सबैको माग नै समवृद्ध नेपालको पहिचान हो

भीम रावल, नेता एमाले
० तपाईं खुशीकि बेखुशी हुनुहुन्छ ?
– शान्ति निर्माणमा भएका प्रगतिहरु बेखुशी हुने प्रश्नै भएन ।
० धेरै खुशी हुनुहुन्छ ?
– धेरै र थोरैका कुरा भएन । यी कुरा राम्रा हुन् । तर संविधान घोषणापछि हुने खुशी अहिले आइसकेको छैन ।
० हिजोको विशेष समितिले के निर्णय ग¥र्यो ?
– छनोट समितिका अध्यक्ष लोक सेवा आयोगको अध्यक्ष हुनुहुन्छ । उहाँसँग परामर्श ग¥र्यौ । यसलाई कसरी अगाडि बढाउँदा राम्रो हुन्छ, त्यो कुरा अगाडि बढोस् हामीले भन्यौं । छनोट प्रकृया अगाडि बढाउँदा नेपाली सेनाको के सुझाव छ भनेर हामीले सोध्यौं । नेपाली सेनाको तर्पmबाट आवश्यक दरबन्दी दिनुपर्छ भन्ने कुरा त्यहाँ छलफल भयो । महानिर्देशनालयमा जति संख्या होला भनेर अनुमान गरिएको थियो, त्यो नहुने स्थिति भइसकेको छ । अब त्यो महानिर्देशनालयका बारेमा के हुनुपर्छ भन्ने विषयमा छलफल हुनुपर्नेछ । यस विषयमा सैद्धान्तिक रुपमा विशेष समितिले के निर्णय गरेको छ भने, जब माओवादी लडाकूको समायोजनामा जाने अन्तिम संख्या निर्धारण हुन्छ, त्यसपछि मात्र हामीले महानिर्देशनालयको नेतृत्व र संख्या तय गर्नेछौं भनेर हामीले निर्णय गरिसकेका छौं ।
० कहिलेसम्म तय होला ?
– सम्भवतः आजसम्म स्वेच्छिक अवकासमा जाने लडाकूको प्रकृया सम्पन्न हुन्छ । त्यो सम्पन्न भइसकेपछि छनोट समितिले छनोटको आवश्यक तयारी गर्छ । त्यही समायोजनमा जाने लडाकूहरु नेपाली सेनाको छनोट प्रकृयामा प्रवेश गर्छन्, प्रवेश गरिसकेपछि यदि कुनै कुनै व्यक्ति फेरि पनि छनोटमा परेनन भने उनीहरुलाई हामीहरुले स्वेच्छिक अवकास र पुनस्र्थापनाको विकल्प दिएकै छौं । र, अन्तिम प्रकृयाबाट जुन संख्या कायम हुन्छ, त्यसपछि मात्र हामी त्यो अन्तिम संख्या भनेर भन्न सक्छौं ।
० प्रधानसेनापतिले के भन्नुभयो ?
– दरबन्दीका कुराहरु स्पष्ट भयो भने सजिलो हुन्छ भन्नुभयो । दरबन्दीका कुरा हामीले पहिला नै छलफल गरिसकेका छौं । यसका साथसाथै हाम्रो उद्देश्य के छ भने नेपाली सेनाको संख्या बढाएर लैजानुभन्दा यदि नेपाली सेनाभित्र दरबन्दी खाली छन् भने त्यसलाई पनि ध्यान दिनुपर्छ । यदि त्यो दरबन्दीले पुग्दैन भने माओवादी लडाकूको अन्तिम संख्या जुन कायम हुन्छ, सोअनुरुप हामीले दरबन्दीका लागि प्रकृया अगाडि बढाउनुपर्छ ।
० लडाकूलाई कहिलदेखि सैनिक ऐन आकर्षित हुने हो त्यो पनि टुंगो गरिदिनुहोस् भनेर प्रधानसेनापतिले भन्नुभएको छ ?
– यसमा कुनै समस्या छैन । सामान्य रुपमा सबैले बुभ्mने कुरा छ, जुन दिन माओवादी लडाकूहरु नेपाली सेनामा विधिवत तालिममा प्रवेश गर्छन्, सोही दिनदेखि निजहरुलाई नेपाली सेना ऐन आकर्षिक हुने कुरा सामान्य मान्छेले बुझने कुरा हो ।
० समायोजन हुने लडाकूको संख्या घट्दै गएको हो ?
– हामीले छलफल गरेर माओवादी लडाकूहरुलाई स्वेच्छिक अवकास, पुनस्र्थापना र समायोजनको विकल्प स्पष्टरुपमा दिइसकेपछि कुन विकल्पमा जाने भन्ने कुराको निधो गर्ने, त्यसलाई छनोट गर्ने सम्पूर्ण अधिकार लडाकूहरुको हो नि । अब लडाकूहरुले स्वेच्छिक अवकास छान्छन भने त्यसमा हामीले यस्तो उस्तो भनेर टिप्पणी गर्ने आवश्यकता छैन ।
० नेपाली सेनामा मापदण्ड नपुग्ने भएर समायोजन नरोजेका हुन कि ?
– हामीले त्यसरी अर्थ लगाउन मिल्दैन । त्यो माओवादी लडाकूहरुको स्वविवेकको कुरा हो । कुन व्यक्तिले कस्तो जीवन व्यतित गर्न चाहन्छ भन्ने कुरा उसको स्वविवेकको कुरा हो ।
० यो विषय कहिलेसम्म टुगिएला ?
– हामीले हिजै नै विशेष समितिमा छनोट समितिका अध्यक्षसँग परामर्श गरिसकेका छौं । छनोट समितिले प्रकृया तुरुन्तै अगाडि बढाउने कुरा गरिसकेको छ । यो कुरा रोकिने भएन, छिटै अगाडि जान्छ । शिविर खाली हुने र माओवादी लडाकू भन्ने शब्दावली नरहने अवस्था एकदमै छिटै हुन्छ ।
० हात्तीवनमा के सहमति भयो ?
– निक्कै लामो समयदेखि छलफल गर्दै आएका शासकीय स्वरुप, न्याय प्रणाली, निर्वाचन प्रणाली, नागरिकता र राष्ट्रिय सहमतिको सरकारजस्ता विषयमा गहन छलफल ग¥यौं । विषय केन्द्रित भएर छलफल भयो । पहिला पहिला अरुतिर कुरा जाने भएन ।
० जातीय राज्य चाहिन्छ भनेर आदिवासी, जनजातिहरु सडकमा आइसके नि ?
– त्यो उहाँहरुको माग हो । त्यो माग पनि उहाँहरुको आप्mनो अधिकार पहिचान र प्रगतिको लागि माग हो । त्यसलाई अन्यथा लिइरनुपर्ने केही छैन । ती सबै मागहरु नै समृद्धि नेपालको पहिचान हो । विविधतामा एकता कायम नगरी देश अगाडि जाँदैन ।

६ बैशाख २०६९, बुधबार १६:२१ मा प्रकाशित

प्रतिकृया दिनुहोस

विशेष

सबै

दशैँको टीका लगाउन हिँड्नेको चहलपहल कम

दुर्गापक्षको मुख्य दिन आज मान्यजनको हातबाट नवदुर्गाको प्रसादका रुपमा शुभ साइतको प्रतीक रातो टीका एवं समृद्धिको प्रतीक जमरा लगाउन..

राप्रपा अध्यक्ष थापा अस्पतालबाट डिस्चार्ज

काठमाडौं । राष्ट्रिय प्रजातन्त्र पार्टीका अध्यक्ष कमल थापा अस्पतालबाट डिस्चार्ज भएका छन् । कोरोना संक्रमण..

गैरआवासीय नेपाली नागरिकता ऐन छिट्टै पारित हुने

लन्डन । संघीय संसद्, कानून, न्याय तथा मानव अधिकार समितिका सभापति कृष्णभक्त पोख्रेलले नेपालको संविधान २०७२ मा..

यो साता विदेशमा थप एक नेपालको निधन

लन्डन । विश्वव्यापी महामारी कोरोना भाइरस (कोभिड–१९) संक्रमणबाट यो साता विदेशमा थप एकजना नेपालीको ज्यान गएको छ ।..

कर्णाली सरकारले कोभिड सङ्क्रमितको निःशुल्क उपचार गर्ने

काठमाडौं । कर्णाली प्रदेश सरकारले कोभिड –१९ का लक्षणसहितका बिरामीको निःशुल्क परीक्षण तथा उपचार गर्ने भएको छ ।..