महिला राष्ट्रिय भारोत्तोलन च्यामिपयनसिपमा बिहीबार तीन नयाँ राष्टिय कीर्तिमान कायम भएका छन् । नेपाल प्रहरीकी तारादेवी पुनले ७५ केजीमाथिको प्रतिस्पर्धामा आफ्नै नाममा रहेको कीर्तिमान भंग गरेकी हुन् । उनले स्नाचमा ६७ केजी, क्लिनमा ९२ केजी र कुलमा १ सय ५९ केजी भारवहन गर्दै नयाँ रेकर्ड बनाइन् । उनले यसअघि दोस्रो ग्रान्डपिक्स भारोत्तोलन च्याम्पियनसिपमा स्नाचमा ६६ केजी, क्लिनमा ९१ गरी कुल १ सय ५७ केजी भारवहन गर्दै राष्ट्रिय कीर्तिमान बनाएकी थिइन् ।
सो स्पर्धामा कञ्चनपुरका चम्पादेवी ठकुल्ला स्नाचमा ४०, क्लिनमा ५७ र कुलमा ९७ केजीका साथ दोस्रो र सिरहाकी मनिता चौधरी स्नाचमा ४०, क्लिनमा ४७ र कुलमा ८७ केजीका साथ तेस्रो भए ।
त्यस्तै, नेपाली सेनाका दिनेश श्रेष्ठले ९४ केजीमा स्नाचमा राष्ट्रिय कीर्तिमान राखेका छन् । उनले गोपालबहादुर श्रेष्ठको नाममा आठौं साफमा रहेको १ सय १० केजीको रेकर्डलाई १ सय ११ केजी भारवहन गर्दै कीर्तिमान राखेका हुन् । श्रेष्ठले क्लिन एन्ड जर्कमा १ सय ३७ र कुलमा २ सय ४८ केजी भारवहन गर्दै स्वर्ण पदकका लागि आफूलाई सक्षम बनाए । यस स्पर्धामा प्रहरीका गणेशचन्द ठकुरीले स्नाचमा ९० केजीका साथ रजत, क्लिनमा १ सय १२ केजी र कुलमा २ सय २ केजीका साथ कांस्य पदक पाए । सेनाका टहलबहादुर बस्यालले स्नाचमा ८५ केजीका साथ कांस्य र क्लिन र कुलमा १ सय २२ केजी र २ सय ७ केजीका साथ रजत पदक पाएका छन् ।
प्रतियोगिताको स्टोगेस्टमा महिलामा तारादेवी पुन र पुरुषमा सेनाका कमलबहादुर अधिकारी र वेस्ट लिफ्टर महिलामा नेपाल प्रहरीकी उत्तम खत्री तथा पुरुषमा कमलबहादुर अधिकारी भएका छन् ।
जुनियरतर्फ बाराका मोहम्मद आशिक हुसेनले कुल १ सय ४८ केजीका साथ स्वर्ण पाए ।
पुरुषको १ सय ५ केजीमा स्नाचमा नेपाल पुलिसका विपेन्द्र महर्जनले सय केजी भारवहन गर्दै स्वर्ण, सेनाका गगनसिंह ओलीले ९८ केजीका साथ रजत र धनुषाका शत्रुघन यादवले ९८ केजीका साथ आफ्नो तौलका कारण कांस्य पदक पाए । क्लिन एन्ड जर्क र कुलमा सेनाका गगनसिंह वलीले १ सय ३० र २ सय २८ का साथ स्वर्ण, प्रहरीका विपेन्द्र महर्जनले १ सय २४ र २ सय २४ का साथ रजत र धनुषाका शत्रुघन यादवले १ सय १२ र २ सय १० केजीका साथ कांस्य पदक पाए ।
१ सय ५ केजीमाथि सिनियरतर्फ रामेछापका गोपालबहादुर श्रेष्ठले स्नाचमा १ सय १०, क्लिन एन्ड जर्कमा १ सय ५१ केजी र कुलमा २ सय ६१ केजीका साथ स्वर्ण पाए । उनी हाल स्टार क्यासिनोमा कार्यरत छन् । त्यस्तै, सेनाका पुकार गुरङले १०३, ११७ र २१० केजीका साथ रजत र पर्साका रमेशकुमार महतोले ७०, ९२ र १६२ केजीका साथ कांस्य पदक पाए ।
जुनियरतर्फ ललितपुरका आयुषमान प्रधानले ६५ केजी स्नाच, ८१ केजी क्लिन र कुलमा १ सय ४६ केजीका साथ स्वर्ण पाए भने चितवनका सन्देश गुरुडले ५१, ७५ र १ सय २६ केजीका साथ रजत र कञ्चनपुरका सुभाष उपाध्यायले ५०, ७५ र १ सय २५ केजीका साथ कांस्य पदक पाए ।
महिलाको ६३ केजीमा स्नाचमा सप्तरीकी शान्ति चौधरीले ६० केजी, क्लिनमा ७५ केजी र कुलमा १ सय ३५ केजीका साथ स्वर्ण पाइन् । स्नाचमा दाङकी रामकुमारी चौधरी ४६ केजीका साथ दोस्रो र कैलालीकी सोनम चौधरी ३५ केजीका साथ तेस्रो भइन् ।
क्लिनमा कैलालीकी सोनम चौधरी ५३ केजीका साथ दोस्रो र रामुकुमारी ५० केजीका साथ तेस्रो भइन् । कुलमा रामकुमारी ९६ केजीका साथ दोस्रो र सोनम चौधरी ८८ केजीका साथ तेस्रो भइन् ।
यस विधाको जुनियरमा कैलालीकी सोनाम चौधरी स्नाचमा ३५, क्लिनमा ५३ र कुलमा ८८ केजीका साथ स्वर्ण पदक प्राप्त गर्न सफल भइन् ।
महिलाकै ६९ केजीमा प्रहरीकी राजलक्ष्मी थापा स्नाचमा ५५, क्लिनमा ७२ र कुलमा १ सय २७ केजीका साथ स्वर्ण पदक प्राप्त गर्न सफल भइन् । सो स्पर्धामा सिरहाकी पुसु चौधरी स्नाचमा ४०, क्लिनमा ४७ र कुलमा ८७ केजीका साथ दोस्रो भइन् । स्नाचमा कैलालीकी ज्योति चौधरी ३५ केजीका साथ तेस्रो भइन् । यस्तै, क्लिनमा ४७ र कुलमा ७५ केजीका साथ दाङकी कल्पना चौधरीले कांस्य पाइन् ।
यस विधाको जुनियरतर्फ सिरहाकी पुसा चौधरी स्नाचमा ४०, क्लिनमा ४७ र कुलमा ८७ केजीका साथ स्वर्ण र कैलालीकी ज्योति चौधरी ३५, ४० र कुल ७५ केजीका साथ रजत पदक प्राप्त गर्न सफल भए ।
७५ केजीमा एक मात्र सहभागी पुलिसकी लक्ष्मी वनले स्नाचमा ४७, क्लिनमा ६२ र कुलमा १ सय ९ केजीका साथ स्वर्ण पदक प्राप्त गरिन् ।

१० माघ २०७०, शुक्रबार ०६:५४ मा प्रकाशित

प्रतिकृया दिनुहोस

विशेष

सबै

दशैँको टीका लगाउन हिँड्नेको चहलपहल कम

दुर्गापक्षको मुख्य दिन आज मान्यजनको हातबाट नवदुर्गाको प्रसादका रुपमा शुभ साइतको प्रतीक रातो टीका एवं समृद्धिको प्रतीक जमरा लगाउन..

राप्रपा अध्यक्ष थापा अस्पतालबाट डिस्चार्ज

काठमाडौं । राष्ट्रिय प्रजातन्त्र पार्टीका अध्यक्ष कमल थापा अस्पतालबाट डिस्चार्ज भएका छन् । कोरोना संक्रमण..

गैरआवासीय नेपाली नागरिकता ऐन छिट्टै पारित हुने

लन्डन । संघीय संसद्, कानून, न्याय तथा मानव अधिकार समितिका सभापति कृष्णभक्त पोख्रेलले नेपालको संविधान २०७२ मा..

यो साता विदेशमा थप एक नेपालको निधन

लन्डन । विश्वव्यापी महामारी कोरोना भाइरस (कोभिड–१९) संक्रमणबाट यो साता विदेशमा थप एकजना नेपालीको ज्यान गएको छ ।..

कर्णाली सरकारले कोभिड सङ्क्रमितको निःशुल्क उपचार गर्ने

काठमाडौं । कर्णाली प्रदेश सरकारले कोभिड –१९ का लक्षणसहितका बिरामीको निःशुल्क परीक्षण तथा उपचार गर्ने भएको छ ।..