पुलिस शीर्ष स्थानमा उक्लियो

काठमाडौं – नेपाल पुलिस क्लब काठमाडौंमा जारी सहिद स्मारक रेडबुल ‘ए’ डिभिजन लिगको शीर्ष स्थानमा उक्लिएको छ । मंगलबार भएको खेलमा नेपाल पुलिसले सरस्वती क्लबलाई १–० ले पराजित गर्दै महŒवपूर्ण ३ अंकका साथ तालिकाको शीर्ष स्थानमा उक्लिएको हो । पुलिसले सात खेलबाट चारमा जित दुई खेलमा बराबरी र एक खेलमा हार ब्योहोर्दै लिग अंक तालिकामा १४ अंक जोड्दै मनाङभन्दा एक अंकले अघि रहेको हो । सरस्वती हारपछि लिग अंक तालिकाको ११औं स्थानमा छ । उसको सात खेलबाट ७ अंक रहेको छ ।
दशरथ रंगशालमा भएको खेलको पहिलो हाफको ३९औं मिनेटमा गणेश खड्कालाई सरस्वतीका डिफेन्डरले फल गरेपछि पाएको पेनल्टीलाई जुमनु राईले सदुपयोग गर्दै पुलिसलाई अग्रता दिलाएका थिए । पहिलो हाफमा केही राम्रा मौकाहरू सिर्जना गरे पनि पुलिस दोस्रो हाफमा भने सरस्वतीस“ग दबाबमा परेको थियो ।
दोस्रो हाफमा पुलिसविरुद्ध हावी भएको सरस्वतीका राम्रा मौकाहरू सदुपयोग भएनन् । ४७औं मिनेटमा टंकु लामाले गरेको प्रहार क्रसबारमा लागेर बाहिरिएको थियो । त्यस्तै टंकु लामाले नै ७०औं मिनेटमा डी बक्स बाहिरबाट गरेको शक्तिशाली प्रहार फस्टबारमा लागेर बाहिरिएपछि सरस्वती अभागि सावित भयो । दोस्रो हाफमा दबाबमा परेको पुलिसले कुनै उल्लेख्य मौकाहरू सदुपयोग गर्न सकेन् । खेलपछि पुलिसका प्रशिक्षक विराटकृष्ण श्रेष्ठले राम्रो प्रदर्शन नभए पनि महŒवपूर्ण ३ अंक प्राप्त भएको बताए । उनले भने, ‘हामीले धेरै कार्ड खाएको, जित्नु पर्ने दबाब र खेलाडीको इनजुरी समस्याले गर्दा पनि सोचेजस्तो खेल भएन ।’ उनले सरस्वतीमा स्कोरिङ समस्या भएकाले त्यसको फाइदा पुलिसले लिएको बताए ।
सरस्वतीका प्रशिक्षक अशोक केसीले खेल राम्रो भए पनि रेफ्रीको निर्णय भने चित नबुझेको बताए । उनले भने, ‘रेफ्रीलाई रिफ्रेसर कोर्स दिनुपर्ने आवश्यकता देखियो । बीच–बीचमा सिट्ठी खसाल्ने र आफंै बज्ने जस्तो साधारण कुरामा पनि याद गरेको देखिएन ।’ पुलिस र सरस्वतीको खेल रेफ्री विकाश महतले खेलाएका थिए ।
फ्रेन्ड्स र संकटा बराबरी
मंगलबार नै भएको अर्को खेलमा फ्रेन्ड्स क्लबले संकटा स“ग १–१ को बराबरी खेलेको छ । पहिलो हाफमा गोलरहित बराबरी गरे पनि दोस्रो हाफमा दुवै टिमले १–१ गोल गरेका थिए । पहिलो हाफमा केही राम्रा मौका संकटाले सदुपयोग गर्न सकेन् । यद्यपि, दोस्रो हाफको ६७औं मिनेटमा वर्षात गुरुङले संकटालाई अग्रता दिलाए । उनले डी बक्स बाहिरबाट गरेको शक्तिशाली प्रहारलाई फ्रेन्ड्सका गोलरक्षक अजित प्रजापतिले बचाउने कोसिस गरे पनि उनको हातमा लाग्दै गोल भएको थियो । गोल भएको एक मिनेट बित्न नपाउ“दै फ्रेन्ड्सले बराबरी गर्न सफल भयो ।

८ माघ २०७०, बुधबार ०६:५७ मा प्रकाशित

प्रतिकृया दिनुहोस

विशेष

सबै

अमेरिकामा एकै दिन थपिए ९१ हजार ५३ कोरोना संक्रमित

न्यूयोर्क । हिजो बिहीबार अमेरिकामा ९१ हजार ५० जना कोरोना भाइरसका संक्रमित थप भएका छन् । यो अहिलेसम्मकै संक्रमितको संख्या बढी हो ।..

मुकेश चौरसिया हत्याको किटानी जाहेरी दर्ता

पर्सा । पर्साको बिन्दाबासिनी गाँउपालिकाका नेकपा कार्यकर्ता मुकेश चौरसियाको हत्याको किटानी जाहेरी आज प्रहरीले..

चन्द समूहका कम्पनी कमिसारसहित दुई जना पक्राउ

काठमाडौं । नेत्रविक्रम चन्द समूहका कम्पनी कमिसारसहित दुई जनालाई मोरङ प्रहरीले पक्राउ गरेको छ । पक्राउ पर्नेमा..

चितवनमा सङ्कलित प्लाज्मा अन्य जिल्लामा

क्षेत्रीय रक्तसञ्चार केन्द्र भरतपुरले सङ्कलित कोभिड–१९ सङ्क्रमण भई निको भएकाका प्लाज्मा अन्य जिल्लामा पठाउन..

प्रहरीको गोलीबाट अश्वेत व्यक्तिको मृत्यु भएपछि अमेरिकाको फिलाडेल्फियामा तनाव

न्यूयोर्क । अमेरिकाको पेन्सिलभेनिया राज्यस्थित फिलाडेल्फिया शहरमा प्रहरीको गोली लागेर अश्वेत व्यक्तिको..